JOSHUA 24:7 - KA BAIBL

⁷ Te haba ki la lynñiar ha U Trai, u la buh ka jingdum hapdeng jong phi bad ki Ijipt, bad u la wallam ïa ka duriaw halor jong ki, bad u la tyllep ïa ki; bad ki khmat jong phi ki la ïohi ïa kata kaba nga la leh ha Ijipt: bad phi la shong ha ka ri khlaw slem bah.

Khasi CL Bible (BSI)

⁷ Hynrei haba ki kpa tymmen jong phi ki poi ha Duriaw Basaw, ki la kyang sha nga ban ïoh jingïarap, bad nga la buh ïa ka jingdum hapdeng jong ki bad ki nong Ijipt. Nga la pynlong ïa ka duriaw ba kan tyllep halor ki nong Ijipt bad pynïap jyllop ïa ki. Phi tip kaei kaba nga la leh ïa ka Ijipt. “ ‘Phi la im slem bha ha ka ri shyiap.

JOSHUA 24:7 ပူးပေါင်းရင်းမြစ်များ

EKSODOS 14:10

Te mynba u Pharaoh u la nang jan, ki khun Israel ki la khmied ïa la ki khmat, ha khmih te, ki Ijipt ki ïabeh nadien jong ki; bad ki la khaw-eit shikatdei eh: bad ki khun Israel ki la ïalynñiar ha U Trai.

EKSODOS 14:20

bad u la wan ïeng hapdeng u paidbah ki Ijipt bad u paidbah ki Israel; bad u la long u lyoh bad ka jingdum, pynban u pynshai mynmiet: kumta, uwei ruh um shym ïajan ïa uta uwei baroh shi miet.

EKSODOS 14:31

Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

DEUTERONOMI 1:46

Kumta, phi la ïaisah ha Kadesh bun sngi, katba kum kita ki sngi ba phi la ïaisah hangta.

DEUTERONOMI 2:14

Te kita ki sngi, naduh ba ngi la ïaid na Kadesh-barnea haduh ba ngi la ïawan poi sha shiliang kata ka wah Sered, ki la long laiphew phra snem; tad ynda kata ka pateng bynriew jong kita ki briew kiba ïaleh thma ka la ïap duh noh baroh napdeng uta u paidbah, kumba U Trai u la lah smai ha ki.

DEUTERONOMI 29:2

Te u Moses u la pyrta ïa ki khun Israel, bad u la ong ha ki, “Phi la ïohi ïa kita baroh kiba U Trai u la leh ha khmat jong phi ha ka ri Ijipt ha u Pharaoh, bad ha ki shakri jong u baroh, bad ha ka ri jong u baroh ruh:

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

HEBRU 3:17

Badno te u la sngewsih sat sawphew snem? Ym bad kita kiba la leh pop, kiba ki metïap jong ki, ki la ïakyllon ha kata ka ri khlaw?

JOSHUA 5:6

Namar ki khun Israel ki la ïaid ha ri khlaw sawphew snem, ha ban da u paidbah baroh, kiba long ki nongïapom kiba la mih na Ijipt, ki la duh noh khoit, namar ba kim shym la kohnguh ïa ka ktien U Trai: ha kiba u la smai ba un ym shah ba kin ïohi ïa kata ka ri kaba U Trai u la smai ha ki kpa jong ki ba un ai ha ngi, ka ri kaba tuid da ka dud bad ka ngap keiñ.