JOSHUA 5:4 - KA BAIBL

⁴ Bad kane ka daw balei ba u Joshua u la otsher: ki briew baroh, ki shynrang, ki nongïapom baroh keiñ, kiba la wan mih noh na ri Ijipt, ki la lah ïap ha ri khlaw ha lynti, ynda ki la mih noh na Ijipt.

Khasi CL Bible (BSI)

^4-6 Mynba ki Israel ki la mihnoh na Ijipt, la dep otsher ïa ki shynrang baroh. Hynrei ha ki sawphew snem ba u paidbah u ïaid lyngba ïa ka ri shyiap, ym shym la otsher satia ïa uno uno u khunlung shynrang. Kumjuh ruh, ha kaba kut jong kata ka por ki rangbah baroh kiba la kynjoh ka rta ïaleh mynba ki la mihnoh na Ijipt ki la ïap namar ba kim shym kohnguh ïa U Trai. Kumba u la smai, ym shym la shah ïa ki ban ïohi ïa kata ka ri kaba tuid da ka dud bad ka ngap kaba u la kular ha ki kpa tymmen jong ki.

JOSHUA 5:4 ပူးပေါင်းရင်းမြစ်များ

JINGKHEIÑ 14:22

Namar kita ki briew baroh kiba la ïohi ïa ka burom jong nga, bad ïa ki dak phylla jong nga ïa kiba nga la leh ha ka ri Ijipt, bad ha kata ka ri khlaw, bad kiba la pynshoi ïa nga kine shiphew sien, bad kim shym la shahshkor ruh ïa ka ktien jong nga;

1 KORINTH 10:5

Hynrei, pynban, U Blei um shym la sngewbha ïa kiba kham bun na ki; namar la pynkyllon plar ïa ki ha ka ri khlaw.

DEUTERONOMI 2:14

Te kita ki sngi, naduh ba ngi la ïaid na Kadesh-barnea haduh ba ngi la ïawan poi sha shiliang kata ka wah Sered, ki la long laiphew phra snem; tad ynda kata ka pateng bynriew jong kita ki briew kiba ïaleh thma ka la ïap duh noh baroh napdeng uta u paidbah, kumba U Trai u la lah smai ha ki.

DEUTERONOMI 2:16

“Ka la jia te, mynba kita ki riewthma ki la duh noh baroh, bad ki la ïap noh napdeng uta u paidbah,

JOSHUA 5:3

Te u Joshua u la thaw ha u ki tari maw, bad u la otsher ïa ki khun Israel ha u lum Haaralot.

JOSHUA 5:5

Namar ïa ki briew baroh ba la mih noh la otsher: hynrei, ïa ki briew baroh ba la kha ha ka ri khlaw ha lynti ynda ki la mih na Ijipt, ïa kita ym pat shym la otsher.