JOSHUA 23:9 - KA BAIBL

⁹ Namar U Trai u la beh noh na khmat jong phi ïa ki jaid bynriew bakhraw bad badonbor: hynrei ïa phi, ym shym don uwei u briew uba la ïeng ha khmat jong phi haduh kane ka sngi.

Khasi CL Bible (BSI)

⁹ U Trai u la beh noh ïa ki jaitbynriew kiba khraw bad badonbor katba phi nang ïaid sha khmat, bad ym don mano mano ba la lah ban ïeng pyrshah ïa phi.

JOSHUA 23:9 ပူးပေါင်းရင်းမြစ်များ

1 SYIEM 21:26

Bad u la leh da kaba ijli eh ha kaba bud ïa ki bleithaw, kat kum kita baroh ba ki Amor ki la leh, ïa kiba U Trai u la beh ha khmat ki khun Israel.)

2 KHRONIKL 20:7

A U Blei jong ngi, me mem shym la beh noh ïa kiba ju shong ha kane ka ri ha khmat ki briew jong me ki Israel, bad me la ai ïa ka ha u symbai u Abraham u lok jong me ha la ka rta?

EKSODOS 23:23

“Naba u angel jong nga un ïaid ha shuwa jong me, bad un ïalam ïa me shapoh sha ki Amor, bad ki Hit, bad ki Peris, bad ki Kanaan, bad ki Hib, bad ki Jebus de: bad ngan pynjot noh ïa ki.

EKSODOS 23:30

Mian pa mian keiñ ngan beh noh ïa ki na khmat jong me, tad ynda me la roi, bad me la ïoh pateng ïa kata ka ri ruh.

KI KAM 7:45

Ïa kata ruh, ki kpa jong ngi pat de ki la wallam shapoh lem bad u Joshua, mynba ki la leit rung sha kata ka bynta jong kita ki jaid bynriew, ïa kiba U Blei u la beh noh na khmat ki kpa jong ngi, haduh ki sngi jong u Dabid;

DEUTERONOMI 11:23

ynda kumta, U Trai un beh noh ïa kine ki jaid bynriew baroh na khmat jong phi, bad phin ïoh ruh ïa ki jaid bynriew kiba kham khraw, bad ba kham don bor ban ïa phi hi.

DEUTERONOMI 7:24

Bad un aiti ïa ki syiem jong ki ruh ha ka kti jong me, bad men pynduh noh ïa ka kyrteng jong ki napoh ka bneng: ym don u briew ba lah ban ïeng ha khmat jong me, tad ynda me la pynjot noh ïa ki.

JOSHUA 1:5

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

JOSHUA 15:14

Te u Kaleb u la beh nangta ïa ki lai ngut ki khun u Anak, u Sheshai, u Ahiman, bad u Talmai, ki khun u Anak.

JOSHUA 23:5

Bad U Trai U Blei jong phi un beh noh ma u ïa ki ha shuwa jong phi, bad un beh noh ïa ki na khmat jong phi; bad phin ïoh ïa ka ri jong ki, kumba U Trai U Blei jong phi u la ong ha phi.

JOSHUA 23:8

hynrei, to snoh ha U Trai U Blei jong phi, kumba phi la leh haduh kane ka sngi.

JOSHUA 24:18

bad U Trai u la beh noh na khmat jong ngi ïa ki briew baroh, ïa ki Amor keiñ kiba shong ha kata ka ri: namar kata, ngi ruh ngin shakri ïa U Trai; namar u long U Blei jong ngi.”