JOSHUA 5:1 - KA BAIBL

¹ Te haba baroh ki syiem ki Amor, kiba sha shiliang ka Jordan shaphang sepngi, bad baroh ki syiem ki Kanaan, kiba hajan ka duriaw, ki la ïohsngew ba U Trai u la pynrngad ïa ki um ka Jordan ha shuwa ki khun Israel, ha ban da ki la ïaleit sha shiliang, kumta ki dohnud jong ki, ki la um noh, ba ym don mynsiem shuh ha ki, namar ki khun Israel.

Khasi CL Bible (BSI)

¹ Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.

JOSHUA 5:1 ပူးပေါင်းရင်းမြစ်များ

JENESIS 12:6

Bad u Abram u la ïaid lyngba kata ka ri sha ka jaka ba la khot “Shekem”, haduh u dieng soh Shanam Dngiem u Moreh. Bad ki Kanaan ki la don mynkata ha kata ka ri.

JENESIS 48:22

Bad nga la ai ha me kawei ka bynta tam nalor ki hynmen hynbew jong me, ïa kaba nga la knieh na ka kti ki kynja Amor da la ka waitlam bad da la ka ryntieh.”

2 SAMUEL 21:2

Te u syiem u la khot ïa ki Gibeon, bad u la ong ha ki; (te kita ki Gibeon kim shym long na ki khun Israel, hynrei, na kita kiba sah na ki Amor; bad ki khun Israel ki la smai ha ki: u Saul te u la pyrshang ban pynïap ïa ki ha ka jingshitrhem na ka bynta ki khun Israel bad Judah:)

1 SYIEM 10:5

bad ka jingbam ka miej jong u, bad kaba shong ki shakri jong u, bad kaba ïeng ki myntri jong u, bad ki jaiñkup jaiñsem jong ki, bad ki rangbah khuri jong u, bad ïa ka lynti jong u da kaba u leit kiew sha ïing U Trai; kam shym tipbriew ei ei shuh.

ESRA 9:1

Ynda la pyndep ïa kine kiei kiei, ki rangbah ki la ïashur jan sha nga, ki ïa-ong, “U paidbah ki Israel, bad ki lyngdoh bad ki Lebi, kim shym la pynkyrpang ïa lade na ki briew kine ki ri, ki da leh katba kum ka jingijli jong ki, ki jong ki Kanaan, ki Hit, ki Peris, ki Jebus, ki Ammon, ki Moab, ki Ijipt, bad ki Amor.

SALM 135:11

ïa u Sihon u syiem ki Amor bad ïa u Og u syiem ka Bashan, bad ïa ki hima ka ri Kanaan baroh:

EKSODOS 23:28

Bad ngan phah ïa ki kyieng ha shuwa jong me, ki ban beh noh ïa ki Hib, bad ïa ki Kanaan, bad ïa ki Hit, na khmat jong me.

ISAÏAH 41:5

Ki 'dewlynnong ki la ïohi, bad ki la sheptieng; ki bakut ka khyndew ki la khynñiuh: ki la ïawan hajan, bad ki la ïapoi.

ESEKIEL 16:3

‘Kumne u ong U Trai U Blei ha ka Jerusalem: Ka jingsdang bad ka jingkha jong pha ki long na ka ri ki nong Kanaan; u kpa jong pha u la long u nong Amor, bad ka kmie jong pha ka la long ka nong Hit.

ESEKIEL 21:7

Bad haba kin ong ha me, “Na ka balei ba me pynhiar mynsiem?” me men ong, “Namar kane ka khubor, naba ka wan: bad ka dohnud baroh kan um noh, bad ki kti baroh kin tlot, bad ka mynsiem baroh kan lwait, bad ki khohsiew baroh kin jem kum ka um; ha khmih, ka wan, bad yn sa pyndep ïa ka,” ’ ” ong U Trai U Blei.

DANIEL 5:6

Ynda kumta, ka khmat u syiem ka la kylla bak, bad ki jingpyrkhat jong u ki la pynkhuslai ïa u; bad ki mat ka syngkai jong u ki la khih, bad ki khohsiew jong u ki la ïatyngkhuh.

AMOS 2:9

“Pynban, nga la pynjot ïa u nong Amor ha khmat jong ki, uba ka rynïeng jong u ka la long ka rynïeng ki dieng Kedar, bad u la khlaiñ kat ki dieng Sning; pynban, nga la pynduh ïa u soh jong u na jrong, bad ïa ki thied jong u na shapoh.

JINGKHEIÑ 13:29

Kita ki Amalek, ki ïashong sah ha ka ri shathie: te ha ki ri lum, ki ïashong sah ki Heth, bad ki Jebus, bad ki Amor: ki Kanaan ruh ki ïashong hajan kata ka duriaw, bad harud ka Jordan.”

JOSHUA 17:12

Hynrei, ki khun u Manasseh kim lah ban beh noh ïa kita kiba shong ha kita ki shnong; hynrei, ki Kanaan ki shu shong bor ha kata ka ri.

JOSHUA 17:18

hynrei, kata ka lum kan long ka jong me; namar la ka long khlaw, men shyrti ïa ka, bad ki pud jong ka kin long ki jong me: namar men beh noh ïa ki Kanaan, la ki don ki kali nar, bad la ki long ki bakhrawbor ruh.”

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

JOSHUA 3:16

te kita ki um kiba hiar na neng ki la ïeng, bad ki la ïeng kum ka kynton, kham sha jngai eh, hajan ka shnong Adam, kaba ha syndah ka Sarethan: bad kita kiba hiar sha ka duriaw ka madan, ka Duriaw Mluh keiñ, ki la duh khoit: kumta, u paidbah u la leit sha shiliang marpyrshah ka Jerikho.

JOSHUA 3:17

Bad ki lyngdoh kiba bah ïa ka synduk ka jutang U Trai ki la ïeng skhem ha ryngkew hapdeng ka Jordan, bad ki Israel baroh ki la leit sha shiliang na ryngkew, ha ban da u paidbah baroh u la leit phar sha shiliang ka Jordan.

JINGPYNPAW 18:10

haba ki ïeng na sha jngai namar kata ka jingsheptieng ïa ka jingkordit jong ka, ki da ïa-ong, “Kordit, kordit, kata ka nongbah ka bakhraw, ka Babilon, kata ka nongbah kaba don bor! naba ha kaba shi por ka la poi kata ka jingshitom jong pha.”

NONGBISHAR 1:1

Te hadien ka jingïap u Joshua, ki Israel ki la ïakylli ïa U Trai, ki da ong, “Uei un leit kiew nyngkong na ka bynta jong ngi pyrshah ïa ki Kanaan, ban ïaleh ïa ki?”

NONGBISHAR 11:23

Kumta te U Trai, U Blei ki Israel, u la pynduh ïa ki Amor na khmat ki Israel u paidbah jong u, me pynban men ïoh ïa kita?

NONGBISHAR 3:3

ki san doloi ki Philistia, ki Kanaan baroh, bad ki Sidon, bad ki Hib kiba shong ha u lum Lebanon, naduh u lum Baal-hermon haduh ka lynti sha Hamath.

NONGBISHAR 4:2

Te U Trai u la die noh ïa ki ha ka kti u Jabin u syiem ka Kanaan, uba synshar ha Hasor; u rangbah ki paidïapom jong u, u Sisera, uba shong ha Harosheth ki Jentil.

1 SAMUEL 25:37

Te mynstep, haba kata ka jingbuaid u Nabal ka la pyngngad, te ka tnga jong u ka la ïathuh ha u ïa kine ki ktien, te ka dohnud jong u ka la ïap noh hapoh jong u, bad u la kylla long kum u maw.