JOSHUA 4:12 - KA BAIBL

¹² Ki khun u Reuben, bad ki khun u Gad, bad ka shiteng ka jaid Manasseh ruh, ki la leit sha shiliang kiba la kieng atiar, ha khmat ki khun Israel, kumba u Moses u la kren ha ki:

Khasi CL Bible (BSI)

¹² Ki rangbah na ka jait Reuben bad ka jait Gad, bad na ka shiteng ka jait Manasseh, ki la khreh ïa ka thma, ki la jam ha shuwa jong kiba sah jong uta u paidbah, kumba u Moses u la bthah ïa ki ban leh.

JOSHUA 4:12 ပူးပေါင်းရင်းမြစ်များ

EKSODOS 13:18

Hynrei, U Blei u la ïalam ïa uta u paidbah sawdong, na ka lynti ka ri khlaw ka Duriaw Basaw: da kaba kieng atiar ruh ki khun Israel ki la ïaleit mih artet na ka ri Ijipt.

JINGKHEIÑ 1:24

Na ki khun u Gad, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma;

JINGKHEIÑ 32:17

Hynrei, ngi hi ngin ïaleit kloi ba la kieng atiar ha khmat ki khun Israel, tad ynda ngi la wallam ïa ki ha ka jaka jong ki hi: te ki khun khynnah jong ngi, kin ïashongneh ha kita ki nongbah ïa kiba la ker kut namar ki trai-shnong jong kane ka ri.

DEUTERONOMI 3:18

“Te nga la hukum ïa phi ha kata ka por, da kaba ong, ‘U Trai uba U Blei jong phi u la ai ha phi, ïa kane ka ri ban ïoh ïa ka: ka dei ïa phi ban leit sha shiliang, kiba la kieng atiar ha khmat ki para jong phi ki khun Israel, baroh keiñ kiba don bor ban ïaleh thma.

DEUTERONOMI 33:21

Bad u la khreh ha lade ka bynta ka banyngkong; namar hangta ha ka bynta u nongai hukum, la pynshong ïa u; u la wan bad ki rangbah u paidlang, u la pyndep ïa ka hok jong U Trai, bad ïa ka jingbishar jong u bad ki Israel.”

JOSHUA 1:14

Ki tnga jong phi, bad ki khun rit jong phi, bad ki jingri jong phi, kin sah ha kane ka ri ba u Moses u la ai ha phi ha kane ka liang ka Jordan; hynrei, phi baroh ki bashlur, ba la kieng atiar, phin leit sha shiliang ha shuwa ki para jong phi, bad phin ïarap ïa ki;

JOSHUA 4:11

Te ynda uta u paidbah baroh phar u la leit sha shiliang, kata ka synduk U Trai ruh ka la leit sha shiliang, bad kita ki lyngdoh, ha khmat uta u paidbah.

JOSHUA 4:13

kumba sawphew hajar ba la kieng atiar ban hiar thma ki la leit ha khmat U Trai sha ka thma, sha ki madan Jerikho.