JOSHUA 23:12 - KA BAIBL

¹² Lymda kumta, lada phin phai kumno kumno ruh, bad phin snoh ha kita kiba dang sah na kine ki jaid bynriew, kine kiba dang sah hapdeng jong phi keiñ, bad phin ïashongkurim bad ki, bad phin ïaleit shapoh sha ki, bad ki sha phi:

Khasi CL Bible (BSI)

¹² Lada phi long ki bymïaineh bad ïasnohkti bad kita ki jaitbynriew kiba dang sah hapdeng jong phi bad phi ïashongkha khleh bad ki,

JOSHUA 23:12 ပူးပေါင်းရင်းမြစ်များ

JENESIS 2:24

Namar kata keiñ, u briew un iehnoh ïa la u kpa bad ïa la ka kmie, bad un ïaineh bad la ka tnga: bad kin ïalong ruh kawei ka doh.

JENESIS 34:3

Bad ka mynsiem jong u ka la ïasoh ha ka Dinah ka khun u Jakob, bad u la ieit ïa kata ka samla, bad u la kren pynsngewbha ha ka dohnud jong kata ka samla.

1 SYIEM 11:2

na kita ki jaid bynriew shaphang kiba U Trai u la ong ha ki khun Israel, “Phin ym leit hapdeng jong ki, lymne kin ym wan hapdeng jong phi: naba shisha kin pynphai noh ïa ki dohnud jong phi sha ki blei jong ki”: ha kine, u Solomon u la snoh ka jingieit.

1 SYIEM 11:4

Namar ynda u Solomon u la tymmen, ki tnga jong u ki la pynphai noh ïa ka dohnud jong u sha kiwei pat ki blei: bad ka dohnud jong u kam shym long janai bad U Trai U Blei jong u, kumba la long ka dohnud u Dabid u kpa jong u.

SALM 125:5

Hynrei, kat kiba phai noh sha la ki lynti kynriang, U Trai un ring ïa ki lem bad ki nongleh bymman. To long ka jingsuk ïa ki Israel.

SALM 36:3

Ki ktien ka shyntur jong u ki long ka jingbymhok bad ka jingshukor: u la wai noh ban long stad bad ban leh bha.

ISAÏAH 1:4

A ka jaid bynriew bapop, u paidlang ba la kit khia da ka bymhok, u symbai ki nongleh sniew, ki khun kiba pynsniew: ki la iehnoh ïa U Trai, ki la ibeiñ ïa uta u Bakhuid jong ki Israel, ki la ïakhlad noh shadien.

ESEKIEL 18:24

“Hynrei, haba u bahok u phai noh na ka hok jong u, bad u leh ïa ka jingbymhok, bad u leh ruh ïa ki jingijli baroh kat kumba leh u bymman, hato un im? Yn ym kynmaw shuh ïa kawei na ki kam hok jong u kiba u la leh: ha kata ka jingpalat kaba u la leh palat, bad ha kata ka pop ba u la leh pop, ha kita keiñ un ïap.

SEPHANAÏAH 1:6

bad ïa kita kiba phai noh na kaba bud ïa U Trai; bad ïa kita ki bym shym wad ïa U Trai, lymne ïakylli shaphang jong u.”

MATHAÏOS 12:45

Ynda kumta, u leit noh, u shim lem bad u, hynñiew ki mynsiem kiwei pat kiba kham bymman ïa u hi, te ki ïaleit hapoh bad ki shong sah hangta: ka bakhatduh te ïa uta u briew kan long kham sniew ïa ka banyngkong. Kumta, kan long ruh ïa kane ka pateng bynriew bymman.”

ÏOANNIS 6:66

Naduh kata, shibun na ki synran jong u ki la ïakylla dien noh, bad kim ïaleit lem shuh bad u.

Ka Shithi U Paul Sha Ki Nong Rom 12:9

To ka jingieit kan long kaba khlem arsap. To kiar noh sngewtriem na kata ka basniew, to snoh ha kata ka babha.

DEUTERONOMI 6:15

Naba U Trai uba U Blei jong me u long U Blei u bathut shen hapdeng jong phi; ba ïoh kan meh ka jingbitar U Trai uba U Blei jong me pyrshah ïa me, bad un pynjot noh ïa me na khmat ka khyndew.

DEUTERONOMI 7:3

lymne men ym ïashongkurim bad ki: men ym ai ïa la ka khun ha u khun jong u, lymne men ym shim ïa ka khun jong u ha u khun jong me.

DEUTERONOMI 7:4

Naba kin pynphai noh ïa u khun jong me na kaba bud ïa nga, ba kin ïoh shakri ïa kiwei pat ki blei; kumta keiñ, kan meh ka jingbitar U Trai pyrshah ïa phi, bad un pynjot noh ïa me shisyndon.

JOSHUA 23:11

Namar kata, to sumar bniah ïa lade, ba phin ieit ïa U Trai U Blei jong phi.

1 ÏOANNIS 2:9

Uta uba ong ba u don ha kata ka jingshai, bad uba shun pynban ïa u parabangeit jong u, u don ha kata ka jingdum haduh mynta.

NONGBISHAR 14:3

U kpa bad ka kmie jong u te ki la ong ha u, “Hato ym don kynthei hapdeng ki khun kynthei ki para jong me, lane hapdeng ki briew jong nga baroh, ba men shu leit ïoh tnga na ki Philistia kiba khlem otsher?” Te u Samson u la ong ha la u kpa, “Pynïoh ïa ka ha nga; naba nga ibha eh ïa ka.”

NONGBISHAR 3:6

bad ki la shim ïa ki khun kynthei jong ki ban long ki tnga jong ki, ki la ai ruh ïa la ki khun kynthei ha ki khun shynrang jong ki, bad ki la shakri ïa ki blei jong ki.