JOSHUA 6:18 - KA BAIBL

¹⁸ Phi te, la kumno kumno phin kyndiah noh ïa lade na kata kaba la tim, ba ïoh phi hi phin long kiba la tim haba phi shim na kata kaba la tim; kumta phin pynlong ka jingtim ïa ka dara ki Israel, bad phin pynjynjar ïa ka.

Khasi CL Bible (BSI)

¹⁸ Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

JOSHUA 6:18 ပူးပေါင်းရင်းမြစ်များ

2 SAMUEL 21:1

Te la don ha ki sngi u Dabid ka 'nemsniew lai snem lynter; bad u Dabid u la wad ïa ka khmat U Trai. Bad U Trai u la ong, “Ka long namar u Saul, bad namar ka ïing kaba bit snam jong u, namar ba u la pynïap ïa ki Gibeon.”

EKLESIASTIS 9:18

Lah ka jingstad ban ïa ki tiar ïapom: hynrei, uwei u nongpop u pynjot bun ka babha.

JONAH 1:12

U te u la ong ha ki, “To shim ïa nga, bad to bred noh ïa nga sha duriaw; kumta keiñ ka duriaw kan jai jai ïa phi: naba nga tip ba namar jong nga kane ka 'erïong kaba jur ka don ha phi.”

Ka Shithi U Paul Sha Ki Nong Rom 12:9

To ka jingieit kan long kaba khlem arsap. To kiar noh sngewtriem na kata ka basniew, to snoh ha kata ka babha.

2 KORINTH 6:17

Naba kumta, to ïamih noh phi napdeng jong ki, bad to pynïakhlad noh ïa lade phi,” ong U Trai, “bad to wat ktah shuh ïa ka bymkhuid; te nga ngan pdiang ïa phi ha lade,

EPHESOS 5:11

Bad to wat ïashang lem bad kita ki kam bymsei soh jong ka jingdum, hynrei, kham tam phin pynrem ïa ki.

DEUTERONOMI 13:17

Te kan ym snoh ei ei ruh na kata ïa kaba la tim, ha ka kti jong me: ba U Trai un phai noh na kaba shit lep ka jingbitar jong u, bad un pyni ïa ka jingisynei ïa me, bad un isynei ïa me, bad un pynroi ruh ïa me, kumba u la smai ha ki kpa jong me;

DEUTERONOMI 23:10

“Lada don mano mano ruh hapdeng jong phi, u bymkhuid da kaba shu jia ryngkhat ïa u mynmiet, te un mih noh shabar ka jaka shong dara, un ym wan hapoh kata ka jaka shong dara:

DEUTERONOMI 7:26

Lymne me wat wallam ïa kaba ijli ha la ïing, ba ïoh men long ïa uba la tim kum kata hi: hynrei, men ijli ïa ka baroh phar, bad men isih eh ïa ka baroh phar, namar ka long ïa kaba la tim keiñ.

JAKOB 1:27

Ka jinglong riewblei kaba sngur bad bymtngit ha khmat U Blei bad U Kpa ka long kane keiñ: ban leit khmih ïa ki khunswet bad ïa ki riewkynthei ha ka jingshitom jong ki, bad ban ri noh ïa lade uba khlem thohbria na ka jong ka pyrthei.

JOSHUA 7:1

Hynrei, ki khun Israel ki la leh palat ha kata ka basang: namar u Akhan, u khun u Karmi, u khun u Sabdi, u khun u Serah, na ka jaid Judah, u la shim na kata ka basang: bad ka jingbitar U Trai ïa ki khun Israel ka la meh.

JOSHUA 7:13

To ïeng noh, pynkhuid ïa u paidbah, to ong ruh, ‘To pynkhuid ïa lade hamar kaba lashai: naba kumne ong U Trai, U Blei ki Israel, “Don kata ka basang hapdeng jong me, ko Israel: mem lah ban ïeng ha khmat ki nongshun jong me, ha ban da phin pynmih noh ïa kata ka basang napdeng jong phi.”

JOSHUA 7:15

Kan sa long ruh, ba uta ïa uba yn kem ba don kata ka basang bad u, yn thang ïa u da ka ding, ïa u bad baroh katba u don: namar u la ryngkang ïa ka jutang U Trai, bad namar u la leh ïa ka jingbieit ha Israel.’ ”

JOSHUA 7:25

Bad u Joshua u la ong, “Balei me la pynjynjar ïa ngi? U Trai un pynjynjar ïa me ha kane ka sngi.” Te ki Israel baroh ki la lynthem ïa u da ki maw; bad ki la thang ïa ki da ka ding, ynda ki la lynthem ïa ki da ki maw.

1 ÏOANNIS 5:21

Ko ki khun hep, to phin da sumar ïa lade na kita ki bleithaw: Amen.

1 SAMUEL 15:9

Hynrei, u Saul bad kita ki briew ki la ri im ïa u Agag, bad ïa ki babha tam na ki langbrot, bad na ki masi ïa kiba kham sngaid, bad ïa ki khun langbrot, bad ïa kiei kiei baroh ki babha, bad kim pynjot noh khoit ïa ki: hynrei, ïa kaei kaei baroh ka basniew bad ka bymdonkam, ïa kata ki la pynjot noh khoit.