JOSHUA 4:22 - KA BAIBL

²² Ynda kumta, phin pyntip ha la ki khun, da kaba ong, ‘Ki Israel ki la ryngkang ïa kane ka Jordan na ryngkew.’

Khasi CL Bible (BSI)

²² phin ïathuh ha ki shaphang ka por mynba ki Israel ki la jam ïa ka Jordan halor ka dewryngkhiang.

JOSHUA 4:22 ပူးပေါင်းရင်းမြစ်များ

EKSODOS 14:22

Bad ki khun Israel ki la ïaid ryngkew shapdeng ka duriaw: kita ki um ruh ki la long kum ka kynroh ïa ki sha kamon, bad sha kadiang jong ki de.

EKSODOS 14:29

Hynrei, ki khun Israel ki la ïaid ryngkew hapdeng kata ka duriaw, kita ki um ruh ki la long kum ka kynroh ïa ki sha kamon, bad sha kadiang jong ki de.

EKSODOS 15:19

Naba ki kulai jong u Pharaoh lem bad ki kali ïapom jong u bad ki nongshong kulai jong u ruh ki la ïangam sha kata ka duriaw; bad U Trai u la pynphai ïa ki um ka duriaw halor jong ki; hynrei, ki khun Israel ki la ïaid ryngkew hapdeng ka duriaw.

ISAÏAH 44:27

uba ong ha kaba jylliew, ‘To rngad noh, te ngan pynrngad ïa ki wah jong pha’:

ISAÏAH 51:10

Ym long ma pha ba la pynrngad ïa ka duriaw, ki um bajylliew eh; kaba la pynlong lynti ïa ki jingjylliew ka duriaw ba kiba la siewspah kin ïaid lait?

JOSHUA 3:16

te kita ki um kiba hiar na neng ki la ïeng, bad ki la ïeng kum ka kynton, kham sha jngai eh, hajan ka shnong Adam, kaba ha syndah ka Sarethan: bad kita kiba hiar sha ka duriaw ka madan, ka Duriaw Mluh keiñ, ki la duh khoit: kumta, u paidbah u la leit sha shiliang marpyrshah ka Jerikho.

JOSHUA 3:17

Bad ki lyngdoh kiba bah ïa ka synduk ka jutang U Trai ki la ïeng skhem ha ryngkew hapdeng ka Jordan, bad ki Israel baroh ki la leit sha shiliang na ryngkew, ha ban da u paidbah baroh u la leit phar sha shiliang ka Jordan.

JOSHUA 4:21

U la kren ruh ha ki khun Israel, u da ong, “Haba ki khun jong phi kin sa kylli lashai lashisngi; da kaba ong, ‘Kine ki maw ki mut aïu?’

JINGPYNPAW 16:12

Bad uta u bahynriew u la theh noh ïa ka pliang jong u halor kata ka wah bakhraw, ka Ïuphratis; te ka um jong ka, ka la rngad noh, ba yn ïoh khreh ïa ka lynti bah ïa ki syiem kiba na mihngi.