JOSHUA 24:20 - KA BAIBL

²⁰ Lada phin iehnoh ïa U Trai, bad phin shakri ïa ki blei khyllah, ynda kumta, un phai bad un pynsniew ïa phi, bad un pynduh khoit ïa phi, hadien ba u la leh bha ïa phi.”

Khasi CL Bible (BSI)

²⁰ Um lah ban shah ïa kiwei pat kiba ïaleh pyrshah bad u, bad lada phi iehnoh ïa u ban shakri ïa ki blei nongwei, un phai pyrshah ïa phi bad un pynshitom ïa phi. Un pynjot thiaw ïa phi, wat la u long uba bha ïa phi mynshuwa.”

JOSHUA 24:20 ပူးပေါင်းရင်းမြစ်များ

1 KHRONIKL 28:8

Mynta, namar kata, ha khmat ki Israel baroh, u paidlang jong U Trai, bad ha kaba ïohsngew U Blei jong ngi, to sumar bad to wad ïa ki hukum baroh jong U Trai U Blei jong phi: ba phi lah ban ïoh ïa kane ka ri ka babha, bad ban pynsah ïa ka kum ka jingïoh pateng ha ki khun jong phi hadien jong phi ha la ka rta.

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

2 KHRONIKL 15:2

bad u la leit mih noh ban tan ïa u Asa, bad u la ong ha u, “Ko Asa, bad phi baroh ki Judah bad ki Benjamin, to sngew ïa nga: U Trai u long ryngkat bad phi, katba phi long ryngkat bad u; bad lada phin wad ïa u, phin shem ïa u; hynrei, lada phin kyntait ïa u, u ruh un kyntait ïa phi.

ESRA 8:22

Namar nga la sngewlehrain ban pan na u syiem, ïa ka kynhun shipai bad ki nongshong kulai ban ïarap ïa ngi pyrshah ïa ki nongshun ha lynti: namar ngi la lah kren ha u syiem, da kaba ong, “Ka kti U Blei jong ngi ka long halor kita baroh kiba wad ïa u, ïa ka ban pynbha; hynrei, ka bor jong u bad ka jingbitar jong u ka pyrshah ïa kita baroh kiba kyntait ïa u.”

SALM 89:31

lada kin pynkheiñ ïa ki aiñ jong nga, bad kim sumar ïa ki hukum jong nga;

ISAÏAH 1:28

Hynrei, ka jingpynjot ki nongpalat bad ki nongpop kan long lang, bad ïa kiba lyndet ïa U Trai yn pynduh.

ISAÏAH 63:10

Hynrei, ki la ïaleh pyrshah, bad ki la pynsngewsih ïa U Mynsiem Bakhuid jong u: namar kata, u la kylla ban long uba shun ïa ki, bad u hi u la ïaleh ïa ki.

JEREMAÏAH 17:13

A Trai, ka jingkyrmen ki Israel, baroh kiba lyndet ïa me kin lehrain; kita kiba iehnoh noh ïa nga yn thoh ïa ki ha ka khyndew, namar ba ki la lyndet ïa U Trai, ka umpohliew kaba im.

ESEKIEL 18:24

“Hynrei, haba u bahok u phai noh na ka hok jong u, bad u leh ïa ka jingbymhok, bad u leh ruh ïa ki jingijli baroh kat kumba leh u bymman, hato un im? Yn ym kynmaw shuh ïa kawei na ki kam hok jong u kiba u la leh: ha kata ka jingpalat kaba u la leh palat, bad ha kata ka pop ba u la leh pop, ha kita keiñ un ïap.

KI KAM 7:42

Hynrei, U Blei u la phai dien noh, bad U la iehnoh noh ïa ki ban mane ïa u paid ka bneng, kumba la thoh ha ka kitab jong ki nongïathuhlypa, “ ‘Shisha phi la ïakñia ki mrad kñia bad ki jingkñia ha nga sawphew snem ha kata ka ri khlaw, A phi ka ïing Israel?

DEUTERONOMI 4:25

“Ynda men ïoh pynkha khun, bad ïoh ki ksiew ruh, bad ba phi la ïashong slem ha kata ka ri, bad ba phi la pynsniew ïa lade, bad phi la ïathaw bleithaw ba la mutdur, ka dur kaei kaei ruh, bad ba phin leh bymman ha khmat U Trai uba U Blei jong me, ïa ka ban pynbitar ïa u:

DEUTERONOMI 4:26

nga khot ïa ka bneng, bad ïa ka khyndew, ban sakhi pyrshah ïa phi ha kane ka sngi, ba shen shen ruh, phin duh noh khoit na kata ka ri sha kaba phin sa leit sha shiliang ka Jordan ban ïoh ïa ka; phin ym pynslem ïa ki sngi jong phi ha ka, hynrei, yn pynjot noh thiaw ïa phi keiñ.

HEBRU 10:38

Hynrei, uta u bahok jong nga un ïai-im da ka jingngeit; hynrei, lada un kynran da dien, ka mynsiem jong nga kam sngewbha shuh ïa u.”

JOSHUA 24:21

Te uta u paidbah u la ong ha u Joshua, “Em; hynrei, ngi ngin shakri ïa U Trai.”

1 SAMUEL 12:15

hynrei, lada phin ym sngap ïa ka ktien U Trai, hynrei, phin ïaleh pyrshah ïa ka hukum U Trai, kumta ka kti U Trai kan long pyrshah ïa phi, kumba ka la long pyrshah ïa ki kpa jong phi.

1 SAMUEL 12:25

Hynrei, lada phin ïai-leh bymman, yn pynjot noh ïa phi, ïa phi bad ïa u syiem jong phi.”