JOSHUA 3:1 - KA BAIBL

¹ Te u Joshua u la khie dang step, bad ki la ïamih na Shittim, bad ki la ïapoi sha Jordan, ma u bad ki khun Israel baroh; bad ki la shong shuwa hangta, ki sa ryngkang sha shiliang.

Khasi CL Bible (BSI)

¹ Ha ka step kaba bud, u Joshua bad ki paid Israel baroh ki khie dang step phyrngab, bad ki mihnoh na ka jaka shong dara ha Akasia, bad ki la leit sha Jordan, ha kaba ki la sher dara katba ki dang ap ban jam ïa ka.

JOSHUA 3:1 ပူးပေါင်းရင်းမြစ်များ

JENESIS 21:14

Ynda kumta, u Abraham u la khie dang step eh, bad u la shim ïa u kpu, bad ïa ka um shi lywa snieh, u la ai ruh ïa ki ha ka Hagar, u da buh ïa ki ha ka tyrpeng jong ka, bad ïa uta u khynnah ruh, bad u la phah noh ïa ka: ka ruh ka la leit noh, bad ka la ïaid sakma ha ka ri khlaw Beer-sheba.

JENESIS 22:3

Te u Abraham u la khie dang step eh, bad u la teh ïa ka jin halor ka kadda jong u, bad u la shim lem bad u ïa ki samla jong u ar ngut, bad ïa u Isaak u khun jong u, bad u la thlieh ïa ki dieng ïa kata ka jingainguh thang, bad u la mih noh joit, bad u la leit ruh sha kata ka jaka ïa kaba U Blei u la lah ong ha u.

SALM 119:60

Nga la pynkloi, bad ngam shym pyntud, ïa ka ban rakhe ïa ki hukum jong me.

JEREMAÏAH 25:3

“Naduh ka bakhatlai snem jong u Josaïah u khun u Amon, u syiem ka Judah, jin haduh kane ka sngi, kine arphew lai snem keiñ, ka ktien U Trai ka la wan ha nga, bad nga la kren ha phi, nga da khie dang step bad nga kren; phi, hynrei, phim shym sngap.

JEREMAÏAH 26:5

ïa ka ban sngap ïa ki ktien ki shakri jong nga ki nongïathuhlypa, ïa kiba nga phah ha phi, da kaba khie dang step bad phah ïa ki, hynrei, phim shym sngap;

JEREMAÏAH 7:13

Mynta te, namar ba phi la leh ïa kine ki jingleh baroh,” ong U Trai, “bad ba nga la kren ha phi, nga da khie dang step bad nga kren, hynrei, phim shym la sngap; bad nga la khot ïa phi, hynrei, phim shym la phai ktien:

MIKAH 6:5

A phi ki briew jong nga, to kynmaw te ïa kaba u Balak u syiem ka Moab u la thmu, bad kumno u Balaam u khun u Beor u la phai ktien ha u; to kynmaw naduh Shittim haduh Gilgal, ba phin tip ïa ki jinglehhok jong U Trai.”

JINGKHEIÑ 25:1

Bad ki Israel ki la ïashong sah ha Shittim, bad ki briew ki la sdang ban klim bad ki khun kynthei ki Moab:

MARKOS 1:35

Ha kaba lashai mynstep, dang slem eh ban mih ka sngi, haba u la khie u la mih noh, bad u la leit noh sha ka jaka kynjah, bad hangta u la duwai.

JOSHUA 2:1

Te u Joshua u khun u Nun u la phah ar ngut ki briew jar jar na Shittim ban syntiat, u da ong, “Khie leit jngoh ïa ka ri, bad ïa ka Jerikho.” Te ki la leit, bad ki la poi ruh ha ka ïing kawei ka nuti kaba kyrteng “ka Rahab,” bad ki la shong basa hangta.

JOSHUA 6:12

Bad u Joshua u la khie dang step, bad kita ki lyngdoh ki la bah ïa ka synduk U Trai.

JOSHUA 6:15

Te ha ka bahynñiew ka sngi, ki la khie dang step haba dang shai byrngut, bad ki la tawiar ïa kata ka shnong kumjuh hynñiew sien: tang ha kata ka sngi ki la tawiar ïa ka shnong, hynñiew sien.

JOSHUA 7:16

Kumta, u Joshua u la khie dang step, bad u la wallam ïa ki Israel katba kum ki jaid jong ki; te la kem ïa ka jaid Judah:

JOSHUA 8:10

Te u Joshua u la khie dang step, bad u la ñiew ïa ki briew, bad u la leit kiew ruh, ma u, bad ki tymmen basan ki Israel, ha shuwa u paidbah sha Ai.

NONGBISHAR 20:19

Ki khun Israel te haba ki la khie joit mynstep, ki la sher dara ban ïaleh ïa ka Gibeah.

1 SAMUEL 17:20

Te u Dabid u la khie dang step, bad u la iehnoh ïa kita ki langbrot bad u nongsumar, bad u la shim, bad u la leit, kumba la hukum u Jesse ïa u; te u la poi sha kata ka jaka shong dara, katba ki paidïapom ki dang ïaleit mih sha kata ka jaka ïaleh, bad ki da ïarisa ban sa ïaleh.