JOSHUA 4:7 - KA BAIBL

⁷ Ynda kumta, phin ïathuh ha ki, ‘La pyndkut noh ïa ki um ka Jordan ha shuwa ka synduk ka jutang U Trai; mynba ka la leit sha shiliang ka Jordan, ïa ki um ka Jordan la pyndkut noh: bad kine ki maw kin long ka jingkynmaw ïa ki khun Israel junom.’ ”

Khasi CL Bible (BSI)

⁷ phin ïathuh ïa ki ba ka um jong ka Jordan ka la sangeh ban tuid haba ka Synduk ka Jutang U Trai ka jam ïa ka wah. Kine ki maw kin ïai pynkynmaw ïa ki paid Israel shaphang kaei kaba la jia hangne.”

JOSHUA 4:7 ပူးပေါင်းရင်းမြစ်များ

SALM 111:4

U la pynlong ïa la ki jingleh kiba phylla ba yn kynmaw ïa ki: U Trai u long uba aiei bad uba dap ka jingisynei.

EKSODOS 12:14

“ ‘Kane ka sngi ruh kan long ïa phi ka jingpynkynmaw, bad phin rakhe ruh ïa ka kum Ka Jingkhawai Niam ïa U Trai: ha ki pateng la pateng jong phi phin rakhe ïa ka keiñ kum Ka Jingkhawai Niam da ka hukum kaba ha la ka rta.

EKSODOS 28:12

Men buh ruh ïa kita ki ar tylli ki maw ha ki tyrpeng ka ephod, kum ka jingpynkynmaw ïa ki khun Israel: bad u Aaron un bah ïa ki kyrteng jong ki ha khmat U Trai halor baroh ar ki tyrpeng jong u kum ka jingpynkynmaw.

EKSODOS 30:16

Bad men shim ïa kita ki sbai kuna na ki khun Israel, bad men buh ïa ki na ka bynta ka kam Ka Tabernakl jong ka jingïaseng; khnang ba kan long ka jingpynkynmaw ïa ki khun Israel ha khmat U Trai, ïa ka ban pynlong ïa ka kuna na ka bynta ki mynsiem jong phi.”

ISAÏAH 66:3

“Uba pynïap ïa u masi dab u long kum uba pynïap briew; uta uba kñia ïa u khun langbrot, u long kum uba la pynkheiñ ïa ka ryndang u ksew; uta uba ai ïa ka jingainguh, u long kum uba ainguh da ka snam sniang; uta uba thang jingiwbih, u long kum uba kyrkhu ïa u bleithaw. Shisha keiñ, ki la jied ïa la ki jong ki lynti, bad ka mynsiem jong ki ka sngewbha ha ki jingijli jong ki;

JINGKHEIÑ 16:40

ïa ka ban long ka jingpynkynmaw ïa ki khun Israel, ba uno uno ruh u nongwei, u bymdei na u symbai u Aaron, un ym wan hajan ban ainguh ïa ka jingiwbih thang ha khmat U Trai, ba ïoh un long kum u Korah, bad u paidlang jong u; kumba U Trai u la ong ha u da ka kti u Moses.

JINGKHEIÑ 17:5

Te kan jia, ba u diengduh jong uta u briew ïa uba ngan jied un phuh, bad ngan pynduh na khmat jong nga ïa ki jingkhñium jong ki khun Israel, ïa kiba ki la ïakren khñium ïa phi.”

1 KORINTH 11:24

bad haba u la lah nguh, u la kdiah, bad u la ong, “To shim phi, to bam; une u long ka met jong nga, ïa kaba la pynkheiñ na ka bynta jong phi; to leh ïa kane, ïa ka ban kynmaw ïa nga.”

DEUTERONOMI 16:3

Men ym bam ïa u kpu ba don thiat lem bad ka; hynñiew sngi men bam ïa u kpu bakhlem thiat lem bad ka, ïa u kpu ka jingshitom keiñ; namar da kaba kyrkieh, me la mih noh na ka ri Ijipt: ba me lah ban kynmaw ïa kata ka sngi ha kaba me la mih noh na ka ri Ijipt, baroh ki sngi ka rta jong me.

JOSHUA 4:6

ba kane kan ïoh long ka dak hapdeng jong phi, ba haba ki khun jong phi kin kylli lashai lashisngi, da kaba ong, ‘Da kine ki maw phi mut aïu?’