JOSHUA 4:9 - KA BAIBL

⁹ Bad u Joshua u la pynïeng khat-ar tylli ki maw hapdeng ka Jordan, ha kata ka jaka ha kaba ki sla'jat kita ki lyngdoh kiba la bah ïa kata ka synduk ka jutang ki la ïeng: ki don hangta ruh, haduh kane ka sngi.

Khasi CL Bible (BSI)

⁹ U Joshua u pynïeng ruh khat-ar tylli ki maw hapdeng jong ka Jordan, ha kaba ki lyngdoh kiba bah ïa ka Synduk ka Jutang ki la ïeng. (Kito ki maw ki dang don hangta.)

JOSHUA 4:9 ပူးပေါင်းရင်းမြစ်များ

JENESIS 26:33

Bad u la khot “ka Sheba” ïa ka: namar kata, ka kyrteng kata ka shnong ka long “ka Beer-sheba” haduh kane ka sngi.

JENESIS 28:18

Bad u Jakob u la khie dang step phyrngab, bad u la shim ïa uta u maw da uba u la lah pynlong syngkhlieh ïa lade, bad u la thung mawbynna ruh ïa u bad u la theh ka umphniang ha kliar jong u.

2 SAMUEL 4:3

te ki Beeroth ki la phet ïap sha Gittaim, bad hangta ki la sah kum ki sohshnong haduh kane ka sngi.)

1 SYIEM 18:31

Bad u Elijah u la shim khat-ar tylli ki maw, katba kum ka jingkheiñ ki jaid ki khun u Jakob, ha uba ka ktien U Trai ka la wan, ka da ong, “ ‘U Israel’ kan long ka kyrteng jong me.”

2 KHRONIKL 5:9

Bad kita ki dieng jingbah ki long kiba jrong ba lah ban ïohi ïa ki tduh jong kita ki dieng jingbah na ka synduk ha khmat ka orakl; hynrei, ym ïohi ïa ki na shabar: bad hangta ka don, haduh kane ka sngi.

EKSODOS 24:12

Bad U Trai u la ong ha u Moses, “To wan kiew sha nga ha une u lum, to sah hangta ruh: bad ngan ai ha me ïa ki maw lyngkniap, bad ïa ki hukum bad ïa ki adong ïa kiba nga la thoh, ba men ïoh hikai ïa ki.”

EKSODOS 28:21

Bad ha kita ki maw kin don ki kyrteng ki khun Israel, khat-ar keiñ, kat kum ki kyrteng jong ki; kum kaba pruid jong ka mohor, uwei pa uwei baroh bad la ka kyrteng kyrteng, kat kum ki khat-ar ki jaid.

MATHAÏOS 27:8

Naba kumta la ju khot ïa kata ka lyngkha, “Ka lyngkha ka snam”, haduh kane ka sngi.

MATHAÏOS 28:15

Kumta, haba ki la shim ïa u sbai, ki la leh kumba la hikai ïa ki; te ïa kane ka ktien la pynbna hapdeng ki Jiw haduh mynta.

DEUTERONOMI 34:6

Bad la tep ïa u ha ka syng-it lum ha ka ri Moab, marpyrshah ka Beth-peor; hynrei, ym don briew keiñ ba tip ïa ka jingtep jong u haduh kane ka sngi.

JOSHUA 24:26

Bad u Joshua u la thoh ïa kine ki ktien ha Ka Kitab Ka Hukum U Blei; bad u la shim ïa u maw bakhraw, bad u la pynïeng ïa u hangta hapoh u dieng Sning uba hajan ka jaka kyntang U Trai.

JOSHUA 4:10

Te kita ki lyngdoh kiba bah ïa kata ka synduk ki la ïeng hapdeng ka Jordan, ha ban da la pyndep ïa baroh ba la hukum U Trai ha u Joshua ban kren ha u paidbah, katba kum ïa baroh ba la hukum u Moses ha u Joshua: te uta u paidbah u la kyrkieh bad u la leit sha shiliang.

NONGBISHAR 1:26

Uta u briew te u la leit sha ka ri ki Hit, bad u la thaw kawei ka shnong, bad u la khot ïa ka kyrteng jong ka, “ka Lus”: kaba long ka kyrteng jong ka, haduh kane ka sngi.

1 SAMUEL 30:25

Te naduh kata ka sngi, u la buh ïa kane ban long ka aiñ bad ka rukom ha Israel, haduh kane ka sngi.

1 SAMUEL 7:12

Te u Samuel u la shim ïa u maw, bad u la pynïeng ïa u hapdeng ka Mispah bad ka Shen, bad u la khot kyrteng ïa u, “U Ebeneser”, u da ong, “Haduh kane U Trai u la ïarap ïa ngi.”