JOSHUA 3:11 - KA BAIBL

¹¹ Ha khmih, ka synduk ka jutang U Trai ka pyrthei baroh ka leit ha shuwa jong phi sha Jordan.

Khasi CL Bible (BSI)

¹¹ Phin tip ba U Blei uba im u don hapdeng jong phi haba ka Synduk ka Jutang U Trai jong ka pyrthei baroh kan jam ïa ka Jordan ha shuwa jong phi.

JOSHUA 3:11 ပူးပေါင်းရင်းမြစ်များ

1 KHRONIKL 29:11

Ka jong me, A Trai, long ka jingkhraw, bad ka bor, bad ka burom, bad ka jinglah, bad ka jinglong syiem: naba baroh kaba don ha bneng bad ha ka khyndew ka long ka jong me; ka jong me long ka hima, A Trai, bad la kyntiew ïa me kum u khlieh halor baroh.

Ka Kitab U Job 41:11

Uei uba la ai shuwa ha nga, ba nga dei ban siew pat ha u? Kiei kiei kiba hapoh ka bneng baroh ki long ki jong nga.

SALM 24:1

Ka khyndew ka long ka jong U Trai, bad ka jingdap jong ka; ka pyrthei, bad kiba shong ha ka.

SALM 97:5

Ki lum ki la um noh kum ka bthing ha khmat U Trai, ha khmat U Trai ka khyndew baroh.

ISAÏAH 3:12

U paidlang jong nga, ki khynnah ki long ki nongbanbeiñ jong ki, bad ki kynthei ki synshar halor jong ki. Ko u paidlang jong nga, kita kiba ïalam ïa me ki pynsakma ïa me, bad ki pynjot ka lad ki lynti ïaid jong me.

ISAÏAH 54:5

Naba U Nongthaw jong pha u long u tnga jong pha; ‘U Trai ki paid’ long ka kyrteng jong u: bad uta U Bakhuid jong ki Israel long u nongsiewspah jong pha; ‘U Blei ka khyndew baroh’ yn khot ïa u.

JEREMAÏAH 10:7

Uei u ban ym sheptieng ïa me, ko Syiem ki jaid bynriew? Naba ka ïadei ïa me: namar hapdeng ki riewstad baroh jong ki jaid bynriew bad ha ki jinglong syiem jong ki baroh, kat ma me ym ju don.

MIKAH 4:13

To ïeng bad shoh kba, ko khun ka Seïon: naba ngan pynlong nar ïa ka reng jong pha, bad ngan pynlong rnong ïa ki khnap jong pha: te phan shoh lwet ïa bun ki jaid bynriew: bad phan pynkyntang ha U Trai ïa ka jingïoh jong ki, bad ïa ka spah jong ki ha U Trai ka khyndew baroh.

SEPHANAÏAH 2:11

U Trai un long uba shyrkhei ïa ki: naba un pynïapthngan ïa ki blei jong ka khyndew baroh; bad ki briew kin mane ïa U, uwei pa uwei na ki na la ka jaka, ki 'dewlynnong baroh jong ki jaid bynriew.

SEKHARAÏAH 14:9

Bad U Trai un long u syiem halor ka khyndew baroh: ha kata ka sngi, U Trai un long uwei, bad ka kyrteng jong u kawei.

SEKHARAÏAH 4:14

Ynda kumta, u la ong, “Kine ki long kita ki ar ngut ïa kiba la sleh, kiba ïeng ha khmat U Trai jong ka khyndew baroh.”

SEKHARAÏAH 6:5

Uta u angel u la ïathuh te bad u la ong, “Kine ki long kita ki saw tylli ki lyer jong ka bneng, kiba leit mih na kaba ki ïeng ha khmat U Trai jong ka khyndew baroh.

DEUTERONOMI 9:3

To sngewthuh namar kata ha kane ka sngi, ba U Trai uba U Blei jong me u long uba ïaid sha shiliang ha shuwa jong me kum ka ding babam duh; un pynjot noh ïa ki, bad un pynkyllon ruh ïa ki ha khmat jong me; kumta keiñ, men beh noh ïa ki, bad men pynjot noh shen ïa ki, kumba U Trai u la ong ha me.

JOSHUA 3:13

Kan jia ruh ba, katba ki poh'jat ki lyngdoh kiba bah ïa ka synduk U Trai, U Trai ka pyrthei baroh keiñ, kin ïeng ha ki um ka Jordan, ba ïa ki um ka Jordan yn pynkhlad noh, kata, ïa ki um kiba hiar na neng; bad kin ïeng kum ka kynton.”