JOSHUA 24:14 - KA BAIBL

¹⁴ “Mynta namar kata, to sheptieng ïa U Trai, bad to shakri ïa u ha ka jingjanai bad ha ka jingshisha: bad to iehnoh ïa kita ki blei kiba ki kpa jong phi ki la ïashakri sha shiliang kata ka Wah, bad ha Ijipt; bad to shakri phi ïa U Trai.

Khasi CL Bible (BSI)

¹⁴ “Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

JOSHUA 24:14 ပူးပေါင်းရင်းမြစ်များ

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

JENESIS 35:2

Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ;

2 SYIEM 20:3

“Nga kyrpad ïa me, to kynmaw mynta, A Trai, kumno nga la ïaid ha khmat jong me ha ka jingshisha bad da ka dohnud ka bajanai, bad nga la leh ïa kata ka babha ha khmat jong me.” Te u Hesekaïah u la ïam eh.

ESRA 9:11

ïa kiba me la hukum da ki shakri jong me ki nongïathuhlypa, ki ïa-ong, ‘Kata ka ri, ha kaba phi leit ban ïoh ïa ka, ka long ka ri bymkhuid da ka jingbymkhuid ki briew kita ki ri, da ka jingijli jong ki kiba la pyndap ïa ka na kut sha kut da ka jingtngit jong ki.

Ka Kitab U Job 1:1

La don u briew ha ka ri Us, uba kyrteng “u Job”; te uta u briew u la long uba janai bad uba beit, bad uba sheptieng ïa U Blei, bad uba kiar noh na ka basniew.

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

SALM 111:10

Ka jingsheptieng ïa U Trai long ka jingsdang ka jingstad; ka jingshemphang ka babha ki don kita baroh kiba leh ïa ki: ka jingïaroh jong u ka neh junom.

SALM 119:1

Suk kita ki bajanai ha ka lynti, kiba ïaid ha ka aiñ U Trai.

SALM 119:80

Ai ba kan long janai ka dohnud jong nga ha ki aiñ jong me; ba yn ym pynlehrain ïa nga.

SALM 130:4

Hynrei, ha me don ka jingmap, khnang ban ïoh sheptieng ïa me.

SALM 81:10

Nga, nga long U Trai U Blei jong me, uba la wallam noh ïa me na ka ri Ijipt: to ang bha ïa la ka shyntur, te ngan pyndap ïa ka.

ESEKIEL 20:18

“ ‘Bad nga la ong ha ki khun jong ki ha kata ka ri khlaw, Wat ïaid phi ha ki aiñ ki kpa jong phi, lymne wat sumar ïa ki jingbishar jong ki, lymne wat pyntngit ïa lade bad ki bleithaw jong ki:

ESEKIEL 23:3

te ki la leh nuti ha Ijipt; ki la leh nuti ha ka jinglong samla jong ki; hangta la ban ïa ki jymbuiñ jong ki, bad hangta ki la pynñiun ïa ki soh jymbuiñ jong ka jinglong sotti jong ki.

HOSIA 3:5

hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.

LEBITIKOS 17:7

Bad wat ai kin kñia shuh ïa ki jingkñia ïa ki ksuid, bad kiba ki la ju leit ïaklim mynno mynno. Kane kan long ka hukum bajunom ïa ki pateng la pateng.’

MIKAH 6:8

U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

LOUKAS 8:15

Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

KI KAM 9:31

Kumta, ka balang ha Judia bad Galilaïa bad Samaria baroh ka la suk, ba la tei ïa ka; bad da kaba ïaid ha ka jingsheptieng ïa U Trai, bad ha ka jingpyntngen U Mynsiem Bakhuid, ka la roi kyrhai.

2 KORINTH 1:12

Namar ka jingkmen jong ngi ka long kane keiñ, ka jingphla ka jingïatiplem jong ngi, ba ha ka jingkhuid bad ha ka jingsngur bariewblei, ym ha ka jingstad bakynja doh, hynrei, ha ka jingaiei U Blei, ngi la pynïaid ïa lade ha ka pyrthei, bad kham bun eh sha phi.

EPHESOS 6:24

Ka jingaiei to kan long lem bad kita baroh kiba ïa-ieit ïa U Jisu Khrist U Trai jong ngi ha ka jingsngur. Amen.

DEUTERONOMI 10:12

“Mynta te, ko Israel, U Trai uba U Blei jong me u kwah aïu na me, tang ba men sheptieng ïa U Trai uba U Blei jong me, bad men ïaid ha ki lynti jong u baroh, bad men ieit ïa u, bad men shakri ïa U Trai uba U Blei jong me da la ka dohnud baroh, bad da la ka mynsiem baroh,

DEUTERONOMI 18:13

To men long uba janai bad U Trai uba U Blei jong me.

DEUTERONOMI 6:13

To men sheptieng ïa U Trai uba U Blei jong me; bad to shakri ïa u, bad da ka kyrteng jong u men smai.

PHILIPPI 1:10

ba phin ïoh nang ban bishar thuh ïa kiei kiei kiba shong pher; ba kumta, phin ïoh long kiba sngur bad kiba khlem pynthut haduh ka sngi U Khrist;

JOSHUA 24:2

Bad u Joshua u la ong ha u paidbah baroh, “Kumne u ong U Trai, U Blei ki Israel, ‘Ki kpa jong phi ki la shong mynhyndai sha shiliang kata ka Wah, u Terah keiñ, u kpa u Abraham, bad u kpa u Nahor: bad ki la shakri ïa kiwei pat ki blei.

JOSHUA 24:23

“Mynta namar kata, to iehnoh,” u la ong, “ïa kita ki blei khyllah kiba hapdeng jong phi, bad to dem ïa la ki dohnud ha U Trai U Blei ki Israel.”

1 SAMUEL 12:14

Lada phin sheptieng ïa U Trai, bad shakri ïa u, bad sngap ïa ka ktien jong u, bad phin ym ïaleh pyrshah ïa ka hukum U Trai, kumta ma phi bad uta u syiem ruh uba synshar halor jong phi phin long ki nongbud ïa U Trai uba U Blei jong phi:

1 SAMUEL 12:24

Tang ba phin sheptieng ïa U Trai, bad shakri ïa u ha kaba shisha da ka dohnud jong phi baroh: naba to pyrkhat ïa kaba katno kiba khraw u la leh na ka bynta jong phi.

1 SAMUEL 7:3

Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”