JOSHUA 6:17 - KA BAIBL

¹⁷ Te kata ka shnong kan long kaba la tim ha U Trai, ma ka bad baroh katba don ha ka: tang ka Rahab ka nuti kan im, ma ka bad baroh kiba bad ka ha ïing, namar ka la buhrieh ïa kita ki nonglam-ktien kiba ngi la phah.

Khasi CL Bible (BSI)

¹⁷ Ïa ka nongbah bad baroh kiba don ha ka dei ban pynjot thiaw kum ka jingainguh ha U Trai. Tang ïa ka Rahab ka nuti bad ïa ka longïing longsem jong ka yn pyllait im, namar ka la pynrieh ïa ki nongsyntiat jong ngi.

JOSHUA 6:17 ပူးပေါင်းရင်းမြစ်များ

JENESIS 12:3

bad ngan kyrkhu ïa kita kiba kyrkhu ïa me, bad ngan tim ïa uta uba tim ïa me: bad ïa ki jaid bynriew baroh ha ka pyrthei kin long ba la kyrkhu ha me.”

ESRA 10:8

bad jar u bym shym la wan hapdeng lai sngi, katba kum ka jingsneng ki rangbah bad ki tymmen basan, yn kurup noh ïa ka spah jong u baroh, bad ba yn pynïakhlad noh ïa u hi na u paidlang ka jingpynwir.

ISAÏAH 34:6

Ïa ka waitlam U Trai la pynkdang da ka snam, ïa ka la pynsngaid da ka jingkhleiñ, da ka snam ki khun langbrot bad ki blang, da ka khleiñ ki khyllai jong ki langbrot shynrang; namar U Trai u don ka jingkñia ha Bosrah, bad ka jingpynïap bakhraw ha ka ri Edom.

JEREMAÏAH 46:10

Namar kata ka sngi ka long ka sngi U Trai, U Trai ki paid, ka sngi jingpynhiar kput, ba un ïoh ban pynhiar kput halor ki nongshun jong u: bad ka waitlam kan bam duh bad kan ngiah, bad kan dih na ka snam jong ki haduh ban da kdang: namar U Trai, U Trai ki paid, u don ka jingkñia ha ka ri shatei hajan ka wah Ïuphratis.

ESEKIEL 39:17

“Te ma me, ko khun u briew, kumne u ong U Trai U Blei: To kren ha ki laiphew ki sim, bad ha u kynja mrad khlaw baroh, ‘To ïalang phi, bad to ïawan; to ïalum lang na ka phang baroh sha ka jingkñia jong nga kaba nga kñia na ka bynta jong phi, ka jingkñia bakhraw keiñ halor ki lum bah ki Israel, khnang ba phin ïoh bam doh bad dih snam de.

LEBITIKOS 27:21

bad kata ka lyngkha, haba kan lait noh ha ka snem ka jubili, kan long kaba la pynkyntang ha U Trai, kum ka lyngkha ba la pynkyntang; bad to ai ba kan long ka jong u lyngdoh.

MIKAH 4:13

To ïeng bad shoh kba, ko khun ka Seïon: naba ngan pynlong nar ïa ka reng jong pha, bad ngan pynlong rnong ïa ki khnap jong pha: te phan shoh lwet ïa bun ki jaid bynriew: bad phan pynkyntang ha U Trai ïa ka jingïoh jong ki, bad ïa ka spah jong ki ha U Trai ka khyndew baroh.

MATHAÏOS 25:40

Uta U Syiem te un ïathuh bad un ong ha ki, ‘Shisha nga ong ha phi, ha kaba phi la leh ïa ka ha uwei u barit tam na kine ki para jong nga, phi la leh keiñ ha nga.’

1 KORINTH 16:22

Lada uno uno ruh u bymieit ïa U Jisu Khrist uba U Trai, to un long anathema! Maranatha!

1 KORINTH 2:7

hynrei, ngi kren ïa ka jingstad kaba rieh jong U Blei, ïa kaba la buhrieh, kaba U Blei u la thmu lypa mynshuwa ki rta, khnang ïa ka burom jong ngi;

GALATIA 3:10

Namar kat kiba long na ki jingleh ka hukum ki long hapoh ka jingtim keiñ: namar la thoh: “Long ba la tim ïa uwei pa uwei u bymïaineh ha kiei kiei baroh ïa kiba la thoh ha Ka Kitab Ka Hukum, ïa ka ban leh ïa ki.”

GALATIA 3:12

Te kata ka hukum kam long na ka jingngeit; hynrei, “Uta uba leh ïa ki, un im ha ki.”

DEUTERONOMI 20:17

hynrei, men pynduh noh khoit ïa ki; ïa ki Hit, bad ïa ki Amor, ïa ki Kanaan, bad ïa ki Peris, ïa ki Hib, bad ïa ki Jebus; kumba U Trai uba U Blei jong me u la hukum ïa me:

HEBRU 11:31

Da ka jingngeit, ym shym la pynjot noh ïa ka Rahab ka nuti lem bad kita ki bymkohnguh, haba ka la pdiang ïa kita ki nongsyntiat da ka jingsuk.

HEBRU 6:10

namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh.

JAKOB 2:25

Kumjuh ruh de ym shym la pynksan da ki jingleh ïa ka Rahab ka nuti, mynba ka la pdiang sngewbha ïa kita ki nonglam-ktien, bad ba ka la phah noh ïa ki na kawei pat ka lynti?

JOSHUA 2:1

Te u Joshua u khun u Nun u la phah ar ngut ki briew jar jar na Shittim ban syntiat, u da ong, “Khie leit jngoh ïa ka ri, bad ïa ka Jerikho.” Te ki la leit, bad ki la poi ruh ha ka ïing kawei ka nuti kaba kyrteng “ka Rahab,” bad ki la shong basa hangta.

JOSHUA 2:22

Te ki la leit, bad ki la ïapoi ha uta u lum, ki la sah ruh hangta lai sngi, ha ban da kita ki nongbeh ki la wan noh: bad kita ki nongbeh ki la wad ïa ki baroh shilynter ka lynti, hynrei, kim shym shem.

JOSHUA 7:1

Hynrei, ki khun Israel ki la leh palat ha kata ka basang: namar u Akhan, u khun u Karmi, u khun u Sabdi, u khun u Serah, na ka jaid Judah, u la shim na kata ka basang: bad ka jingbitar U Trai ïa ki khun Israel ka la meh.

1 SAMUEL 15:3

To khie mynta, bad to pom ïa ki Amalek, bad to pynjot noh khoit ïa kiei kiei baroh katba ki don, bad wat pynim ïa ki; hynrei, to men pynïap ïa ki bad shynrang bad kynthei, bad khynnah bad khunlung ba dang buiñ, bad masi bad langbrot, ki ut bad ki kadda.’ ”

1 SAMUEL 15:6

Bad u Saul u la ong ha ki Ken, “Khie noh, kynriah noh, leit hiar noh napdeng kine ki Amalek, ba ïoh ngan pynjot noh ïa phi lem bad ki: namar phi la leh isynei ïa ki khun Israel baroh, mynba ki la wan mih noh na ka ri Ijipt.” Kumta ki Ken ki la kynriah noh napdeng kita ki Amalek.