JOSHUA 23:15 - KA BAIBL

¹⁵ Te kan long, ba kumba kiei kiei baroh ki babha ki la jia ha phi ïa kiba U Trai U Blei jong phi u la ong ha phi, kumta U Trai un wallam halor jong phi ïa kiei kiei ki basniew baroh, haduh ban da la pynduh noh khoit ïa phi na kane ka ri ka babha ïa kaba U Trai U Blei jong phi u la ai ha phi.

Khasi CL Bible (BSI)

¹⁵ Hynrei kumba u la bat ïa kawei pa kawei ka jingkular kaba u la pynlong ha phi, kumta ruh un pyndep ïa kawei pa kawei ka jingbyrngem.

JOSHUA 23:15 ပူးပေါင်းရင်းမြစ်များ

1 SYIEM 14:15

Naba U Trai un shoh ïa ki Israel, kumba la pynkhih ïa u khah ha um; bad un rat noh ïa ki Israel na kane ka ri ka babha, kaba u la ai ha ki kpa jong ki, bad un pynsakma ïa ki sha lyndet ka Wah; naba ki la thaw ïa ki Asherim jong ki, ki da pankwah ïa U Trai ban bitar.

1 SYIEM 8:56

“To long ba la kyrkhu ïa U Trai, uba la ai ka jingshongthait ha la ki briew ki Israel, katba kum kaba u la kular baroh: ym shym la duh ei kawei ka ktien na ka jingkular babha jong u baroh, kaba u la kular da ka kti u Moses u shakri jong u.

ISAÏAH 24:6

Namar kata, ka jingtim ka la bam duh ïa ka khyndew, ïa kiba shong ha ka ruh la shem kiba bit pop: namar kata, ïa kiba shong ha ka khyndew la thang, bad tang khyndiat briew la pynsah.

JEREMAÏAH 32:24

ha khmih, ki kynton ïaleh ki la wan sha ka nongbah ban jop ïa ka; bad ïa ka nongbah la ai noh ha ka kti ki Khaldi kiba ïaleh ïa ka; namar ka waitlam, bad namar ka 'nemsniew, bad namar ka khlam: te kata kaba me la kren ka la jia; bad, ha khmih, me ïohi ïa ka.

JEREMAÏAH 32:42

Namar kumne u ong U Trai: “Kumjuh hi kumba nga la wallam ïa kane ka jingsniew bakhraw baroh halor une u paidlang, kumta ruh ngan wallam halor jong ki baroh ïa ka jingbha ba nga la kular ïa ki.

JEREMAÏAH 35:17

namar kata,” kumne u ong U Trai, U Blei ki paid, U Blei ki Israel: “Ha khmih, ngan wallam halor ka Judah bad halor kiba shong ha Jerusalem baroh, ïa kata ka jingsniew baroh kaba nga la kren pyrshah ïa ki; namar nga la kren ha ki, hynrei, kim shym la sngap; bad nga la khot ïa ki, hynrei, kim shym phai ktien.”

LEBITIKOS 26:3

“Lada phin ïaid ha ki hukum jong nga, bad lada phin sumar ïa ki hukum jong nga, bad leh ïa ki;

1 THESSALONI 2:16

ki da khang ïa ngi ban ïalap ha ki Jentil ba yn ïoh pynim ïa ki; ïa ka ban pyndap noh ïa ki pop jong ki ha la ka sngi; hynrei, kata ka jingbitar ka la wan ha ki haduh ka bakut.

NONGBISHAR 13:1

Te ki khun Israel ki la nang leh ïa kata ka basniew pat ha khmat U Trai; bad U Trai u la ai noh ïa ki ha ka kti ki Philistia sawphew snem.

NONGBISHAR 3:12

Te ki khun Israel ki la leh ïa ka basniew pat ha khmat U Trai: bad U Trai u la ai bor ïa u Eglon u syiem ka Moab ban ïaleh ïa ki Israel, namar ba ki la leh ïa ka basniew ha khmat U Trai.

NONGBISHAR 3:8

Namar kata, ka jingbitar U Trai ka la meh ïa ki Israel, bad u la die noh ïa ki ha ka kti u Kushan-rishathaim u syiem ka Mesopotamia: bad ki khun Israel ki la shakri ïa u Kushan-rishathaim, phra snem.

NONGBISHAR 6:1

Te ki khun Israel ki la leh ïa ka basniew ha khmat U Trai: bad U Trai u la ai noh ïa ki ha ka kti ki Midian hynñiew snem.