JOSHUA 4:24 - KA BAIBL

²⁴ ba ki bynriew baroh ha ka pyrthei kin dup ithuh ïa ka kti U Trai, ba ka long kaba don bor; ba kin dup sheptieng ïa U Trai U Blei jong phi junom.”

Khasi CL Bible (BSI)

²⁴ Namar kane, uwei pa uwei ha ka pyrthei un tip haduh katno ka bor jong U Trai ka long kaba khraw, bad ba phin burom ïa U Trai U Blei jong phi junom.”

JOSHUA 4:24 ပူးပေါင်းရင်းမြစ်များ

1 SYIEM 8:40

ba kin dup sheptieng ïa me baroh ki sngi ba ki im ha kata ka ri kaba me la ai ha ki kpa jong ngi.

1 SYIEM 8:60

ba ki kynja bynriew ka pyrthei baroh kin ïoh tip ba U Trai keiñ, uba long U Blei: ym don shuh uwei pat.

2 SYIEM 19:19

Namar kata te, A Trai U Blei jong ngi, nga kyrpad ïa me, pyllait im ïa ngi na ka kti jong u, ba ki hima ka khyndew baroh kin ïoh tip ba me long U Trai U Blei, tang ma me hi keiñ.”

2 SYIEM 5:15

Te u la leit phai sha u briew jong U Blei, ma u bad kiba bad u baroh, ki la wan, bad ki la ïeng ha khmat jong u: bad u la ong, “Ha khmih, mynta nga tip ba ym don U Blei ha ka pyrthei baroh, hynrei, tang ha Israel: nga kyrpad ïa me te namar kata, to shim ka jingai sngewbha na u shakri jong me.”

1 KHRONIKL 29:12

Bad ka spah bad ka burom ki wan na me, bad me synshar halor baroh; bad ha ka kti jong me long ka bor bad ka jingskhem; bad ha ka kti jong me ka long ban pynkhraw, bad ban ai bor ha baroh.

Ka Kitab U Job 40:9

Lane me don ka ksangkti kum ka jong U Blei? lane me lah ban pynmih pyrthat da la ka ktien kum ma u?

SALM 106:8

Pynban, u la pynim ïa ki na ka bynta ka kyrteng jong u, ba un ïoh pynbna ïa ka borbah jong u.

SALM 89:13

Me don ka ksang'ti badonbor: kaba khlaiñ ka kti jong me, bad kaba jrong ka kti kamon jong me.

SALM 89:7

U Blei uba itieng eh ha ka dorbar jong ki bakhuid, bad ïa uba dei ban sheptieng nalor kita baroh kiba baroh sawdong ïa u?

EKSODOS 14:31

Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

EKSODOS 15:16

Ka jingsheptieng bad ka jingshyrkhei kin ngat ha ki; da ka jingkhraw ka ksang'ti jong me kin ïasngap jar kum u maw; tad ynda kita ki briew jong me kin ïalait shiliang, A Trai, tad ynda ki ïalait shiliang uta u paidbah ïa uba me la siewspah.

EKSODOS 20:20

Te u Moses u la ong ha uta u paidbah, “Wat sheptieng: namar ïa ka ban tynjuh ïa phi U Blei u la wan, bad ba ka jingsheptieng ïa u kan long ha khmat jong phi, ba phin ym leh pop.”

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

ISAÏAH 52:10

U Trai u la loit lyngkhuit ïa la ka ksang'ti bakhuid ha khmat ki jaid bynriew baroh; te ki bakut ka khyndew baroh kin ïohi ïa ka jingpynim U Blei jong nga.

JEREMAÏAH 32:40

bad ngan thaw ka jutang bymjukut bad ki, ba ngan ym phai lyndet na ki, ïa ka ban leh bha ïa ki; bad ngan buh ïa ka jingsheptieng jong nga ha ka dohnud jong ki, ba kin ym kynriah noh na nga.

DEUTERONOMI 28:10

Te ki briew ka pyrthei baroh kin ïohi ba la khot kyrteng ïa me da ka kyrteng U Trai; te kin ïasheptieng ïa me.

DEUTERONOMI 6:2

Ba men sheptieng ïa U Trai uba U Blei jong me, da kaba sumar ïa ki aiñ jong u baroh, bad ïa ki hukum jong u, ïa kiba nga hukum ïa me, ma me, bad u khun jong me, bad u khun u khun jong me, baroh ki sngi ka rta jong me; bad ba yn ïoh pynslem ruh ïa ki sngi jong me.

1 SAMUEL 17:46

Ha kane ka sngi keiñ U Trai un aiti ïa me ha ka kti jong nga; te ngan shoh ïa me, bad ngan shim noh ïa ka khlieh jong me na me; bad ha kane ka sngi ngan ai noh ïa ki metïap ki paid ki Philistia ha ki sim ka suiñ, bad ha ki mrad khlaw ka khyndew; ba ka pyrthei baroh kan ïoh tip ba U Blei u don ha Israel.