JOSHUA 24:26 - KA BAIBL

²⁶ Bad u Joshua u la thoh ïa kine ki ktien ha Ka Kitab Ka Hukum U Blei; bad u la shim ïa u maw bakhraw, bad u la pynïeng ïa u hangta hapoh u dieng Sning uba hajan ka jaka kyntang U Trai.

Khasi CL Bible (BSI)

²⁶ U Joshua u thoh ïa kita ki hukum ha ka kitab Ka Aiñ U Blei. Nangta u la shim uwei u maw uba heh, bad u pynïeng ïa u hapoh u dieng Sning ha ka jaka kyntang jong U Trai.

JOSHUA 24:26 ပူးပေါင်းရင်းမြစ်များ

JENESIS 31:45

Te u Jakob u la shim ïa u maw, bad u la pynïeng mawbynna ïa u.

JENESIS 35:4

Ynda kumta, ki la ïa-ai noh ha u Jakob ïa kita ki blei bakhyllah baroh katba ki la don ha la ka kti, bad ïa la ki sohshkor kiba la don ha ki shkor jong ki; bad u Jakob u la tep rieh ïa ki hapoh u dieng Sning uba hajan ka Shekhem.

JENESIS 35:8

Hynrei, ka Deborah ka aïa jong ka Rebekka ka la ïap noh, bad la tep ïa ka ruh harum ka Bethel hapoh uwei u dieng Sning: te la khot kyrteng ïa ka, “ka Allon-bakhuth”.

EKSODOS 24:4

Te u Moses u la thoh ïa ki ktien U Trai baroh, bad u la khie ruh dang step, bad u la tei ïa ka duwan ha trai uta u lum, bad ïa ki khat-ar ki païa, katba kum ki khat-ar jaid Israel.

NONGBISHAR 9:6

Te ki nong Shekhem baroh ki la ïalang lem bad ka Beth-millo baroh, bad ki la ïaleit bad ki la ïathung syiem ïa u Abimelekh, hajan u dieng Sning mawbynna uba ha Shekhem.

1 SAMUEL 7:12

Te u Samuel u la shim ïa u maw, bad u la pynïeng ïa u hapdeng ka Mispah bad ka Shen, bad u la khot kyrteng ïa u, “U Ebeneser”, u da ong, “Haduh kane U Trai u la ïarap ïa ngi.”