JOSHUA 24:1 - KA BAIBL

¹ Bad u Joshua u la ïalum ïa ki jaid Israel baroh ha Shekhem, bad u la phah khot ïa ki tymmen basan ki Israel, bad ïa ki rangbah jong ki, bad ïa ki nongbishar jong ki, bad ïa ki nongkam jong ki; bad ki la ïeng ha khmat U Blei.

Khasi CL Bible (BSI)

¹ U Joshua u la lumlang ïa ki jait Israel baroh ha Shekhem. U la khot ïa ki tymmen ki san, ki nongïalam, ki nongbishar, bad ki rangbah pynïaidkam jong ki Israel, bad ki la ïawan sha ka jingdon ryngkat U Blei.

JOSHUA 24:1 ပူးပေါင်းရင်းမြစ်များ

JENESIS 12:6

Bad u Abram u la ïaid lyngba kata ka ri sha ka jaka ba la khot “Shekem”, haduh u dieng soh Shanam Dngiem u Moreh. Bad ki Kanaan ki la don mynkata ha kata ka ri.

JENESIS 35:4

Ynda kumta, ki la ïa-ai noh ha u Jakob ïa kita ki blei bakhyllah baroh katba ki la don ha la ka kti, bad ïa la ki sohshkor kiba la don ha ki shkor jong ki; bad u Jakob u la tep rieh ïa ki hapoh u dieng Sning uba hajan ka Shekhem.

1 SYIEM 12:1

Te u Rehoboam u la leit sha Shekhem: naba ki Israel baroh ki la wan sha Shekhem ban thung syiem ïa u.

2 SYIEM 23:1

Te u syiem u la phah, bad u la ïalum ha u ïa ki tymmen basan baroh jong ka Judah bad jong ka Jerusalem.

KI KAM 10:33

Namar kata, mar mar nga la phah ktien sha me, me ruh me la leh bha ba me la poi. Mynta, namar kata, ngi baroh ngi ïadon hangne ha khmat U Blei, khnang ïa ka ban ïohsngew ïa kiei kiei baroh, ïa kiba la hukum ha me da U Trai.”

DEUTERONOMI 29:9

To sumar, namar kata, ïa ki ktien jong kane ka jutang, to leh ruh ïa ki, ba phin roi ha kiei kiei baroh ba phi leh.

JOSHUA 20:7

Bad ki la buh ïa ka Kedesh ha Galilaïa ha u lum Naphtali, bad ïa ka Shekhem ha u lum Ephraim, bad ka Kiriath-arba (kata ka long “ka Hebron”) ha u lum Judah.

JOSHUA 23:2

bad u Joshua u la phah khot ïa ki Israel baroh, ïa ki tymmen basan keiñ jong ki bad ïa ki rangbah jong ki, bad ïa ki nongbishar jong ki bad ïa ki nongkam jong ki, bad u la ong ha ki, “Nga la tymmen bad nga la hiar arsut ka rta:

NONGBISHAR 20:26

Ynda kumta, ki khun Israel baroh, bad u paidbah baroh, ki la ïaleit kiew, bad ki la wan sha Bethel, ki la ïam ruh, bad ki la shong hangta ha khmat U Trai, bad ki la shah jingit ha kata ka sngi ha ban da la janmiet; bad ki la ainguh da ki jingainguh thang bad ki jingainguh pynïasuk ruh ha khmat U Trai.

1 SAMUEL 10:19

phi te ha kane ka sngi phi la kyntait ïa U Blei jong phi, uba ma u hi u ju pynim ïa phi na ki jingjynjar jong phi baroh bad na ki jingkhuslai jong phi baroh; bad phi la ong ha u, ‘Em, hynrei, men thung syiem halor jong ngi.’ Mynta te namar kata, to ïeng ha khmat U Trai ha la ki jaid ki jaid, bad ha la ki hajar hajar.”