JOSHUA 24:15 - KA BAIBL

¹⁵ Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

Khasi CL Bible (BSI)

¹⁵ Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”

JOSHUA 24:15 ပူးပေါင်းရင်းမြစ်များ

JENESIS 18:19

Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.”

JENESIS 35:2

Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ;

1 SYIEM 18:21

Te haba u Elijah u la wan hajan uta u paidbah baroh, u la ong, “Sa katno pat phin ïeng lyngngoh hapdeng ar ki jingmut? lada U Trai u long U Blei, to bud ïa u: hynrei, lada u Baal, te to bud ïa uta.” U paidbah te um shym jubab ïa u shikyntien ruh.

1 KHRONIKL 1:14

bad ïa ki Jebus, bad ïa ki Amor, bad ïa ki Girgash;

SALM 101:2

Ngan leh stad ha ka lynti kaba janai: A lano men wan ha nga? ngan ïaid ha la ïing bad ka dohnud ka bajanai.

SALM 119:106

Nga la smai, bad nga la pynskhem ïa ka, ba ngan sumar ïa ki jingbishar hok jong me.

EKSODOS 23:2

Men ym bud ïa u paidbah ïa ka ban leh sniew; lymne wat phai ktien ha ka jingïakajia, da kaba bud ïa kiba bun ban pynsniew ïa ka jingbishar;

EKSODOS 23:24

Men ym dem ha ki blei jong ki, lymne shakri ïa ki, lymne leh katba kum ki kam jong ki: hynrei, men pynduh khoit ïa ki, bad lympat ïa ki durblei jong ki lyngkhot lyngkhai.

EKSODOS 34:15

ïoh ba men thaw ïa ka jutang bad ki trai-shnong jong kata ka ri, bad ki ïaleit klim bad ki blei jong ki, bad ki ïakñia ïa ki blei jong ki, bad khot lem ïa me ruh, bad ba me ruh men bam na ka jingkñia jong ki,

ESEKIEL 20:39

Hynrei, ïa phi, ko ka ïing Israel, kumne u ong U Trai U Blei: “To khie, uwei uwei baroh shakri ïa la ki bleithaw, bad lashai lashisngi ruh, lada phim shahshkor ïa nga: hynrei, ïa ka kyrteng jong nga phin ym lehbeiñ sang shuh da ki jingai sngewbha jong phi, bad da ki bleithaw jong phi.

DANIEL 3:18

Hynrei, lada ym kumta, to tip me, ko syiem, ba ngin ym shakri ïa ki blei jong me, lymne mane ïa kata ka durblei ïa kaba me la pynïeng.”

LEBITIKOS 14:42

ynda kumta, kin shim da kiwei pat ki maw, bad kin buh ïa ki ha ka jaka jong kita ki maw; un shim ruh da kawei pat ka sorki, bad un ñiad astor biang ïa kata ka ïing.

MIKAH 4:5

Naba ki jaid bynriew baroh kin ïaïaid ha ka kyrteng la u jong u jong u blei, ngi te ngin ïaid ha ka kyrteng U Trai U Blei jong ngi junom junom.

KI KAM 11:23

uba haba u la poi, bad ba u la ïohi ïa ka jingaiei ka jong U Blei, u la sngewkmen, bad u la kyntu ïa ki baroh, ba da ka jingthmu skhem ka dohnud kin snoh ha U Trai:

DEUTERONOMI 13:7

kita keiñ, kiba na ki blei jong kita kiba sawdong ïa phi, ba hajan ïa me, ne ba jngai na me, naduh ka bakut jong ka pyrthei haduh ka bakut pat jong ka pyrthei;

DEUTERONOMI 29:18

ba ïoh kan long hapdeng jong phi u briew, ne ka briew, ne ka ïing, ne ka jaid, kiba ka dohnud jong ki ka phai noh ha kane ka sngi na U Trai uba U Blei jong ngi, ïa ka ban leit shakri ïa ki blei jong kine ki jaid bynriew; ba ïoh kan long hapdeng jong phi u thied uba sei ïa ka umksang, bad u jhur kthang;

JOSHUA 24:16

Te u paidbah u la ïathuh u la ong ruh, “Kaba eh ïa ngi ba ngin iehnoh noh ïa U Trai, ïa ka ban shakri ïa kiwei pat ki blei;

NONGBISHAR 6:10

nga la ong de ha phi: ‘Nga long U Trai uba U Blei jong phi; phin ym sheptieng ïa ki blei ki Amor, ha ka ri jong kiba phi shong’; hynrei, phim shym la shahshkor ïa ka ktien jong nga.”