JOSHUA 4:19 - KA BAIBL

¹⁹ Bad uta u paidbah u la kiew na Jordan ha ka bashiphew sngi jong u bnai u banyngkong, bad ki la shong dara ha Gilgal, ha ka pud kaba shaphang mihngi jong ka Jerikho.

Khasi CL Bible (BSI)

¹⁹ U paidbah u la jam ïa ka Jordan ha ka sngi kaba shiphew jong u bnai uba nyngkong bad ki la shong dara ha Gilgal, ha ka phang mihngi jong ka Jerikho.

JOSHUA 4:19 ပူးပေါင်းရင်းမြစ်များ

2 SYIEM 2:1

Te haba U Trai un sa rah noh ïa u Elijah ha ka 'erïong sha bneng, u Elijah u la leit bad u Elisha na Gilgal.

AMOS 4:4

“Ale sha Bethel, bad to leh palat; sha Gilgal, bad to nang pynbun ïa ka jingpalat; bad to wallam ïa la ki jingkñia man ka step, bad ïa la ki bashiphew ha man la ka lai sngi;

AMOS 5:5

hynrei, wat wad ïa ka Bethel, lymne wat rung sha Gilgal, wat leit ruh sha Beer-sheba: naba da shisha ka Gilgal kan leit long mraw, bad ka Bethel kan duh ei noh.”

MIKAH 6:5

A phi ki briew jong nga, to kynmaw te ïa kaba u Balak u syiem ka Moab u la thmu, bad kumno u Balaam u khun u Beor u la phai ktien ha u; to kynmaw naduh Shittim haduh Gilgal, ba phin tip ïa ki jinglehhok jong U Trai.”

DEUTERONOMI 1:3

Ka la jia te, ha ka basawphew snem, ha ka bakhatwei bnai, ha ka sngi ka banyngkong jong uta u bnai, ba u Moses u la kren ha ki khun Israel, ïa baroh katba U Trai u la lah hukum ïa u ban ong ha ki;

DEUTERONOMI 11:30

Kine kim don mo sha shiliang ka Jordan, shaphang kaba sep ka sngi, ha ka ri ki Kanaan kiba shong sah ha kata ka pyntha, kaba marpyrshah ka Gilgal, hajan ki madan Moreh?

JOSHUA 10:43

Hadien kata, u Joshua u la leit phai noh, bad ki Israel baroh ryngkat bad u, sha ka dara ha Gilgal.

JOSHUA 10:6

Te ki nong Gibeon ki la phah ha u Joshua sha ka dara ha Gilgal, ki da ong, “Wat kynran ïa la ka kti na ki shakri jong me; wan kiew kloi sha ngi, to pynim ïa ngi ruh, bad to ïarap ïa ngi: namar ki syiem ki Amor baroh kiba shong ha ri lum ki la ïalum lang pyrshah ïa ngi.”

JOSHUA 15:7

bad ka pud ka la kiew artet sha Debir na ka them Akhor, bad kumta shatei, da phai shaphang Gilgal, kata ka long marpyrshah u thiep Adummim, uba long shaphang shathie na ka wah: kata ka pud ka la pom shaphang ki um En-shemesh, bad ka bakut jong ka, ka la long ha En-rogel:

JOSHUA 24:11

Bad phi la leit sha shiliang ka Jordan, bad phi la wan ha Jerikho: te ki nong Jerikho ki la ïaleh ïa phi, ki Amor, bad ki Peris, bad ki Kanaan, bad ki Hit, bad ki Girgash, bad ki Hib, bad ki Jebus; bad nga la ai noh ïa ki ha ka kti jong phi.

JOSHUA 4:18

Te haba kita ki lyngdoh kiba bah ïa kata ka synduk ka jutang U Trai ki la kiew noh napdeng ka Jordan, bad ba ki sla'jat kita ki lyngdoh ki la kiew sha ryngkew, ki um ka Jordan ki la phai pat sha la ka jaka, bad ki la shlei ïa la ki rud baroh, kumba mynshuwa.

JOSHUA 5:10

Bad ki khun Israel ki la shong dara ha Gilgal; bad ki la rakhe ïa Ka Jingkhawai Ka Jinglait ha ka bakhatsaw sngi jong uta u bnai mynmiet ha ki madan Jerikho.

JOSHUA 5:9

Te U Trai u la ong ha u Joshua, “Ha kane ka sngi nga la pyntyllun noh na phi ïa ka rain ka Ijipt.” Namar kata, u la kyrteng ïa kata ka jaka “ka Gilgal,” haduh mynta.

JOSHUA 9:6

Te ki la leit sha u Joshua ha ka dara ha Gilgal, bad ki la ong ha u, bad ha u paidbah Israel, “Ngi la wan na ka ri kaba jngai: mynta te to ïateh jutang bad ngi.”

1 SAMUEL 10:8

Bad men leit hiar ha shuwa jong nga sha Gilgal; bad ha khmih, nga ruh ngan sa wan hiar sha me, ïa ka ban ainguh da ki jingainguh thang, bad ban kñia ïa ki jingkñia pynïasuk: hynñiew sngi men ap, tad ynda ngan wan sha me, bad ngan sa ïathuh ïa me ïa kaba men leh.”

1 SAMUEL 15:33

Te u Samuel u la ong, “Kat kumba ka waitlam jong me ka la pynduh khun ïa ki kynthei, kumta ïa ka kmie jong me yn pynduh khun hapdeng ki kynthei.” Bad u Samuel u la shaiñ lyngkhot lyngkhai ïa u Agag ha khmat U Trai ha Gilgal.