JOSHUA 24:12 - KA BAIBL

¹² Bad nga la phah ïa u kyieng ha shuwa jong phi, uba la beh noh ïa ki na shuwa jong phi, ïa ki ar ngut ki syiem ki Amor keiñ: ym da ka waitlam jong me, lymne da ka ryntieh jong me.

Khasi CL Bible (BSI)

¹² Katba phi nang tur sha khmat, nga la pynshaïong ïa ki khnang ban beh noh ïa ki ar ngut ki syiem Amor. Ki waitlam bad ki ryntieh jong phi kim ïadon bynta ei ei bad kane.

JOSHUA 24:12 ပူးပေါင်းရင်းမြစ်များ

SALM 135:11

ïa u Sihon u syiem ki Amor bad ïa u Og u syiem ka Bashan, bad ïa ki hima ka ri Kanaan baroh:

SALM 80:10

Ïa ki lum la tap da ka jingkah jong u, bad ki tnat jong u ki la long ki dieng Kedar U Blei.

SALM 80:9

Me la khreh ha shuwa jong u, te u la suhthied bha, bad u la pyndap ïa ka ri.

EKSODOS 23:28

Bad ngan phah ïa ki kyieng ha shuwa jong me, ki ban beh noh ïa ki Hib, bad ïa ki Kanaan, bad ïa ki Hit, na khmat jong me.

EKSODOS 23:31

Ïa ki pud jong me te ngan buh, naduh ka Duriaw Basaw haduh ka duriaw ki Philistia, bad naduh ka ri khlaw haduh kata ka wah: namar ngan aiti ïa ki trai-shnong jong kata ka ri ha ka kti jong phi; te men beh noh ïa ki na khmat jong phi.

JINGKHEIÑ 21:31

Kumta, ki Israel ki la shong sah ha ka ri ki Amor.

JINGKHEIÑ 21:32

Te u Moses u la phah jngoh ïa ka Jaser, bad ki la ïajop ïa ki shnong rit jong ka, bad ki la beh noh ïa kita ki Amor kiba la don hangta.

DEUTERONOMI 31:4

U Trai te un leh ïa ki kumba u la leh ïa u Sihon bad ïa u Og, ki syiem ki Amor, bad ïa ka ri jong ki; ïa kiba u la pynjot noh thiaw.

DEUTERONOMI 4:46

ha kane ka liang ka Jordan, ha kata ka them, marpyrshah ka Beth-peor, ha ka ri u Sihon u syiem ki Amor, uba la shong sah ha Heshbon, ïa uba u Moses bad ki khun Israel ki la ïashoh ïap, hadien ba ki la ïamih noh na ka ri Ijipt;

DEUTERONOMI 4:47

te ki la ïoh ïa ka ri jong u, bad ïa ka ri u Og ruh u syiem ka Bashan, baroh ar syiem keiñ ki jong ki Amor, kiba ha kane ka liang ka Jordan shaphang mihngi;

DEUTERONOMI 7:20

Nalor kane, U Trai uba U Blei jong me un phah da ki kyieng hapdeng jong ki, tad ynda la pynduh noh khoit ïa kita kiba dang sah, bad kiba buhrieh ïa lade na me.

JOSHUA 2:10

Namar ngi la ïohsngew kumno U Trai u la pynrngad ïa ka um ka Duriaw Basaw ha shuwa jong phi, mynba phi la mih noh na Ijipt; bad kumno phi la leh ïa ar ngut ki syiem ki Amor, kiba ha shiliang ka Jordan, u Sihon bad u Og keiñ, ïa kiba phi la pynjot thiaw.