JOSHUA 24:17 - KA BAIBL

¹⁷ namar U Trai U Blei jong ngi u long uta uba la wallam noh ïa ngi bad ïa ki kpa jong ngi na ka ri Ijipt, na ka ïing ka jinglongmraw, bad uba la leh ïa kita ki dak khyllah bakhraw ha khmat jong ngi, bad uba la ri pynim ïa ngi ha kata ka lynti baroh ba ngi la leit, bad hapdeng ki kynja bynriew baroh ba ngi la ïaid napdeng jong ki:

Khasi CL Bible (BSI)

¹⁷ U Trai U Blei jong ngi u la wallam ïa ki kpa jong ngi bad ïa ngi ruh na ka jinglongmraw ha Ijipt, bad ngi la ïohi ïa ki kambah ba u la leh. U la ri pynim ïa ngi shano shano shaba ngi leit hapdeng ki jaitbynriew baroh ba ngi la ïaid lyngba.

JOSHUA 24:17 ပူးပေါင်းရင်းမြစ်များ

2 KHRONIKL 13:10

Hynrei, shaphang jong ngi, U Trai u long U Blei jong ngi, bad ngim shym la kyntait ïa u; bad ngi don ruh ki lyngdoh kiba shakri ha U Trai, ki khun u Aaron keiñ, bad ki Lebi ruh de ha la ki kam:

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 19:4

Phi la ïohi ïa kata ïa kaba nga la leh ha ki Ijipt, kumno nga la bah ïa phi halor ki thapniang ki pukni, bad nga la wallam ïa phi ha lade hi.

ISAÏAH 46:4

te haduh ka jinglong tymmen nga long uta, bad haduh ban da phuh 'ñiuhlieh ngan kit ïa phi: nga, nga la pynlong, te nga ngan bah; ngan kit ruh, bad ngan pyllait.

DEUTERONOMI 29:2

Te u Moses u la pyrta ïa ki khun Israel, bad u la ong ha ki, “Phi la ïohi ïa kita baroh kiba U Trai u la leh ha khmat jong phi ha ka ri Ijipt ha u Pharaoh, bad ha ki shakri jong u baroh, bad ha ka ri jong u baroh ruh:

DEUTERONOMI 32:9

Namar ka bynta jong U Trai long u paidlang jong u; u Jakob ruh u long ka pakai jong U.

DEUTERONOMI 7:19

ïa kita ki jingtynjuh bakhraw ïa kiba ki khmat jong me ki la ïohi, bad ïa kita ki dak, bad ïa kita ki jingphylla, bad ïa kata ka kti badonbor, bad ïa kata ka ksang'ti ba la kner, da kiba U Trai uba U Blei jong me u la ïalam noh ïa me: kumta keiñ, U Trai uba U Blei jong me un sa leh ïa kita ki jaid bynriew baroh ïa kiba me sheptieng.

JOSHUA 24:16

Te u paidbah u la ïathuh u la ong ruh, “Kaba eh ïa ngi ba ngin iehnoh noh ïa U Trai, ïa ka ban shakri ïa kiwei pat ki blei;

JOSHUA 24:18

bad U Trai u la beh noh na khmat jong ngi ïa ki briew baroh, ïa ki Amor keiñ kiba shong ha kata ka ri: namar kata, ngi ruh ngin shakri ïa U Trai; namar u long U Blei jong ngi.”