JOSHUA 23:13 - KA BAIBL

¹³ to tip da shisha ba U Trai U Blei jong phi un ym beh shuh ïa kine ki jaid bynriew na khmat jong phi; hynrei, kin long ki shangkhawiah bad ki jingriam ïa phi, bad ki jingsympat ha ki krung jong phi, bad ki shiah ha ki khmat jong phi, ha ban da phin duh noh na kane ka ri ka babha kaba U Trai U Blei jong phi u la ai ha phi.”

Khasi CL Bible (BSI)

¹³ to tip skhem ba U Trai U Blei jong phi un ym beh shuh ïa kine ki jaitbynriew na khmat jong phi katba phi nang ïaid sha khmat. Pynban, kin long ka jingmynsaw ïa phi kum ka shangkhawiah lane ka thliew bad kaba pang shikatdei eh kum ka jingsympat ha ka ingdong jong phi lane ki shiah ha ki khmat jong phi. Bad kane kan neh tad haduh ba ym don shuh uwei ruh napdeng jong phi uba dang lait im ha kane ka ri kaba bha ïa kaba U Trai U Blei jong phi u la ai ha phi.

JOSHUA 23:13 ပူးပေါင်းရင်းမြစ်များ

1 SYIEM 11:4

Namar ynda u Solomon u la tymmen, ki tnga jong u ki la pynphai noh ïa ka dohnud jong u sha kiwei pat ki blei: bad ka dohnud jong u kam shym long janai bad U Trai U Blei jong u, kumba la long ka dohnud u Dabid u kpa jong u.

2 SYIEM 17:18

Namar kata, U Trai u la bitar eh bad ki Israel, bad u la pynkynriah ïa ki na khmat jong u: ym don ba sah shuh sa tang ka jaid Judah hi.

2 SYIEM 17:20

Te U Trai u la kyntait ïa u symbai ki Israel baroh, bad u la pynshitom ïa ki, bad u la ai noh ïa ki ha ka kti ki nonglute, haduh ba u la bred ïa ki na khmat jong u.

2 SYIEM 25:21

Bad u syiem ka Babilon u la pom ïa ki, bad u la pynïap ïa ki ha Riblah ha ka ri Hamath. Kumta, ïa u Judah la ring mraw na ka ri jong u.

2 SYIEM 25:26

Te u paidbah baroh, u barit bad u bakhraw, bad ki kaptan ki shipai, ki la ïaïeng joit, bad ki la wan sha Ijipt: naba ki la sheptieng ïa ki Khaldi.

SALM 69:22

Ai ba ka miej jong ki ha khmat jong ki kan kylla jingriam; bad haba ki don ha kaba suk, ai ba kan long ka shangkhawiah.

EKSODOS 10:7

Te ki shakri u Pharaoh ki la ïa-ong ha u, “Slem katno une u briew un long ka jingriam ïa ngi? To pyllait noh ïa kita ki briew, ba kin ïoh shakri ïa U Trai U Blei jong ki: balei mem pat tip ba la pynjot ïa ka ri Ijipt?”

EKSODOS 23:33

Wat shah ba kin ïashong sah ha ka ri jong me, ïoh ba kin ïalam ïa me ban leh pop ïa nga: namar lada men shakri ïa ki blei jong ki, da shisha kata kan long ka jingriam ïa me.”

EKSODOS 34:12

To sumar ïa lade, ba men ym thaw ïa ka jutang bad ki trai-shnong jong kata ka ri sha kaba me leit, ïoh ba kan long ka jingriam hapdeng jong me.

EKSODOS 34:16

bad men shim ruh na ki khun kynthei jong ki ha ki khun shynrang jong me, bad ki khun kynthei jong ki kin ïaleit klim bad ki blei jong ki, bad kin pynklim ruh ïa ki khun shynrang jong me bad ki blei jong ki.

ESEKIEL 28:24

“ ‘Bad yn ym don shuh u dieng shiah uba thar ïa ka ïing Israel, lymne u shiah ba pynsngewsih na kino kino kiba sawdong ïa ki, kiba la ñiewbeiñ ïa ki; bad kin tip ba nga long U Trai U Blei.’ ”

JINGKHEIÑ 33:55

Te lada phin ym beh noh ïa ki trai-shnong jong kata ka ri ha shuwa jong phi; kan jia long, ba kita ïa kiba phin pynsah na ki, kin long ki shiah ha ki khmat jong phi, bad ki speh ha ki krung jong phi, bad kin ïa-pynshitom ruh ïa phi ha kata ka ri ha kaba phi ïashongneh.

LOUKAS 21:24

Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

DEUTERONOMI 29:28

bad U Trai u la rat noh ïa ki na ka ri jong ki ha ka jingbitar, bad ha ka jingshla lep, bad ha ka jingsngewsih bakhraw, bad u la bred ruh ïa ki sha kawei pat ka ri, kumba ka long ha kane ka sngi.’

DEUTERONOMI 30:18

te nga maham ïa phi ha kane ka sngi, ba phin jot noh thiaw shisha; bad ba phin ym pynslem ki sngi jong phi ha kata ka ri, sha kaba me leit sha shiliang ka Jordan ban leit ïoh ïa ka.

DEUTERONOMI 4:26

nga khot ïa ka bneng, bad ïa ka khyndew, ban sakhi pyrshah ïa phi ha kane ka sngi, ba shen shen ruh, phin duh noh khoit na kata ka ri sha kaba phin sa leit sha shiliang ka Jordan ban ïoh ïa ka; phin ym pynslem ïa ki sngi jong phi ha ka, hynrei, yn pynjot noh thiaw ïa phi keiñ.

DEUTERONOMI 7:16

To men pynduh noh, namar kata, ïa kita ki jaid bynriew baroh kiba U Trai uba U Blei jong me un sa aiti ha me; ka khmat jong me kan ym isynei ïa ki: lymne men ym shakri ïa ki blei jong ki; namar kata, kan long ka jingriam ïa me.

2 TIMOTHI 2:26

bad ba kin pyllait ïa lade na ka jingriam u Soitan, haba la pynngat ïa ki da u shakri U Trai sha ka mon U Blei.

NONGBISHAR 2:21

nga ruh ngan ym beh noh shuh ïano ïano na khmat jong ki na kita ki jaid bynriew ïa kiba u Joshua u la pynsah mynba u la ïap:”