JOSHUA 24:9 - KA BAIBL

⁹ Ynda kumta, u Balak u khun u Sippor, u syiem Moab, u la ïeng ïaleh thma ïa ki Israel; bad u la phah khot ïa u Balaam u khun u Beor ban tim ïa phi:

Khasi CL Bible (BSI)

⁹ Nangta u syiem Moab, u Balak u khun jong u Sippor, u la ïaleh pyrshah ïa phi. U la phah ktien ïa u Balaam u khun jong u Beor bad u la ong ïa u ban buh ka jingtim halor jong phi.

JOSHUA 24:9 ပူးပေါင်းရင်းမြစ်များ

MIKAH 6:5

A phi ki briew jong nga, to kynmaw te ïa kaba u Balak u syiem ka Moab u la thmu, bad kumno u Balaam u khun u Beor u la phai ktien ha u; to kynmaw naduh Shittim haduh Gilgal, ba phin tip ïa ki jinglehhok jong U Trai.”

JINGKHEIÑ 22:2

Bad u Balak u khun u Sippor, u la ïohi ïa kiei kiei baroh ïa kiba ki la leh ki Israel ïa ki Amor.

NONGBISHAR 11:17

ynda kumta, ki Israel ki la phah ïa ki nonglam-ktien sha u syiem ka Edom, ki da ong, ‘To shah ïa nga, nga kyrpad ïa me, ban ïaid lyngba ka ri jong me:’ hynrei, u syiem ka Edom um sngap. Kumjuh ruh ki la phah sha u syiem ka Moab: u ruh um shah; kumta, ki Israel ki la shong ha Kadesh.

NONGBISHAR 11:25

Te mynta me long kham bha kumno kumno ïa u Balak u khun u Sippor, u syiem ka Moab? hato u la ju ïa-pyneh bad ki Israel, lane u la ju ïaleh thma ïa ki?