JOSHUA 24:18 - KA BAIBL

¹⁸ bad U Trai u la beh noh na khmat jong ngi ïa ki briew baroh, ïa ki Amor keiñ kiba shong ha kata ka ri: namar kata, ngi ruh ngin shakri ïa U Trai; namar u long U Blei jong ngi.”

Khasi CL Bible (BSI)

¹⁸ Katba ngi nang ïaid sha khmat sha kane ka ri, U Trai u la beh ïa ki Amor baroh kiba shong basah hangne. Kumta ma ngi ruh, ngin shakri ïa U Trai, u long U Blei jong ngi.”

JOSHUA 24:18 ပူးပေါင်းရင်းမြစ်များ

SALM 116:16

A Trai, da shisha nga long u shakri jong me: nga long u shakri jong me, u khun ka shakri jong me; me la loit noh ïa ki jingkhum jong nga.

EKSODOS 10:2

bad ba me ruh men pynsngew ha la ki khun, bad ha u khun jong u khun jong me, ïa kiei kiei kat kiba nga la leh ha ka ri Ijipt, bad ïa ki dak phylla jong nga ïa kiba nga la trei hapdeng jong ki; khnang ba phin ïoh tip ba ma nga, nga long U Trai.”

EKSODOS 15:2

U Trai u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

EKSODOS 23:31

Ïa ki pud jong me te ngan buh, naduh ka Duriaw Basaw haduh ka duriaw ki Philistia, bad naduh ka ri khlaw haduh kata ka wah: namar ngan aiti ïa ki trai-shnong jong kata ka ri ha ka kti jong phi; te men beh noh ïa ki na khmat jong phi.

MIKAH 4:2

Bad bun ki jaid bynriew kin ïaleit bad kin ïa-ong, “Ale, te ngin ïaleit kiew sha u lum U Trai, bad ha ka ïing jong U Blei u Jakob; te un hikai ïa ngi ïa ki lad jong u, bad ngin ïaïaid ha ki lynti jong u:” naba na ka Seïon kan mih noh ka hukum, bad ka ktien U Trai na Jerusalem.

SEKHARAÏAH 8:23

Kumne u ong U Trai ki paid: “Ha kito ki sngi, kan jia ba shiphew ngut ki briew na ki ktien baroh ki jaid bynriew, kin ïabat, kin ïabat keiñ na ka rmiang ka jaiñ jong uta uba long u Jiw, ki da ong, ‘Ngin ïaleit ryngkat bad phi, naba ngi la ïohsngew ba U Blei u don lem bad phi.’ ”

KI KAM 7:45

Ïa kata ruh, ki kpa jong ngi pat de ki la wallam shapoh lem bad u Joshua, mynba ki la leit rung sha kata ka bynta jong kita ki jaid bynriew, ïa kiba U Blei u la beh noh na khmat ki kpa jong ngi, haduh ki sngi jong u Dabid;

DEUTERONOMI 10:21

U ruh u long ka jingïaroh jong me, bad u long U Blei jong me, uba na ka bynta jong me u la leh ïa kine kiei kiei kiba khraw bad ba-itieng, ïa kiba me la ïohi da la ki khmat.

DEUTERONOMI 33:27

Uta U Blei bymjukut u long ka jaka rieh ïa me, bad hapoh ki don kita ki ksang'ti bymjukut; un beh noh ïa u nongshun jong me na khmat jong me, bad un ong. ‘To pynduh noh ïa ki.’

JOSHUA 23:9

Namar U Trai u la beh noh na khmat jong phi ïa ki jaid bynriew bakhraw bad badonbor: hynrei ïa phi, ym shym don uwei u briew uba la ïeng ha khmat jong phi haduh kane ka sngi.

JOSHUA 24:17

namar U Trai U Blei jong ngi u long uta uba la wallam noh ïa ngi bad ïa ki kpa jong ngi na ka ri Ijipt, na ka ïing ka jinglongmraw, bad uba la leh ïa kita ki dak khyllah bakhraw ha khmat jong ngi, bad uba la ri pynim ïa ngi ha kata ka lynti baroh ba ngi la leit, bad hapdeng ki kynja bynriew baroh ba ngi la ïaid napdeng jong ki:

JOSHUA 24:19

Te u Joshua u la ong ha uta u paidbah, “Phi phim lah ban shakri ïa U Trai; namar u long U Blei u bakhuid; u long U Blei u bathut shen; un ym map ïa ki jingpalat lymne ïa ki pop jong phi.