JOSHUA 5:6 - KA BAIBL

⁶ Namar ki khun Israel ki la ïaid ha ri khlaw sawphew snem, ha ban da u paidbah baroh, kiba long ki nongïapom kiba la mih na Ijipt, ki la duh noh khoit, namar ba kim shym la kohnguh ïa ka ktien U Trai: ha kiba u la smai ba un ym shah ba kin ïohi ïa kata ka ri kaba U Trai u la smai ha ki kpa jong ki ba un ai ha ngi, ka ri kaba tuid da ka dud bad ka ngap keiñ.

JOSHUA 5:6 ပူးပေါင်းရင်းမြစ်များ

SALM 107:4

Ki la ïaidwir ha ri khlaw ha ka lynti bym ju ïaid; kim shym shem ka shnong shongneh.

EKSODOS 3:17

nga la ong ruh, Ngan ïalam noh artet ïa phi na ka jingshitom ka ri Ijipt sha ka ri ki Kanaan, bad ki Hit, bad ki Amor, bad ki Peris, bad ki Hib, bad ki Jebus ruh de, sha ka ri kaba tuid da ka dud bad ka ngap.” ’

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

JEREMAÏAH 2:2

“Khie leit, pyrta ha ki shkor ka Jerusalem, to ong, “Kumne u ong U Trai, Nga kynmaw shaphang jong pha ïa ka jingsbun ka jinglong samla jong pha, ka jingieit ka jingïateh ktien jong pha; kumba pha la leit bud ïa nga ha ka ri khlaw, ha ka ri bym ju rep.

ESEKIEL 20:15

Nalor kata ruh, nga la rah pat ïa la ka kti ha ki ha ka ri khlaw, ba ngan ym leit lam ïa ki sha kata ka ri kaba nga la ai ïa ki, kaba tuid da ka dud bad ka ngap, kaba long ka burom jong ki ri baroh;

ESEKIEL 20:6

ha kata ka sngi, nga la rah ïa la ka kti ha ki, ban wallam noh ïa ki na ka ri Ijipt sha kata ka ri ïa kaba nga la ïohi na ka bynta jong ki, kaba tuid da ka dud bad ka ngap, kaba long ka burom jong ki ri baroh:

JOEL 3:18

“Te kan jia ha kata ka sngi, ba ki lum kin pynjaw ïa ka Waiñ thiang, bad ki lum rit kin tuid da ka dud, bad ki wah duid ka Judah baroh kin tuid da ki um; bad ka umpohliew kan mih noh na ka ïing U Trai, bad kan ai um ïa Ka Them Shittim.

JINGKHEIÑ 14:23

da shisha, kin ym ïohi ïa kata ka ri ïa kaba nga la smai ha ki kpa jong ki, kita baroh keiñ kiba la pynbitar ïa nga, kin ym ïohi ïa ka:

JINGKHEIÑ 26:63

Kine ki long kita ïa kiba la ñiew da u Moses, bad u Eleasar lyngdoh; kiba la ñiew ïa ki khun Israel ha ki pyntha ka ri Moab, hajan ka Jordan, ha marpyrshah ka Jerikho.

DEUTERONOMI 1:3

Ka la jia te, ha ka basawphew snem, ha ka bakhatwei bnai, ha ka sngi ka banyngkong jong uta u bnai, ba u Moses u la kren ha ki khun Israel, ïa baroh katba U Trai u la lah hukum ïa u ban ong ha ki;

DEUTERONOMI 2:14

Te kita ki sngi, naduh ba ngi la ïaid na Kadesh-barnea haduh ba ngi la ïawan poi sha shiliang kata ka wah Sered, ki la long laiphew phra snem; tad ynda kata ka pateng bynriew jong kita ki briew kiba ïaleh thma ka la ïap duh noh baroh napdeng uta u paidbah, kumba U Trai u la lah smai ha ki.

DEUTERONOMI 2:7

Naba U Trai uba U Blei jong me u la kyrkhu ïa me ha ki kam ka kti jong me baroh: u ithuh keiñ ïa ka jingïaid jong me lyngba kane ka ri khlaw bakhraw: kine sawphew snem, U Trai uba U Blei jong me u la don ryngkat bad me; mem shym la duna ei ei ruh em.” ’

DEUTERONOMI 8:4

Ki jaiñkup jaiñsem jong me kim shym la man rim halor jong me, lymne ka sla'jat jong me kam shym la at, ha kine sawphew snem.

HEBRU 3:11

Kumta, nga la smai ha ka jingbitar jong nga: ‘Kin ym ïoh leit bsut sha ka jingjahthait jong nga.’ ”

JOSHUA 1:6

Pynkhlaiñ bad pynshlur bha ïa lade: namar men pynïoh bynta ha une u paidbah ïa kata ka ri ba nga la smai ha ki kpa jong ki ban ai ha ki.

JOSHUA 24:7

Te haba ki la lynñiar ha U Trai, u la buh ka jingdum hapdeng jong phi bad ki Ijipt, bad u la wallam ïa ka duriaw halor jong ki, bad u la tyllep ïa ki; bad ki khmat jong phi ki la ïohi ïa kata kaba nga la leh ha Ijipt: bad phi la shong ha ka ri khlaw slem bah.

JOSHUA 5:5

Namar ïa ki briew baroh ba la mih noh la otsher: hynrei, ïa ki briew baroh ba la kha ha ka ri khlaw ha lynti ynda ki la mih na Ijipt, ïa kita ym pat shym la otsher.

JOSHUA 5:7

Te kita ki khun jong ki, kiba u la pynmih ha ka jaka jong ki, ïa kita, u Joshua u la otsher: naba ki long ki bym shym la otsher namar ba ym shym la otsher ïa ki ha lynti.