JOSHUA 24:11 - KA BAIBL

¹¹ Bad phi la leit sha shiliang ka Jordan, bad phi la wan ha Jerikho: te ki nong Jerikho ki la ïaleh ïa phi, ki Amor, bad ki Peris, bad ki Kanaan, bad ki Hit, bad ki Girgash, bad ki Hib, bad ki Jebus; bad nga la ai noh ïa ki ha ka kti jong phi.

Khasi CL Bible (BSI)

¹¹ Phi la jam ïa ka Jordan bad wan poi sha ka Jerikho. Ki rangbah ka Jerikho ki la ïaleh pyrshah ïa phi, kumba la leh ki Amor, ki Peris, ki Kanaan, ki Hit, ki Girgash, ki Hib bad ki Jebus. Hynrei nga la ai ha phi ka jingjop halor jong ki baroh.

JOSHUA 24:11 ပူးပေါင်းရင်းမြစ်များ

JENESIS 15:19

ïa ki Ken, bad ïa ki Kenis, bad ïa ki Kadmon,

SALM 105:44

Bad u la ai ha ki ïa ki khyndew jong kita ki jaid bynriew; bad ki la shimti ïa ka jingminot jong kita ki kynja bynriew:

SALM 114:3

Ka duriaw ka la ïohi ïa kane, te ka la phet noh; ka Jordan ka la leit phai noh.

SALM 114:5

Pha la lei, ko duriaw, ba pha shu phet noh? Pha ruh ka Jordan, ba pha shu leit phai noh?

EKSODOS 13:5

Te ynda U Trai u la ïalam ïa me sha ka ri ki Kanaan, bad ki Hit, bad ki Amor, bad ki Hib, bad ki Jebus de, ïa kaba u la smai ha ki kpa jong me ban ai ha me, ka ri kaba tuid da ka dud bad ka ngap, men leh ïa kane ka kam ha une u bnai.

EKSODOS 23:23

“Naba u angel jong nga un ïaid ha shuwa jong me, bad un ïalam ïa me shapoh sha ki Amor, bad ki Hit, bad ki Peris, bad ki Kanaan, bad ki Hib, bad ki Jebus de: bad ngan pynjot noh ïa ki.

EKSODOS 23:28

Bad ngan phah ïa ki kyieng ha shuwa jong me, ki ban beh noh ïa ki Hib, bad ïa ki Kanaan, bad ïa ki Hit, na khmat jong me.

EKSODOS 23:31

Ïa ki pud jong me te ngan buh, naduh ka Duriaw Basaw haduh ka duriaw ki Philistia, bad naduh ka ri khlaw haduh kata ka wah: namar ngan aiti ïa ki trai-shnong jong kata ka ri ha ka kti jong phi; te men beh noh ïa ki na khmat jong phi.

EKSODOS 3:17

nga la ong ruh, Ngan ïalam noh artet ïa phi na ka jingshitom ka ri Ijipt sha ka ri ki Kanaan, bad ki Hit, bad ki Amor, bad ki Peris, bad ki Hib, bad ki Jebus ruh de, sha ka ri kaba tuid da ka dud bad ka ngap.” ’

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

EKSODOS 33:2

Bad ngan phah ïa u angel jong nga ha shuwa jong me; bad ngan beh noh ma nga ïa ki Kanaan, ïa ki Amor, bad ïa ki Hit, bad ïa ki Peris, ïa ki Hib, bad ïa ki Jebus:

KI KAM 13:19

Bad haba u la lah pynjot ïa ki hynñiew ki jaid bynriew ha ka ri Kanaan, u la ai ha ki, ïa ka ri jong ki ban long ka jingïoh kynti, kumba sawspah sanphew snem.

KI KAM 7:45

Ïa kata ruh, ki kpa jong ngi pat de ki la wallam shapoh lem bad u Joshua, mynba ki la leit rung sha kata ka bynta jong kita ki jaid bynriew, ïa kiba U Blei u la beh noh na khmat ki kpa jong ngi, haduh ki sngi jong u Dabid;

DEUTERONOMI 7:1

“Ynda U Trai uba U Blei jong me u la wallam ïa me sha kata ka ri sha kaba me leit ban ïoh ïa ka, bad ynda u la beh noh ruh ïa bun ki jaid bynriew na khmat jong me, ïa ki Hit, bad ïa ki Girgash, bad ïa ki Amor, bad ïa ki Kanaan, bad ïa ki Peris, bad ïa ki Hib, bad ïa ki Jebus ruh, hynñiew keiñ ki jaid bynriew kiba kham khraw, bad kiba kham don bor ban ïa me;

JOSHUA 3:10

Bad u Joshua u la ong ruh, “Da kane phin tip ba U Blei u ba-im u don hapdeng jong phi, bad ba da shisha un beh ha shuwa jong phi ïa ki Kanaan, bad ïa ki Hit, bad ïa ki Hib, bad ïa ki Peris, bad ïa ki Girgash, bad ïa ki Amor, bad ïa ki Jebus.

JOSHUA 4:1

Te ynda u paidbah baroh phar u la ryngkang sha shiliang ka Jordan, U Trai u la kren ha u Joshua, u da ong,

JOSHUA 4:19

Bad uta u paidbah u la kiew na Jordan ha ka bashiphew sngi jong u bnai u banyngkong, bad ki la shong dara ha Gilgal, ha ka pud kaba shaphang mihngi jong ka Jerikho.

JOSHUA 4:23

Naba U Trai U Blei jong phi u la pynrngad ïa ki um ka Jordan ha shuwa jong phi, ha ban da phi la leit sha shiliang, kumba U Trai U Blei jong phi u la leh ïa ka Duriaw Basaw, ïa kaba u la pynrngad na shuwa jong ngi, ha ban da ngi la leit sha shiliang:

JOSHUA 9:2

ynda kumta, ki la lum lang, da kawei ka jingmut, ban ïaleh ïa u Joshua bad ïa ki Israel.