JOSHUA 5:14 - KA BAIBL

¹⁴ Te u la ong, “Em; hynrei kum u kaptan jong u paidïapom jong U Trai nga la wan mynta.” Bad u Joshua u la dem ngon la ka khmat ha khyndew, bad u la mane, bad u la ong ha u, “U Kynrad jong nga u ong aïu ha la u shakri?”

Khasi CL Bible (BSI)

¹⁴ “Ngam dei uno uno,” uta u briew u jubab. “Nga don hangne kum u rangbah ai hukum jong ka kynhun ïapom U Trai.” U Joshua u dem mane ngon ha khyndew bad u ong, “Bah, nga long u shakri jong phi. Aïu phi kwah ïa nga ban leh?”

JOSHUA 5:14 ပူးပေါင်းရင်းမြစ်များ

JENESIS 17:17

Ynda kumta, u Abraham u la nguh ngon haduh khyndew, bad u la rkhie, bad u la ong ha la ka dohnud, “Shisha yn sa kha ïa u khun ïa u briew uba la shispah snem ka rta? bad ka Sara shisha kan ïoh kha khun, haba ka long kaba khyndaiphew snem ka rta?”

JENESIS 17:3

Ynda kumta, u Abram u la nguh ngon haduh khyndew: U Blei te u la kren bad u, u da ong,

2 SAMUEL 7:19

Bad kane ka la long pynban ka barit ha khmat jong me, A Trai U Blei; hynrei, me la kren shaphang ka ïing u shakri jong me sha ka ban slem eh ruh; bad kane ruh kat kum ka rukom briew, A Trai U Blei!

2 SAMUEL 7:20

Te u Dabid un lah ong aïu pat ïa me? naba ma me, A Trai U Blei, me ithuh ïa la u shakri.

SALM 110:1

U Trai u la ong ha U Trai jong nga, “To shong ha ka kti kamon jong nga, tad ynda ngan pynlong ïa ki nongshun jong me ka jingïuh kjat ïa me.”

SALM 24:10

Uei une U Syiem ka burom? U Trai ki paid, uta keiñ U Syiem ka burom. Selah.

EKSODOS 4:10

Te u Moses u la ong ha U Trai, “A Trai jong nga, ngam long uba pnah ka shyntur, lymne mynno mynno, lymne naduh ba me la kren bad la u shakri: hynrei, nga long uba thlun ka jingkren, bad uba thlun u thylliej.”

EKSODOS 4:13

U te u la ong, “A Trai, to phah, nga kyrpad ïa me, da uta ïa uba me dei ban phah.”

ISAÏAH 55:4

Ha khmih, nga la ai ïa u ban long sakhi ha ki kynja bynriew, u nongïalam bad u nongai hukum ha ki kynja bynriew.

ISAÏAH 6:8

Te nga la ïohsngew ïa ka jingsawa U Trai, ba u ong, “Ngan phah ïano, bad uei u ban leit na ka bynta jong ngi?” Te nga la ong, “Nga hangne; to phah ïa nga.”

ESEKIEL 3:23

Ynda kumta, nga la ïeng, bad nga la leit noh sha kata ka them: te ha khmih, ka burom U Trai ka la ïeng hangta, kaba kum kata ka burom kaba nga la ïohi harud ka wah Khebar: bad nga la hap dem la ka khmat.

DANIEL 10:13

Hynrei, u syiem jong ka hima Persha u la ïeng ïaleh ïa nga arphew wei sngi; hynrei, ha khmih, u Meikhal, uwei u rangbah na ki bakhraw, u la wan ïarap ïa nga: te nga la sah hangta bad ki syiem ka Persha.

DANIEL 10:21

Hynrei, ngan ïathuh ha me ïa-ei ba la thoh ha ka jingthoh jong ka jingshisha: bad ym don ba ïaineh bad nga pyrshah ïa kine, hynrei, tang u Meikhal u syiem jong phi.”

DANIEL 12:1

“Te ha kata ka por, un ïeng u Meikhal, uta u rangbah bakhraw uba ïeng na ka bynta ki khun ki briew jong me: bad kan long ka por kaba jynjar, kat kata ym shym la don naduh ba la long ka jaid bynriew haduh kata ka por: bad ha kata ka por, yn pynim ïa ki briew jong me, ïa kat u ban shem ba la thoh ha kata ka kitab.

DANIEL 8:11

Shisha keiñ, ka la pynkhraw ïa lade ruh, wat haduh u rangbah jong uta u paidbah; bad ka la shim noh na u, ïa kata ka jingainguh thang kaba borabor, bad ïa ka jaka ka ïing kyntang jong u la pynkyllon noh.

LEBITIKOS 9:24

Bad ka ding ka la mih na khmat U Trai, bad ka la thang duh halor ka duwan ïa ka jingkñia ainguh thang bad ïa ka khleiñ: bad u paidlang baroh u la ïohi, bad ki la ïarisa kmen, bad ki la ïadem ngon haduh khyndew.

JINGKHEIÑ 16:22

Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?”

JINGKHEIÑ 16:45

“To khie leit noh napdeng une u paidlang, ba ngan ïoh pynjot noh ïa ki shisyndon.” Ki te ki la hap dem la ki khmat.

JINGKHEIÑ 22:31

Te U Trai u la pynpeit ïa ka khmat u Balaam, bad u la ïohi ïa uta u angel U Trai ba u da ïeng ha kata ka lynti, ba u da don ruh ka waitlam ba la sei ha ka kti jong u: te u la dem ïa la ka khlieh, u la dem ngon ruh.

MATHAÏOS 22:44

“ ‘U Trai u la ong ha U Trai jong nga, “To shong sha kamon jong nga, tad ynda ngan pynlong ïa kiba shun ïa me ka jingïuh hapoh ki kjat jong me?” ’

MATHAÏOS 8:2

Ha khmih ruh, u bapang 'ñiangthohlieh u la wan, bad u la mane dem ïa U, u da ong, “Ko Kynrad, lada me mon, me lah ban pynkhuid ïa nga.”

LOUKAS 1:43

Nangno ruh, la jia kane ïa nga, ba ka kmie U Trai jong nga ka la wan ha nga?

LOUKAS 20:42

Naba u Dabid hi u ong ha ka kitab ki Salm, “ ‘U Trai u la ong ha U Trai jong nga: Ma me to shong sha kamon jong nga,

LOUKAS 5:12

Ka la jia ruh, ba haba U don ha kawei na kita ki shnong, ha khmih ruh u briew uba la dap da ka jingpang 'thohlieh: te haba u la ïohi ïa U Jisu u la dem khrup, bad u la kyrpad ïa U, u da ong, “A Trai, lada me mon, me lah ban pynkhuid ïa nga.”

ÏOANNIS 20:28

U Thomas te u la ïathuh, bad u la ong ha U, “U Trai jong nga, bad U Blei jong nga!”

KI KAM 9:6

Haba u la khynñiuh bad la sngewmaïan, u la ong, “A Trai, aïu me mon ïa nga ban leh?” Ynda kumta U Trai u la ong ha u, “To ïeng, khie leit ruh shapoh kata ka shnong, te yn sa ïathuh ha me aïu ba ka dei ïa me ban leh.”

PHILIPPI 3:8

Ho-oid, shisha keiñ, bad nga ñiew ïa kiei kiei baroh ba ki long ka jingduh na ka bynta ka jingbha kor tam jong ka jingtip ïa U Khrist Jisu uba U Trai jong nga; na ka bynta jong u, nga la duh noh ïa kiei kiei baroh, bad nga ñiew synrum ïa ki, khnang ba ngan ïoh ïa U Khrist,

HEBRU 2:10

Namar ka la bit ïa u, na ka bynta jong u ba la long kiei kiei baroh, bad da u ba long kiei kiei baroh, ha kaba u ïalam ïa ki khun shibun sha ka burom, ban pynjanai ïa U Nongpynlong ka jingpynim jong ki da ki jingshahshitom.

JOSHUA 20:1

Bad U Trai u la kren ha u Joshua, u da ong,

JINGPYNPAW 12:7

Bad ka thma ka la long ha bneng: u Mikhal bad ki angel jong u ki la ïaleh thma ïa uta u ïakjakor; te uta u ïakjakor ruh bad ki angel jong u ki la ïaleh thma;