JOSHUA 23:10 - KA BAIBL

¹⁰ Uwei u briew na phi un beh ïa ki shi hajar: namar U Trai U Blei jong phi u long ma u uba ïaleh na ka bynta jong phi, kumba u la ong ha phi.

Khasi CL Bible (BSI)

¹⁰ Uwei uwei na phi u lah ban pynher krad shihajar ki nongïapom, namar U Trai U Blei jong phi u ïaleh na ka bynta jong phi, kumba u la kular.

JOSHUA 23:10 ပူးပေါင်းရင်းမြစ်များ

2 SAMUEL 23:8

Kine ki kyrteng jong kita ki rangbah kiba don bor kiba u Dabid u la don: u Josheb-basshebeth jaid Tahkhemon, u rangbah jong ki kaptan; u la long uta u Adino u nong Esni, u la ïaleh ïa phraspah ngut ïa kiba la pynïap ha kajuh ka por.

1 KHRONIKL 5:20

Bad la ïarap ïa ki ban ïaleh ïa kita, bad la ai noh ïa ki Hagar ha ka kti jong ki, bad ïa baroh kat kiba la don lem bad ki; naba ki la pyrta ha U Blei ha ka thma, bad U la shahshkor ïa ki; namar ba ki la shaniah ha U.

1 KHRONIKL 5:22

Naba shibun ki la kyllon ba la pynïap ïa ki, namar kata ka thma ka la long na U Blei. Bad ki la shong ha ka jaka jong ki haduh kata ka jingring mraw.

SALM 35:1

To ïa-pyneh ma me, A Trai, bad kita kiba ïa-pyneh bad nga: to ïaleh ma me ïa kita kiba ïaleh ïa nga.

SALM 46:7

U Trai ki paid u don bad ngi; U Blei u Jakob u long ka jaka rieh jong ngi. Selah.

EKSODOS 14:14

U Trai un ïaleh na ka bynta jong phi, namar kata, to da sngap jar phi.”

ISAÏAH 30:17

Shi hajar kin phet noh na kaba sneng uwei; na kaba sneng san ngut phin phet noh: tad ynda la iehnoh ïa phi kum u rishot halor ki kliar u lum bah, bad kum ka lama halor u lum rit.

LEBITIKOS 26:7

Ïa ki nongshun jong phi ruh phin beh, bad kin kyllon ha khmat jong phi da ka waitlam.

LEBITIKOS 26:8

Bad san ngut na phi kin beh ïa ka shispah, bad shispah ngut na phi kin beh ïa ki shiphew hajar: bad ki nongshun jong phi kin kyllon ha khmat jong phi da ka waitlam.

SEKHARAÏAH 12:8

Ha kata ka sngi, U Trai un da ïa ki nong Jerusalem; te ha kata ka sngi, uta uba tlot bor hapdeng jong ki un long kum u Dabid; bad ka ïing u Dabid kan long kum U Blei, kum u angel U Trai ha shuwa jong ki.

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

DEUTERONOMI 20:3

bad un ong ha ki, ‘To sngap, A Israel, ha kane ka sngi phi la ïawan hajan ban ïaleh thma ïa ki nongshun jong phi: wat ai ba ka dohnud jong phi kan sngewsyier, lymne wat sheptieng, bad wat sngewkyiuh ruh, lymne wat sngewshyrkhei namar jong ki;

DEUTERONOMI 20:4

namar U Trai uba U Blei jong phi, ma u hi u leit lem bad phi, ïa ka ban ïaleh thma na ka bynta jong phi pyrshah ïa ki nongshun jong phi, ïa ka ban pynim ïa phi.’

DEUTERONOMI 28:7

“U Trai u shoh ïap ha khmat jong me ïa ki nongshun jong me kiba ïeng ïaleh pyrshah ïa me: tang da kawei ka lynti kin ïawan ïaleh ïa me, hynrei, kin ïaphet ïap noh na me keiñ hynñiew ki lynti.

DEUTERONOMI 3:22

Wat sheptieng ïa ki: naba U Trai uba U Blei jong phi, ma u hi keiñ, un ïaleh thma na ka bynta jong phi.’

DEUTERONOMI 32:20

U la ong ruh, ‘Ngan buhrieh ïa la ka khmat na ki, ngan khmih te ïa ka bakut jong ki kan long kumno; namar ki long ka pateng bynriew bamutlop eh, ki khun ha kiba ym don ka jingïaineh.

DEUTERONOMI 32:30

Kumno uwei un beh ïa ki shi hajar, bad ar ngut kin ïa-pynphet ïap ïa ki shiphew hajar, lymda U Mawsiang jong ki u la die noh ïa ki, bad U Trai u la aiti noh ïa ki?

JOSHUA 10:42

Ïa kine ki syiem baroh bad ka ri jong ki u Joshua u la jop ha kajuh ka por, namar U Trai, U Blei ki Israel, u la ïaleh na ka bynta ki Israel.

JOSHUA 23:11

Namar kata, to sumar bniah ïa lade, ba phin ieit ïa U Trai U Blei jong phi.

JOSHUA 23:3

phi ruh phi la ïohi ïa baroh kaba U Trai U Blei jong phi u la leh ïa kine ki jaid bynriew baroh na ka bynta jong phi; namar U Trai U Blei jong phi keiñ u long uta uba la ïaleh na ka bynta jong phi.

NONGBISHAR 15:15

Bad u la ïoh kawei ka shyieng ngab thymmai jong ka kadda, te haba u la kner ïa la ka kti, u la shim ïa ka, bad u la pom da ka shi hajar ki briew.

NONGBISHAR 3:31

Hadien jong u te u Shamgar u khun u Anath, uba la pynïap na ki Philistia hynriewspah ki rangbah da u dieng ñiah masi: u ruh u la pyllait ïa ki Israel.

1 SAMUEL 14:6

Bad u Jonathan u la ong ha uta u samla uba rah ïa ki atiar jong u, “Ïa ngin ïaryngkang sha kata ka karod jong kine kiba khlem otsher: lehse U Trai un ïatrei lem bad ngi: namar ym don ka jingwit ïa U Trai ban pynim da ki babun lane da ki bakhyndiat.”