JOSHUA 4:6 - KA BAIBL

⁶ ba kane kan ïoh long ka dak hapdeng jong phi, ba haba ki khun jong phi kin kylli lashai lashisngi, da kaba ong, ‘Da kine ki maw phi mut aïu?’

Khasi CL Bible (BSI)

⁶ Kine ki maw kin pynkynmaw ïa ki briew ïa kaei kaba U Trai u la leh. Hadien habud, haba ki khun ki kti jong phi ki kylli aïu kine ki maw ki mut,

JOSHUA 4:6 ပူးပေါင်းရင်းမြစ်များ

SALM 44:1

Ngi la ïohsngew da la ki shkor, A U Blei, ki kpa jong ngi ki la ïathuh ha ngi, ïa ka kam kaba me la leh ha ki sngi jong ki, ha ki sngi mynbarim.

SALM 71:18

Bad haba nga la tymmen ruh bad nga phuh 'ñiuhlieh, A U Blei, wat iehnoh ïa nga; tad ynda nga la pynbna ïa ka ksang'ti jong me ha ka pateng bynriew ka ban sa wan, ïa ka bor jong me ha uwei uwei baroh u ban sa wan.

EKSODOS 12:14

“ ‘Kane ka sngi ruh kan long ïa phi ka jingpynkynmaw, bad phin rakhe ruh ïa ka kum Ka Jingkhawai Niam ïa U Trai: ha ki pateng la pateng jong phi phin rakhe ïa ka keiñ kum Ka Jingkhawai Niam da ka hukum kaba ha la ka rta.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 31:13

“To kren ruh ha ki khun Israel, da kaba ong, ‘Shisha phin rakhe ïa ki Sabbaton jong nga: naba ka long ka dak hapdeng jong nga bad phi ha ki pateng la pateng bynriew jong phi baroh; ïa ka ban ïoh tip ba long ma nga U Trai uba pynkyntang ïa phi.

ISAÏAH 38:19

U ba-im, u ba-im keiñ, un ïaroh ïa me, kumba nga leh ha kane ka sngi: u kpa un pyntip ïa ka jingshisha jong me ha ki khun.

ISAÏAH 55:13

Ha ka jaka u shiah un mih u dieng Kseh, bad ha ka jaka u soh shiah un mih u dieng Myrtl: te kan long ka nam ïa U Trai, ka dak bymjukut ka ban ym ot duh noh.”

ESEKIEL 20:12

Nalor kata, nga la ai ruh ha ki, ïa ki Sabbaton jong nga, ïa ka ban long ka dak hapdeng jong nga bad ki, ba kin ïoh tip ba nga long ma nga U Trai uba pynkyntang ïa ki.

ESEKIEL 20:20

bad to sumar khuid ïa ki Sabbaton jong nga; bad kin long ka dak hapdeng jong nga bad phi, ba phin ïoh tip ba nga long U Trai U Blei jong phi.’

JINGKHEIÑ 16:38

na kita ki pliang jong kine kiba la leh pop ïa la ki mynsiem jong ki hi, to thaw sla ki baïar ïa ki, ban long ka jingtap ïa ka duwan: naba ki la ainguh ïa ki ha khmat U Trai, namar kata, ki long kiba la kyntang: bad kin long ka dak ha ki khun Israel.”

KI KAM 2:39

Namar ka jingkular ka long ïa phi, bad ïa ki khun jong phi, bad ïa baroh kiba sha jngai, kat kiba U Trai uba U Blei jong ngi un khot ha u.”

DEUTERONOMI 11:19

To phin ïaihikai ruh de ïa ki ha ki khun jong phi, da kaba kren shaphang jong ki, haba me shong ha la ïing, bad haba me ïaid ha lynti, bad haba me thiah, bad haba me khie ruh.

JOSHUA 22:27

hynrei, ba kan long ka sakhi hapdeng jong ngi bad jong phi, bad ki khun ki ksiew jong ngi hadien jong ngi, ba ngi lah ban shakri ïa U Trai ha khmat jong u da la ki jingainguh thang, bad da la ki jingkñia, bad da la ki jingainguh pynïasuk; ba ki khun jong phi kin ym ong ha ki khun jong ngi lashai lashisngi, “Phim don ka bynta ha U Trai.” ’

JOSHUA 4:21

U la kren ruh ha ki khun Israel, u da ong, “Haba ki khun jong phi kin sa kylli lashai lashisngi; da kaba ong, ‘Kine ki maw ki mut aïu?’

JOSHUA 4:5

U Joshua u la ong ruh ha ki, “To leit sha shiliang ha shuwa ka synduk U Trai U Blei jong phi shapdeng ka Jordan, to rah ruh uwei uwei baroh na phi ïa la u maw halor la ka tyrpeng, katba kum ka jingkheiñ ki jaid ki khun Israel: