JOSHUA 24:32 - KA BAIBL

³² Bad ïa ki shyieng u Joseph, kiba ki khun Israel ki la wallam noh na Ijipt, ki la tep ha Shekhem, ha kata ka bynta ka khyndew kaba u Jakob u la thied na ki khun u Hamor u kpa u Shekhem shispah ki sbai kesitah: bad ka la jia long ka bynta ki khun u Joseph.

Khasi CL Bible (BSI)

³² Ïa ka met jong u Joseph, kaba ki paid Israel ki la wanrah na Ijipt, la tep ha Shekhem, ha kata ka jaka ba u Jakob u la thied ha ka dor shispah tylli ki sbai rupa na ki khun jong u Hamor, u kpa jong u Shekhem. Ïa kane ka jaka la ïohpateng da ki khun ki ksiew jong u Joseph.

JOSHUA 24:32 ပူးပေါင်းရင်းမြစ်များ

JENESIS 33:19

Bad u la thied ka bynta na kata ka khyndew ha kaba u la pyiar ïa la ka ïingjaiñ, na ka kti ki khun shynrang u Hamor, u kpa u Shekhem ha ka dor shispah ki sbai kesitah.

JENESIS 48:22

Bad nga la ai ha me kawei ka bynta tam nalor ki hynmen hynbew jong me, ïa kaba nga la knieh na ka kti ki kynja Amor da la ka waitlam bad da la ka ryntieh.”

JENESIS 50:24

Te u Joseph u la ong ha ki hynmen hynbew jong u, “Nga te ngan sa ïap noh: hynrei, U Blei shisha un wan khmih ïa phi, bad un ïalam noh ïa phi na kane ka ri sha kata ka ri ïa kaba u la smai ha u Abraham, ha u Isaak, bad ha u Jakob.”

JENESIS 50:25

Bad u Joseph u la pynsmai ïa ki khun shynrang u Israel, u da ong, “U Blei shisha un wan khmih ïa phi, bad phin lam noh artad ïa ki shyieng jong nga na kane ka ri.”

EKSODOS 13:19

Bad u Moses u la shim lem bad u ïa ki shyieng jong u Joseph; naba u la pynsmai skhem ïa ki khun Israel, u da ong, “U Blei shisha un da wan-i ïa phi; phi ruh phin ïarah ïa ki shyieng jong nga artet lem bad phi.”

ÏOANNIS 4:5

U la poi, namar kata, sha ka shnong ha Samaria ba khot “Sikhar”, hajan kata ka khyndew ïa kaba u Jakob u la ai ha u Joseph u khun jong u.

KI KAM 7:15

Kumta, u Jakob u la leit hiar sha Ijipt. Haba u la ïap noh ma u bad ki kpa jong ngi ruh,

KI KAM 7:16

la leit bah ïa ki te, sha Shekhem, bad la buh ha u maw jingtep, ïa uba u Abraham u la thied da ka dor ka rupa na ki khun u Hammor ha Shekhem.

HEBRU 11:22

Da ka jingngeit, u Joseph haba ka bakut jong u ka la jan, u la pynkynmaw shaphang ka jingleit noh ki khun Israel; bad u la ai hukum shaphang ki shyieng jong u.