JOSHUA 3:13 - KA BAIBL

¹³ Kan jia ruh ba, katba ki poh'jat ki lyngdoh kiba bah ïa ka synduk U Trai, U Trai ka pyrthei baroh keiñ, kin ïeng ha ki um ka Jordan, ba ïa ki um ka Jordan yn pynkhlad noh, kata, ïa ki um kiba hiar na neng; bad kin ïeng kum ka kynton.”

Khasi CL Bible (BSI)

¹³ Haba ki lyngdoh kiba bah ïa ka Synduk ka Jutang U Trai jong ka pyrthei baroh kin ïuh ïa la ki kjat ha um, ka Jordan kan sangeh ban tuid, bad ka um kaba wan tuid na shaneng kan lang shi jaka.”

JOSHUA 3:13 ပူးပေါင်းရင်းမြစ်များ

1 KHRONIKL 29:11

Ka jong me, A Trai, long ka jingkhraw, bad ka bor, bad ka burom, bad ka jinglah, bad ka jinglong syiem: naba baroh kaba don ha bneng bad ha ka khyndew ka long ka jong me; ka jong me long ka hima, A Trai, bad la kyntiew ïa me kum u khlieh halor baroh.

SALM 33:7

U lum lang ïa ki um jong ka duriaw kum ka kynton: u buh tyngkai ïa ki jingjylliew ha ki ïing kynshew.

SALM 74:15

Me la thlieh ïa ki pukri bad ïa ka jingshlei: me la pynrngad ïa ki wah ki bakhraw.

SALM 78:13

U la pom ïa ka duriaw, bad u la pynïaid lyngba ïa ki; bad u la pynïeng kum ka kynton ïa ki um.

EKSODOS 15:8

Bad da ka jingpyrsad ki thliew khmut jong me la pynïalang lem ïa ki um, ki jingshlei ki la ïeng sha jrong kum ka kynton; ki jingjylliew ki la ïalang hapdeng ka duriaw.

ISAÏAH 54:5

Naba U Nongthaw jong pha u long u tnga jong pha; ‘U Trai ki paid’ long ka kyrteng jong u: bad uta U Bakhuid jong ki Israel long u nongsiewspah jong pha; ‘U Blei ka khyndew baroh’ yn khot ïa u.

HABAKKUK 3:15

Me la ïuh roit ïa ka duriaw da la ki kulai, kata ka jingïalang ki um kiba jur.

SEKHARAÏAH 4:14

Ynda kumta, u la ong, “Kine ki long kita ki ar ngut ïa kiba la sleh, kiba ïeng ha khmat U Trai jong ka khyndew baroh.”

JOSHUA 3:11

Ha khmih, ka synduk ka jutang U Trai ka pyrthei baroh ka leit ha shuwa jong phi sha Jordan.

JOSHUA 4:7

Ynda kumta, phin ïathuh ha ki, ‘La pyndkut noh ïa ki um ka Jordan ha shuwa ka synduk ka jutang U Trai; mynba ka la leit sha shiliang ka Jordan, ïa ki um ka Jordan la pyndkut noh: bad kine ki maw kin long ka jingkynmaw ïa ki khun Israel junom.’ ”