JOSHUA 23:6 - KA BAIBL

⁶ Namar kata, phin long shlur bha ban sumar bad ban leh ïa baroh kaba la thoh ha Ka Kitab Ka Hukum u Moses, ba phin ym phai noh na ka sha kamon lane sha kadiang;

Khasi CL Bible (BSI)

⁶ Kumta sumar ban kohnguh bad leh ïa kaei kaei baroh kaba la thoh ha ka kitab ka Aiñ u Moses.

JOSHUA 23:6 ပူးပေါင်းရင်းမြစ်များ

1 SYIEM 2:3

bad to sumar ïa ka kam U Trai U Blei jong me, ïa ka ban ïaid ha ki lynti jong u, ban sumar ïa ki aiñ jong u, bad ki hukum jong u, bad ïa ki jingbishar jong u, bad ïa ki jingphla jong u, kat kumba la thoh ha ka hukum u Moses, ba men man roi ha kaba me leh baroh, bad kat shaba men phai:

SALM 101:3

Ngan ym buh ei ei kaba thala ha khmat ki khmat jong nga: nga isih ïa ka jingleh jong kita kiba kynriang; kan ym ïoh snoh ha nga.

SALM 119:102

Ngam shym phai noh na ki jingbishar jong me; naba me la hikai ma me ïa nga.

JEREMAÏAH 9:3

“Bad ki pynkdor ïa la u thylliej kumba u la long ka ryntieh jong ki ïa ka jinglamler; bad ki la man khlaiñ ha ka ri, hynrei, ym na ka bynta ka jingshisha: naba ki nang ïaid na ka basniew sha ka basniew, bad kim ithuh ïa nga,” ong U Trai.

1 KORINTH 16:13

To da sharai phi, to da ïeng skhem phi ha ka jingngeit, to da leh shlur ïa lade phi kum ki rangbah, to da pynkhlaiñ ïa lade phi.

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.

DEUTERONOMI 17:20

ba ka dohnud jong u kan ym sngewsarong halor ki para jong u, bad ba un ym phai noh na kata ka hukum, sha kamon ne sha kadiang: khnang ba un pynslem ïa ki sngi jong u ha la ka hima, ma u bad la ki khun, hapdeng ki Israel.

DEUTERONOMI 28:14

bad men ym da ïaid bakla noh na kine ki ktien baroh ïa kiba nga hukum ïa me ha kane ka sngi, sha kamon ne sha kadiang, ïa ka ban leit bud ïa kiwei pat ki blei ban shakri ïa ki.

DEUTERONOMI 5:32

Namar kata, phin sumar ban leh kumba U Trai uba U Blei jong phi u la hukum ïa phi: lymne phin ym phai sha kadiang lymne sha kamon.

HEBRU 12:4

Phim pat ïaleh pyrshah ha ban da mihsnam, da kaba ïa-pyneh pyrshah bad ka pop:

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”