JOSHUA 4:10 - KA BAIBL

¹⁰ Te kita ki lyngdoh kiba bah ïa kata ka synduk ki la ïeng hapdeng ka Jordan, ha ban da la pyndep ïa baroh ba la hukum U Trai ha u Joshua ban kren ha u paidbah, katba kum ïa baroh ba la hukum u Moses ha u Joshua: te uta u paidbah u la kyrkieh bad u la leit sha shiliang.

Khasi CL Bible (BSI)

¹⁰ Ki lyngdoh ki ïeng hapdeng jong ka Jordan haduh ban da pyndep lut ïa kaei kaei baroh ba U Trai u la hukum ïa u Joshua ban ong ïa u paidbah ban leh. Kane ka dei kata kaba u Moses u la hukum. U paidbah u la pynkloi sha shiliang ka wah.

JOSHUA 4:10 ပူးပေါင်းရင်းမြစ်များ

SALM 119:60

Nga la pynkloi, bad ngam shym pyntud, ïa ka ban rakhe ïa ki hukum jong me.

EKSODOS 12:39

Te ki la shet ïa u kpu bakhlem thiat da uta u kpu im ïa uba ki la wallam na ka ri Ijipt, naba ym shym la khleh thiat ïa u; namar la beh noh ïa ki na ka ri Ijipt, katba kim lah ban sangeh shuh, lymne kim shym la ïoh khreh jingbam ïa lade.

PROBERB 27:1

Wat pynsarong ïa lade shaphang kaba lashai; naba mem tip kaei ka ban jia ha kaba shi sngi.

EKLESIASTIS 9:10

Kaei kaei baroh ba ka kti jong me ka shem ban leh, leh ïa kata da la ka borbah; namar ym don ka kam, lymne buit, lymne ka jingtip, lymne ka jingstad, ha ka jingtep, sha kaba me leit.

ISAÏAH 28:16

namar kata, kumne u ong U Trai U Blei, “Ha khmih, nga buh nongrim ha Seïon, ïa u maw, u maw ba la tynjuh, u mawdong bakordor jong ka nongrim baskhem: ‘Uta uba ngeit un ym pynkyrkieh.’

2 KORINTH 6:2

(namar u ong, “Nga la shahshkor ïa me ha ka Ïa badiang hun, bad ha ka sngi ka jingpynim, nga la wan ïarap ïa me; ha khmih, mynta keiñ, kata ka Ïa badiang hun; ha khmih, mynta keiñ, kata ka sngi ka jingpynim:”)

DEUTERONOMI 31:9

Te u Moses u la thoh ïa kane ka hukum, bad u la aiti ïa ka ha ki lyngdoh ki khun u Lebi keiñ, kiba ju ïabah ïa ka synduk ka jutang jong U Trai, bad ha ki tymmen basan jong ki Israel baroh.

JOSHUA 24:11

Bad phi la leit sha shiliang ka Jordan, bad phi la wan ha Jerikho: te ki nong Jerikho ki la ïaleh ïa phi, ki Amor, bad ki Peris, bad ki Kanaan, bad ki Hit, bad ki Girgash, bad ki Hib, bad ki Jebus; bad nga la ai noh ïa ki ha ka kti jong phi.

JOSHUA 3:13

Kan jia ruh ba, katba ki poh'jat ki lyngdoh kiba bah ïa ka synduk U Trai, U Trai ka pyrthei baroh keiñ, kin ïeng ha ki um ka Jordan, ba ïa ki um ka Jordan yn pynkhlad noh, kata, ïa ki um kiba hiar na neng; bad kin ïeng kum ka kynton.”

JOSHUA 4:11

Te ynda uta u paidbah baroh phar u la leit sha shiliang, kata ka synduk U Trai ruh ka la leit sha shiliang, bad kita ki lyngdoh, ha khmat uta u paidbah.

JOSHUA 4:9

Bad u Joshua u la pynïeng khat-ar tylli ki maw hapdeng ka Jordan, ha kata ka jaka ha kaba ki sla'jat kita ki lyngdoh kiba la bah ïa kata ka synduk ka jutang ki la ïeng: ki don hangta ruh, haduh kane ka sngi.