JOSHUA 3:8 - KA BAIBL

⁸ Bad men hukum ïa ki lyngdoh kiba bah ïa ka synduk ka jutang, da ong, ‘Haba phi la poi harud ka um ka Jordan, phin sangeh ha ka Jordan.’ ”

Khasi CL Bible (BSI)

⁸ Ong ïa ki lyngdoh kiba bah ïa ka Synduk ka Jutang ba ynda ki poi ha ka wah, ki dei ban ïaid ha ki um bad ban ïeng hajan ka rudwah.”

JOSHUA 3:8 ပူးပေါင်းရင်းမြစ်များ

2 SYIEM 2:6

Bad u Elijah u la ong ha u, “Sah hangne nga kyrpad ïa me; naba U Trai u la phah ïa nga sha Jordan.” U te u la ong, “Katba im U Trai, bad katba im ka mynsiem jong me, ngan ym iehnoh ïa me.” Bad baroh ar ngut ki la nang leit.

2 KHRONIKL 29:15

Te ki la ïalum ïa la ki para, bad ki la pynkyntang ïa lade, bad ki la leit shapoh, katba kum ka hukum u syiem da ki ktien jong U Trai, ban pynkhuid ïa ka ïing U Trai.

2 KHRONIKL 29:27

Te u Hesekaïah u la hukum ban ainguh ïa ka jingainguh thang halor ka duwan. Bad haba ka jingainguh thang ka la sdang, ka jingrwai U Trai ruh ka la sdang, bad ki jingput, lem bad ki jingtem jong u Dabid u syiem ki Israel.

2 KHRONIKL 29:30

Bad u syiem Hesekaïah bad ki rangbah ki la hukum ruh ïa ki Lebi ban rwai ki jingïaroh ha U Trai da ki ktien jong u Dabid, bad ki jong u Asaph u nongïohi. Te ki la rwai ïa ki jingïaroh da kaba kmen, bad ki la dem ïa la ki khlieh bad ki la mane.

2 KHRONIKL 30:12

Ha Judah ruh ka kti jong U Blei ka la don ban ai ïa ki kawei ka dohnud, ban leh ïa ka hukum u syiem bad ki rangbah da ka ktien U Trai.

NEHEMAÏAH 13:22

Te nga la hukum ïa ki Lebi ba kin pynkhuid ïa lade, ba kin wan ap ïa ki khyrdop, ban sumar kyrpang ïa ka sngi Sabbaton. “Kynmaw ïa nga, A U Blei jong nga, ïa kane ruh, bad ri pynim ïa nga katba kum ka jingkhraw ka jingisynei jong me.”

NEHEMAÏAH 13:28

Te uwei na ki khun u Joïada, u khun u Eliashib u rangbah lyngdoh, u la long u pyrsa kurim u Sanballat u nong Horon; namar kata, nga la beh noh ïa u na nga.

EKSODOS 14:13

Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

SNGEWSYNEI 3:26

Ka babha ïa u briew ba un kyrmen bad ba un ap jar jar ïa ka jingpynim ka jong U Trai.

JOSHUA 3:17

Bad ki lyngdoh kiba bah ïa ka synduk ka jutang U Trai ki la ïeng skhem ha ryngkew hapdeng ka Jordan, bad ki Israel baroh ki la leit sha shiliang na ryngkew, ha ban da u paidbah baroh u la leit phar sha shiliang ka Jordan.

JOSHUA 3:3

bad ki la hukum ïa u paidbah, ki da ong, “Haba phi ïohi ïa ka synduk ka jutang U Trai U Blei jong phi, bad ba ki lyngdoh ki Lebi ki da bah ïa ka, ynda kumta, phin ïeng na ka jaka jong phi, bad phin leit hadien jong ka.

JOSHUA 3:7

Bad U Trai u la ong ha u Joshua, “Ha kane ka sngi, ngan sdang ban pynkhraw ïa me ha khmat ki Israel baroh, ba kin ïoh tip ba, kumba nga la don ryngkat bad u Moses, kumta, ngan don ryngkat bad me.

JOSHUA 3:9

Te u Joshua u la ong ha ki khun Israel, “Ale shane, bad to sngap ïa ki ktien U Trai U Blei jong phi.”

JOSHUA 4:11

Te ynda uta u paidbah baroh phar u la leit sha shiliang, kata ka synduk U Trai ruh ka la leit sha shiliang, bad kita ki lyngdoh, ha khmat uta u paidbah.