JOSHUA 24:27 - KA BAIBL

²⁷ Bad u Joshua u la ong ha uta u paidbah baroh, “Ha khmih, une u maw u long sakhi ïa ngi; namar u la ïohsngew ïa ki ktien U Trai baroh ïa kiba u la kren ha ngi: namar kata, un long u sakhi ïa phi, ïoh ba phin len ïa la U Blei.”

Khasi CL Bible (BSI)

²⁷ U ong ha u paidbah baroh, “Une u maw un long u sakhi ïa ngi. U la ïohsngew ïa ki ktien baroh ba U Trai u la kren ha ngi. Kumta un long u sakhi pyrshah ïa phi, ban da ïa phi na kaba ïaleh pyrshah ïa U Blei jong phi.”

JOSHUA 24:27 ပူးပေါင်းရင်းမြစ်များ

Ka Kitab U Job 31:23

Naba ka jingjynjar na U Blei ka la long ka jingsngew shyrkhei ïa nga, bad namar ka jinglong burom jong u ngam ju lah leh ei ei.

Ka Kitab U Job 31:28

kane ruh ka la long ka jingbymman ïa ka ban pynshitom da ki nongbishar: naba ngan da la lamler ïa U Blei U Bahakhlieh.

PROBERB 30:9

ïoh ba ngan sngewdap, bad ba ngan len ïa me, bad ngan ong, “U Trai u long uei?” lane ïoh ba ngan duk, bad ba ngan tuh, bad pyndonkambeiñ ïa ka kyrteng U Blei jong nga.

ISAÏAH 1:2

To sngap, ko bneng, bad shahshkor, ko khyndew, namar U Trai u la kren: “Nga la ri bad nga la pynsan ïa ki khun, te ki, ki la ïaleh pyrshah ïa nga.

ISAÏAH 59:13

kaba ryngkang bad kaba len ïa U Trai, bad kaba kynriah noh na kaba bud ïa U Blei jong ngi, kaba kren banbeiñ bad kaba ïaleh pyrshah, kaba pun bad kaba kren na ka dohnud ki ktien lamler.

HABAKKUK 2:11

Naba u maw un kyang na ka kynroh, bad u bim na ki dieng un phai ktien ïa u.

JINGKHEIÑ 11:20

hynrei, baroh ki sngi shi bnai, ha ban da ka mih noh na ki thliew khmut jong phi, bad ba phi sngewjli ïa ka: namar ba phi la ñiewbeiñ ïa U Trai uba don hapdeng jong phi, bad ba phi la ïam lynñiar ha khmat jong u, phi da ong, “Balei ba ngi la wan mih noh na ka ri Ijipt?” ’ ”

MATHAÏOS 10:33

Hynrei, uno uno ruh u ban len ïa nga ha khmat ki briew, nga ruh ngan len ïa u ha khmat U Kpa jong nga uba ha bneng.

LOUKAS 19:40

U te U la ïathuh bad U la ong ha ki, “Nga ong ha phi, ba lada kine kin shu sngap jar, ki maw hi kin sa ïakyang buk.”

DEUTERONOMI 30:19

Nga pynsmai da ka bneng bad ka khyndew ha kane ka sngi, ban sakhi pyrshah ïa phi, ba nga la buh ha khmat jong phi, ïa ka jingim bad ïa ka jingïap, ïa ka jingkyrkhu bad ïa ka jingtim: namar kata, to jied ïa ka jingim, khnang ban ïoh im, ma me bad u symbai jong me:

DEUTERONOMI 31:19

To thoh, namar kata mynta, ïa kane ka jingrwai ïa phi, to hikai ruh ïa ka ha ki khun Israel: to buh ïa ka ha ka shyntur jong ki, khnang ba kane ka jingrwai kan long ka sakhi ïa nga pyrshah ïa ki khun Israel.

DEUTERONOMI 31:21

Kan jia te, ynda la ngat ha ki, bun ki jingsniew bad ki jingjynjar, ba kane ka jingrwai kan phla ha khmat jong ki kum ka sakhi; naba yn ym klet noh ïa ka na ka shyntur ki khun ki ksiew jong ki: namar nga tip ïa ka jingpyrkhat jong ki, ïa kaba ki ïathmu, wat mynta ruh, haba ngam pat la wallam ïa ki ha kata ka ri ïa kaba nga la smai.”

DEUTERONOMI 31:26

“To shim ïa kane Ka Kitab Ka Hukum, bad to buh ïa ka ha ka krung ka synduk ka jutang U Trai uba U Blei jong phi, ba kan long hangta keiñ kum ka sakhi pyrshah ïa me.

DEUTERONOMI 32:1

“To shahshkor, phi ki bneng, te ngan kren; to sngap ruh, ka khyndew, ïa ki ktien ka shyntur jong nga:

DEUTERONOMI 4:26

nga khot ïa ka bneng, bad ïa ka khyndew, ban sakhi pyrshah ïa phi ha kane ka sngi, ba shen shen ruh, phin duh noh khoit na kata ka ri sha kaba phin sa leit sha shiliang ka Jordan ban ïoh ïa ka; phin ym pynslem ïa ki sngi jong phi ha ka, hynrei, yn pynjot noh thiaw ïa phi keiñ.

TITOS 1:16

Ki phla ba ki tip ïa U Blei; hynrei, ha la ki kam ki len ïa u, ba ki long kiba ijli, bad ki bymkohnguh, bad ha ki jingleh babha baroh ki bymsuidñiew.

JOSHUA 22:34

Te ki khun u Reuben bad ki khun u Gad ki la kyrteng “ka Ed” ïa kata ka duwan: “Namar kane,” ki la ong, “ka long ka sakhi hapdeng jong ngi ba U Trai u long U Blei.”

JOSHUA 24:28

Kumta, u Joshua u la pyllait ïa u paidbah uwei uwei baroh sha la ka ri kynti.

JINGPYNPAW 3:8

“ ‘Nga ithuh ïa ki jingleh jong pha; ha khmih, nga la buh ha khmat jong pha ïa ka jingkhang ïa kaba la plie, te uno uno ruh um lah ban khang ïa ka; naba pha don khyndiat khynsoit ka bor, bad pha la ri skhem ïa ka ktien jong nga, bad pham shym la len ïa ka kyrteng jong nga.

1 SAMUEL 7:12

Te u Samuel u la shim ïa u maw, bad u la pynïeng ïa u hapdeng ka Mispah bad ka Shen, bad u la khot kyrteng ïa u, “U Ebeneser”, u da ong, “Haduh kane U Trai u la ïarap ïa ngi.”