JOSHUA 24:19 - KA BAIBL

¹⁹ Te u Joshua u la ong ha uta u paidbah, “Phi phim lah ban shakri ïa U Trai; namar u long U Blei u bakhuid; u long U Blei u bathut shen; un ym map ïa ki jingpalat lymne ïa ki pop jong phi.

Khasi CL Bible (BSI)

¹⁹ U Joshua u ong ha u paidbah, “Hynrei phin ym lah ban shakri ïa U Trai. U long U Blei uba khuid bad un ym map ïa ki pop jong phi.

JOSHUA 24:19 ပူးပေါင်းရင်းမြစ်များ

2 KHRONIKL 36:16

Hynrei, ki la rkhiebeiñ ïa ki nonglam-ktien jong U Blei, bad ki la ñiewbeiñ ïa ki ktien jong u, bad ki la pyrthuhbeiñ ïa ki nongïathuhlypa jong u, haduh ba ka jingbitar U Trai ka la mih pyrshah ïa ki briew jong u, katba ym don jingshna shuh.

SALM 99:3

To kin ïaroh ïa ka kyrteng kaba khraw bad kaba itieng jong me: ka long ka bakhuid.

SALM 99:5

To pynkhraw ïa U Trai U Blei jong ngi, bad to mane ha ka jingïuh kjat jong u: u long u bakhuid.

SALM 99:9

To pynkhraw ïa U Trai U Blei jong ngi, bad to mane ha u lum bakyntang jong u; naba U Trai U Blei jong ngi u long u bakhuid.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

EKSODOS 23:21

To burom ïa u, bad to kohnguh ïa ka ktien jong u; wat pynbitar ïa u: namar un ym map ïa ki jingpalat jong phi; naba ka kyrteng jong nga ka don ha u.

EKSODOS 34:14

Namar men ym mane ïa uwei pat u blei; naba U Trai, uba ka kyrteng jong u, ‘U Bathut shen’, u long U Blei u bathut shen keiñ:

EKSODOS 34:7

uba bat ka jingisynei ïa ki hajar, uba map ïa ka jingpalat, bad ïa ka jingryngkang, bad ïa ka pop: bad un ym pynksan da lei lei ïa u bymman; uba pynwan ïa ka jingpalat jong ki kpa ha ki khun, bad ha ki khun jong ki khun, haduh ka balai bad ka basaw pateng bynriew.”

ISAÏAH 2:9

Bad u riewpoh u dem, u riewkhraw ruh u leh poh: namar kata, wat map ïa ki.

ISAÏAH 27:11

Haba ki tnat jong ka ki la ïapstai, yn kdiah noh ïa ki; ki kynthei kin wan, bad kin thang ding ïa ki: namar u long u paidlang ba khlem sngewthuh; namar kata, uta uba la pynlong ïa ki un ym isynei ïa ki, uta ruh uba la thaw ïa ki un ym pyni jingieit ïa ki.

ISAÏAH 30:11

kynriah noh na ka lynti, phai noh na ka lynti bah, pynwai noh ïa uta U Bakhuid ki Israel na khmat jong ngi.”

ISAÏAH 30:15

Namar kumne u ong U Trai U Blei, uta U Bakhuid ki Israel, “Ha kaba wan phai bad kaba shongthait yn pynim ïa phi; ha ka jingjai jai bad ka jingshaniah, ka bor jong phi kan long;” te phim shym mon.

ISAÏAH 5:16

hynrei, la kyntiew ïa U Trai ki paid ha ka jingbishar, bad ïa U Blei uta U Bakhuid la pynkyntang ha ka hok.

LEBITIKOS 10:3

Te u Moses u la ong ha u Aaron, “Kane ïa kaba U Trai u la kren, u da ong, ‘Yn pynkyntang ïa nga ha kita kiba wan hajan jong nga, bad yn pyndonburom ïa nga ha khmat u paidlang baroh.’ ” U Aaron te u la sngap.

LEBITIKOS 11:44

Naba nga long U Trai U Blei jong phi: namar kata, to pynkyntang ïa lade, bad phin long ki bakhuid; naba nga long u bakhuid: bad wat pyntngit ïa lade da kaei kaei bapar halor ka khyndew.

LEBITIKOS 11:45

Naba nga long U Trai uba la ïalam noh ïa phi na ka ri Ijipt, ïa ka ban long U Blei ïa phi: kumta, to long ki bakhuid, naba nga long u bakhuid.’ ”

LEBITIKOS 19:2

“To kren ha u paidlang ki khun Israel baroh, bad to ong ha ki, ‘To long ki bakhuid; naba nga u bakhuid, U Trai U Blei jong phi hi.

LEBITIKOS 20:26

Phin long ki bakhuid ïa nga: naba ma nga U Trai nga long u bakhuid, bad nga la pynkyrpang ïa phi na ki jaid bynriew, ïa ka ban long ki jong nga hi.”

LEBITIKOS 20:7

Namar kata te, to pynkhuid phi ïa lade, bad to long phi ki bakhuid: naba nga long U Trai U Blei jong phi.

NAHUM 1:2

U Trai u long U Blei u bathut shen bad u pynhiar kput; U Trai u pynhiar kput bad uba dap ka jingbitar; U Trai u pynhiar kput halor kiba ïaleh pyrshah ïa u, bad u buh tyngkai ïa ka jingbitar ïa ki nongshun jong u.

HABAKKUK 1:13

Me u bakhuid la ki khmat katba mem lah ban khmih ïa ka basniew, bad uba mem lah ban khmih ïa ka jingbymman, balei ba me shu khmih ïa kita ki nongshetkylla, bad ba me sngap jar haba u bymman u nguid noh ïa u briew uba kham hok ban ïa u hi,

MATHAÏOS 6:24

“Ym don uba lah ban shakri ar ngut ki kynrad; naba un isih ïa uwei, bad un ieit ïa uwei; lane un bat ïa uwei, bad un lyndet ïa uwei. Phim lah ban shakri ïa U Blei bad ïa ka spah.”

JOSHUA 24:18

bad U Trai u la beh noh na khmat jong ngi ïa ki briew baroh, ïa ki Amor keiñ kiba shong ha kata ka ri: namar kata, ngi ruh ngin shakri ïa U Trai; namar u long U Blei jong ngi.”

JOSHUA 24:23

“Mynta namar kata, to iehnoh,” u la ong, “ïa kita ki blei khyllah kiba hapdeng jong phi, bad to dem ïa la ki dohnud ha U Trai U Blei ki Israel.”

RUTH 1:15

Ka te ka la ong, “Ha khmih, kata ka para tnga jong pha ka la leit phai noh sha la ki briew, bad sha uta u blei jong ka: to phai noh ma pha ruh nadien kata ka para tnga jong pha.”

1 SAMUEL 3:14

Namar kata, nga la smai ha ka ïing u Eli, ba yn ym sait ïa ka jingbymman ka ïing u Eli da ka jingkñia lymne da ka jingainguh junom.”

1 SAMUEL 6:20

Bad ki Beth-shemesh ki la ïa-ong, “Uei uba lah ban ïeng ha khmat une U Trai, une U Blei u bakhuid? Bad sha kino un leit noh na ngi?”