JOSHUA 23:7 - KA BAIBL

⁷ ba phin ym ïalok bad kine ki jaid bynriew, kiba dang sah hapdeng jong phi; lymne wat ong ïa ka kyrteng ki blei jong ki, lymne smai ha ki, lymne shakri ïa ki, lymne dem ïa lade ha ki:

Khasi CL Bible (BSI)

⁷ Wat klet ïa kano kano ka bynta jong ka, bad nangta phin ym ïakhleh bad kine ki briew kiba dang sah hapdeng jong phi lane ïakren ïa ki kyrteng jong ki blei jong ki lane pyndonkam ïa kito ki kyrteng ha kaba shim smai lane mane ïa kito ki blei lane nguh dem ïa ki.

JOSHUA 23:7 ပူးပေါင်းရင်းမြစ်များ

2 SYIEM 17:12

bad ki la shakri ruh ïa ki durblei, ïa kiba U Trai u la lah ong ïa ki, “Phin ym leh ïa kane.”

2 SYIEM 5:18

Ha kane kawei U Trai un map ïa la u shakri; haba u kynrad jong nga u leit sha ïing u Rimmon ban mane hangta, bad u shaniah ha ka kti jong nga, bad nga dem ïa lade ha ïing u Rimmon, haba nga dem ïa lade ha ïing u Rimmon, U Trai un map ïa u shakri jong me ha kane kaei kaei.”

2 KHRONIKL 7:19

“Hynrei, lada phi phai lyndet, bad phin iehnoh ïa ki aiñ jong nga bad ïa ki hukum jong nga ïa kiba nga la buh ha khmat jong phi, bad phin leit shakri ïa kiwei pat ki blei, bad mane ïa ki:

SALM 16:4

Ki jingsngewsih jong ki kin man bun ïa kita kiba ïapli ïa U Trai na ka bynta uwei pat u blei: ka jingainguh dih jong ki kaba da ka snam ngan ym ainguh ma nga, lymne ngan ym ong da la ki rmiang shyntur ïa ki kyrteng jong ki.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

EKSODOS 23:13

Bad ha kiei kiei baroh ba nga la ong ha phi phin sumar biang: wat kynmaw ïa ka kyrteng kiwei ki blei, lymne wat ai ban ïohsngew ïa ka na ka shyntur jong me.

EKSODOS 23:33

Wat shah ba kin ïashong sah ha ka ri jong me, ïoh ba kin ïalam ïa me ban leh pop ïa nga: namar lada men shakri ïa ki blei jong ki, da shisha kata kan long ka jingriam ïa me.”

PROBERB 4:14

Wat leit sha ka lynti ïaid ki bymman, bad wat ïaid ha ka lynti ki riewsniew.

JEREMAÏAH 12:16

Te lada kin hikai minot ïa ki lynti ki briew jong nga, ïa ka ban smai ha ka kyrteng jong nga, ‘Katba u im U Trai;’ kumjuh kumba ki la hikai ïa ki briew jong nga ban smai da u Baal; kumta yn sa tei ïa ki hapdeng ki briew jong nga.

JEREMAÏAH 5:7

“Kumno ngan map ïa pha? Ki khun jong pha ki la lyndet ïa nga, bad ki la smai da kita ki bymlong ki blei: mynba nga la lah bsa kdang ïa ki, ki la klim, bad ki la ïalang kynhun ha ki ïing ki nuti.

HOSIA 2:17

Naba ngan shim noh ïa ki kyrteng jong ki Baal na ka shyntur jong ka, te yn ym ïalap shuh ïa ki kyrteng jong ki.

SEPHANAÏAH 1:5

bad ïa kita kiba mane halor ki neng ïing ïa u paidbah ka bneng; bad ïa kita kiba mane, kiba smai ha U Trai bad kiba smai da u Malkam;

JINGKHEIÑ 32:38

bad ïa ka Nebo ruh, bad ïa ka Baal-meon (haba la pynkylla ïa ki kyrteng jong ki,) bad ïa ka Shibmah: te ki la khot kyrteng da kumwei ïa kita ki nongbah ïa kiba ki la ïatei pat.

JINGKHEIÑ 33:55

Te lada phin ym beh noh ïa ki trai-shnong jong kata ka ri ha shuwa jong phi; kan jia long, ba kita ïa kiba phin pynsah na ki, kin long ki shiah ha ki khmat jong phi, bad ki speh ha ki krung jong phi, bad kin ïa-pynshitom ruh ïa phi ha kata ka ri ha kaba phi ïashongneh.

1 KORINTH 15:33

To wat shah ban shukor noh ïa phi; “ki jingïasyllok basniew ki ïa-pynpyut plak keiñ ïa ki akor babha”.

EPHESOS 5:11

Bad to wat ïashang lem bad kita ki kam bymsei soh jong ka jingdum, hynrei, kham tam phin pynrem ïa ki.

DEUTERONOMI 10:20

Men sheptieng ïa U Trai uba U Blei jong me; ïa u hi men shakri; bad ha u men snoh, bad ha ka kyrteng jong u ruh men smai.

DEUTERONOMI 6:13

To men sheptieng ïa U Trai uba U Blei jong me; bad to shakri ïa u, bad da ka kyrteng jong u men smai.

DEUTERONOMI 6:14

Phin ym leit hadien kiwei kiwei pat ki blei, na ki blei jong ki briew kiba baroh sawdong ïa phi.

JOSHUA 23:12

Lymda kumta, lada phin phai kumno kumno ruh, bad phin snoh ha kita kiba dang sah na kine ki jaid bynriew, kine kiba dang sah hapdeng jong phi keiñ, bad phin ïashongkurim bad ki, bad phin ïaleit shapoh sha ki, bad ki sha phi:

JOSHUA 23:8

hynrei, to snoh ha U Trai U Blei jong phi, kumba phi la leh haduh kane ka sngi.