JOSHUA 24:31 - KA BAIBL

³¹ Bad ki Israel ki la shakri ïa U Trai baroh ki sngi u Joshua, bad baroh ki sngi ki tymmen basan kiba la im hadien u Joshua, bad kiba la tip ïa ki kam U Trai baroh, ïa kiba u la leh na ka bynta ki Israel.

Khasi CL Bible (BSI)

³¹ Katba u Joshua u dang im, ki paid Israel ki la shakri ïa U Trai, bad hadien ka jingïap jong u, ki dang bteng ban leh kumta katba dang im kito ki nongïalam kiba la ïohi da lade hi ïa kaei kaei baroh kaba U Trai u la leh na ka bynta ki Israel.

JOSHUA 24:31 ပူးပေါင်းရင်းမြစ်များ

JENESIS 14:10

Bad ka pynthor Siddim ka la dap da ki thliew bsiang; bad ki syiem ka Sodom bad ka Gomorra ki la ïaphet ïap, bad ki la ïahap ruh ha kita; te kita kiba la dang sah ki la ïaphet ïap sha ki lum.

2 KHRONIKL 24:2

Te u Joash u la leh ïa kaba dei ha khmat U Trai baroh ki sngi u Jehoïada lyngdoh.

2 KHRONIKL 34:33

Bad u Josaïah u la pynduh noh ïa ki jingijli baroh na ki ri baroh kiba la dei ha ki khun Israel, bad u la pynleh ïa kita baroh kiba la shem ha Israel ban shakri, ban shakri ïa U Trai U Blei jong ki keiñ. Baroh ki sngi jong u kim shym la kynriah na kaba bud ïa U Trai U Blei ki kpa jong ki.

KI KAM 20:29

Nga tip ba hadien kane ka jingleit noh jong nga, ki suri barunar sat kin ïabsut hapdeng jong phi, kim da isynei ïa kata ka kynhun;

DEUTERONOMI 11:2

To tip ma phi ha kane ka sngi: naba ngam kren bad ki khun jong phi, ki bym shym la tip, bad ki bym shym la ïohi ïa ka jingsneng saja jong U Trai uba U Blei jong phi, ïa ka jingkhraw jong u, ïa ka kti badonbor jong u, bad ïa ka ksang'ti ba la kner jong u,

DEUTERONOMI 11:7

hynrei, ki khmat jong phi ki la ïohi ïa kita ki jingleh bakhraw baroh jong U Trai ïa kiba u la leh keiñ.

DEUTERONOMI 31:13

bad ba ki khun jong ki ruh, ki bym pat la tip, kin ïohsngew, bad kin ïoh nang, ban sheptieng ïa U Trai uba U Blei jong phi, katba phi dang shong ha kata ka ri sha kaba phi leit sha shiliang ka Jordan ban ïoh ïa ka.”

DEUTERONOMI 31:29

Namar nga tip, ba ynda nga la ïap, phin pynsniew khoit ïa lade, bad phin ïaphai noh lyndet na kata ka lynti ïa kaba nga la hukum ïa phi; ka jingpynsniew te kan ngat ha phi ha kita ki sngi ki bakhatduh; namar phin leh pop ha khmat U Trai, ïa ka ban pynbitar ïa u da ki kam ki kti jong phi.”

PHILIPPI 2:12

Kumta te, ko hep ba-ieit jong nga, kumba ha la ka sngi phi la kohnguh, ym tang ha khmat jong nga, hynrei, mynta, kham tam eh ha kaba ngam don ha khmat keiñ, to trei dep noh ïa ka jingpynim jong phi hi da ka jingtieng bad ka jingkhynñiuh;

NONGBISHAR 2:10

Bad ïa kata ka pateng bynriew ruh baroh la ïalum lang ha ki kpa jong ki: te la mih kawei pat ka pateng bynriew hadien jong ki, ka bym shym la ithuh ïa U Trai, lymne ïa ka kam ruh kaba u la leh na ka bynta ki Israel.

NONGBISHAR 2:6

Te haba u Joshua u la phah noh ïa u paidbah, ki khun Israel ki la ïaleit uwei uwei baroh sha la ka jong ka ri kynti ban ïoh ïa kata ka ri.

NONGBISHAR 2:7

Te u paidbah u la shakri ïa U Trai baroh ki sngi jong u Joshua, bad baroh ki sngi jong ki tymmen basan kiba la im palat ïa u Joshua, kiba la ïohi ïa ka kam bakhraw jong U Trai, kaba u la lah leh na ka bynta ki Israel.