JOSHUA 3:7 - KA BAIBL

⁷ Bad U Trai u la ong ha u Joshua, “Ha kane ka sngi, ngan sdang ban pynkhraw ïa me ha khmat ki Israel baroh, ba kin ïoh tip ba, kumba nga la don ryngkat bad u Moses, kumta, ngan don ryngkat bad me.

Khasi CL Bible (BSI)

⁷ U Trai u ong ha u Joshua, “Kaei kaba nga leh mynta ka sngi kan pynlong ïa ki paid Israel baroh ban sdang ban burom ïa me kum u riewkhraw, bad kin ïoh tip ba nga long lem ryngkat bad me kumba nga la long bad u Moses.

JOSHUA 3:7 ပူးပေါင်းရင်းမြစ်များ

1 KHRONIKL 29:25

Bad U Trai u la pynkhraw ïa u Solomon shikatdei eh ha khmat ki Israel baroh, bad u la ai ha u kum kata ka jinglong syiem kaba ym shym la long ha uno uno u syiem uba ha shuwa jong u ha Israel.

2 KHRONIKL 1:1

Te la pynkhlaiñ ïa u Solomon u khun u Dabid ha ka Hima jong u, bad U Trai U Blei jong u, U la don ryngkat bad u, bad U la pynkhraw ïa u shikatdei eh.

Ka Kitab U Job 7:17

U briew u long aïu, ba men pynkhraw ïa u, bad ba men buh la ka dohnud ha u,

SALM 18:35

Me la ai ruh ha nga ïa ka stieh ka jingpynim jong me: bad ka kti kamon jong me ka la kyrshan ïa nga, bad ka jingjemnud jong me ka la pynkhraw ïa nga.

ÏOANNIS 17:1

Ïa kine kiei kiei ruh U Jisu u la kren; bad u la khmied la ki khmat sha bneng, bad u la ong, “Ko Kpa, kata ka por ka la jia; to pyndonburom ïa U Khun jong me, ba uta U Khun ruh un ïoh pyndonburom ïa me:

PHILIPPI 1:20

katba kum ka jingkhmih kmang bad ka jingkyrmen jong nga, ba ha kaei kaei ruh yn ym pynlehrain ïa nga, hynrei, da ka jingshlur suda, kumba ha la ka sngi, mynta ruh yn pynkhraw ïa U Khrist ha ka met jong nga, lane da ka jingim, lane da ka jingïap.

JOSHUA 1:17

Kumba ngi la sngap ïa u Moses ha kiei kiei baroh, kumta, ngin sngap ïa me ruh: tang ba U Trai U Blei jong me un don ryngkat bad me, kumba u la don ryngkat bad u Moses.

JOSHUA 1:5

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

JOSHUA 3:6

U Joshua u la kren ruh ha ki lyngdoh, u da ong, “To ïarah ïa ka synduk ka jutang, bad leit sha shiliang ha shuwa u paidbah.” Te ki la ïarah ïa ka synduk ka jutang, bad ki la leit ha shuwa u paidbah.

JOSHUA 3:8

Bad men hukum ïa ki lyngdoh kiba bah ïa ka synduk ka jutang, da ong, ‘Haba phi la poi harud ka um ka Jordan, phin sangeh ha ka Jordan.’ ”

JOSHUA 4:14

Ha kata ka sngi, U Trai u la pyndonburom ïa u Joshua ha khmat ki Israel baroh; te ki la sheptieng ïa u, kumba ki la ju sheptieng ïa u Moses, baroh ki sngi ka rta jong u.