JOSHUA 23:14 - KA BAIBL

¹⁴ “Ha khmih ruh, ha kane ka sngi nga leit ha ka lynti ka pyrthei baroh: bad phi ruh phi tip ha la ka dohnud baroh bad ha la ki mynsiem baroh, ba ym shym duh kawei na kita kiei kiei ki babha baroh ba U Trai U Blei jong phi u la kren shaphang jong phi; ki la jia long baroh ha phi, bad kam shym duh kawei na ki.

Khasi CL Bible (BSI)

¹⁴ “Mynta, ka la dei ka por ïa nga ban ïap. Uwei pa uwei na phi u tip ha la ka dohnud bad ha la ka mynsiem ba U Trai U Blei jong phi u la ai ha phi ïa kiei kiei kiba bha baroh kiba u la kular ha phi. Ïa kawei pa kawei ka kular la pyndep, ym don kawei ruh ka ban sep-ei.

JOSHUA 23:14 ပူးပေါင်းရင်းမြစ်များ

JENESIS 47:29

Bad ki sngi jong u Israel ki la nang jan ba un ïap noh: te u la khot ïa u Joseph u khun jong u, bad u la ong ha u, “Lada mynta nga la shem ka jingsngewbha ha khmat jong me, to buh, nga kyrpad ïa me, ïa la ka kti hapoh ka skhep jong nga, bad to pyni ïa nga ïa ka jingsngewbha bad ïa ka jingshisha; to wat tep ïa nga, nga kyrpad ïa me, ha ka ri Ijipt:

1 SYIEM 2:2

“Nga leit sha ka lynti ka pyrthei baroh: me namar kata, to long uba khlaiñ, bad to leh rangbah ïa lade;

1 SYIEM 8:56

“To long ba la kyrkhu ïa U Trai, uba la ai ka jingshongthait ha la ki briew ki Israel, katba kum kaba u la kular baroh: ym shym la duh ei kawei ka ktien na ka jingkular babha jong u baroh, kaba u la kular da ka kti u Moses u shakri jong u.

Ka Kitab U Job 30:23

Naba nga tip ba men ïalam ïa nga sha ka jingïap, bad ha kata ka ïing ba la buh ïa ki ba-im baroh.

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

EKLESIASTIS 12:5

shisha kin sheptieng ïa kata kaba jrong, bad ki jingshyrkhei kin long ha ka lynti; bad u dieng soh Khyllam un phuh, bad u puit hi un long ka jingkit khia, bad u soh Ri un duh noh: namar u briew u leit sha la ka ïing shongneh, bad ki nongïambriew ki leit kylleng kylleng ïa ki lynti shnong:

EKLESIASTIS 9:10

Kaei kaei baroh ba ka kti jong me ka shem ban leh, leh ïa kata da la ka borbah; namar ym don ka kam, lymne buit, lymne ka jingtip, lymne ka jingstad, ha ka jingtep, sha kaba me leit.

ESEKIEL 20:28

Naba haba nga la wallam ïa ki sha kata ka ri, ïa kaba nga la rah ïa la ka kti ban ai ha ki, te ki la shu ïohi ïa u lum bajrong baroh, bad ïa u dieng uba bniap baroh, bad ki la ainguh ïa la ki jingkñia hangta, bad hangta ki la ïa-ai ïa la ki jingainguh kiba pynkhih bitar, hangta ruh, ki la pynlong la ki jingiw baiwbih, bad hangta ki la ïatheh noh ïa la ki jingainguh dih.

JINGKHEIÑ 23:19

U Blei um long u briew, ba un lamler; lymne u khun u briew, ba un kylla-ka-bamut: ïa kaba U la ong, un ym leh? Lane ïa kaba U la kren, un ym pyndep noh?

LOUKAS 21:33

Ka bneng bad ka khyndew kin duh noh, hynrei, ki ktien jong nga kin ym duh noh.

HEBRU 9:27

Te kumba la buh ha ki briew ban ïap tang shi sien, bad hadien kane ka wan ka jingbishar;

1 SAMUEL 3:19

Bad u Samuel u la nang roi, bad U Trai u la don lem bad u, bad um shym shah ïa kawei na ki ktien jong u ban hap duh noh.