JOSHUA 23:1 - KA BAIBL

¹ Te kham slem, ynda U Trai u la ai ka jingshongthait ïa ki Israel na ki nongshun jong ki baroh kylleng sawdong, u Joshua u la man tymmen bad u la hiar arsut ka rta;

Khasi CL Bible (BSI)

¹ Kham slem hadien kane, U Trai u la ai ha ki Israel ka jingïada na ki nongshun sawdong jong ki. Ha kata ka por u Joshua u la tymmen bha,

JOSHUA 23:1 ပူးပေါင်းရင်းမြစ်များ

JENESIS 25:8

Bad u Abraham u la ïap noh, u la ïap ruh ha ka jinglong tymmen ba la ïaw bha keiñ, bad u la hun tymmen ruh, ba u la dap da ki snem; bad la ïalum ïa u sha u paidlang jong u.

1 SYIEM 1:1

Te u syiem Dabid u la tymmen bad u la noh arsut ka rta; bad haba ki pyntap ïa u da ki jaiñ ruh, um syaid shuh.

1 KHRONIKL 23:25

Namar u Dabid u la ong, “U Trai, U Blei ki Israel, u la ai ka jingshongthait ha la ki briew; bad u shong ha Jerusalem ha la ka rta:

1 KHRONIKL 27:1

Te ki khun Israel katba kum ka jingkheiñ jong ki, kata, ki rangbah ki ïing ki kpa, bad ki kaptan ki hajar bad ki spah, bad ki rangbah jong ki kiba shakri ïa u syiem, ha kano kano ka kam jong kita ki jingkylliang kiba rung bad kiba mih man la u bnai ha ki bnai baroh jong ka snem, ha kawei kawei ka jingkylliang, ki la long arphew saw hajar.

2 KHRONIKL 14:1

Kumta, u Abijah u la thiah bad la ki kpa, bad ki la tep ïa u ha ka shnong u Dabid, bad u Asa u khun jong u, u la synshar ha ka jaka jong u: ha ki sngi jong u, ka ri ka la suk shiphew snem.

2 KHRONIKL 14:5

U la pynduh noh ruh na ki shnong Judah baroh ïa ki jaka bajrong bad ïa ki durblei sngi: bad ka hima ka la suk ha khmat jong u.

2 KHRONIKL 20:30

Kumta, ka hima u Jehoshaphat ka la long kaba suk: namar U Blei jong u, U la ai ïa u ka jingshongthait baroh sawdong.

SALM 46:9

U pynduh ïa ki jingïaleh thma haduh ka bakut ka khyndew; u pynkheiñ ïa ka ryntieh, bad u kdiah noh ïa u sum; u thang ïa ki kali ïapom ha ka ding.

ISAÏAH 63:14

Kum u jingri uba leit hiar sha ka them, U Mynsiem U Trai u la pynshong thait ïa ki: kumta me la ïalam ïa la u paidlang, bad pynlong ïa lade ka nam kaba donburom.

DEUTERONOMI 31:2

U la ong ruh ha ki, “Nga la dap shispah arphew snem mynta; ngam lah shuh ban mih shabar bad ban wan shapoh: bad U Trai ruh u la ong ha nga, ‘Men ym ïoh leit sha shiliang kane ka Jordan.’

JOSHUA 11:23

Kumta, u Joshua u la shim ïa kata ka ri baroh, kat kumba U Trai u la ong ha u Moses baroh; bad u Joshua u la ai kynti ïa ka ha ki Israel katba kum ki bynta jong ki ha la ki jaid ki jaid. Bad ka ri ka la shongthait na ka thma.

JOSHUA 13:1

Te u Joshua u la tymmen bad u la hiar arsut ka rta; bad U Trai u la ong ha u, “Me la tymmen bad me la hiar arsut ka rta, hynrei, dang sah bun ka khyndew kaba dei ban ïoh.

JOSHUA 21:44

Bad U Trai u la ai ha ki ka jingshongthait baroh sawdong, kat kumba u la smai baroh ha ki kpa jong ki: bad ym shym don uwei u briew na ki nongshun jong ki baroh uba la ïeng ha khmat jong ki; U Trai u la ai noh ïa ki nongshun jong ki baroh ha ka kti jong ki.

JOSHUA 22:4

Mynta te, U Trai U Blei jong phi u la ai ka jingshongthait ïa ki para jong phi, kumba u la ong ïa ki: namar kata, mynta phin phai noh, bad phin leit noh sha la ki ïingjaiñ, bad ha ka ri ka bynta jong phi, ïa kaba u Moses u shakri U Trai u la ai ha phi sha shiliang ka Jordan.

1 SAMUEL 12:2

Te mynta, ha khmih, u syiem u ïaid ha khmat jong phi: nga te nga la tymmen bad nga la phuh 'ñiuhlieh; bad ha khmih, ki khun jong nga ki don bad phi: bad nga la ïaid ha khmat jong phi naduh ba nga dang samla haduh kane ka sngi.