JOSHUA 22:9 - KA BAIBL

⁹ Te ki khun u Reuben bad ki khun u Gad bad ka shiteng jaid u Manasseh ki la phai, bad ki la mih noh na ki khun Israel na Sheiloh, kaba ha ka ri Kanaan, ban leit sha ka ri Gilead, sha ka ri ka bynta jong ki, kaba ki la ïoh, katba kum ka ktien U Trai da ka kti u Moses.

Khasi CL Bible (BSI)

⁹ Kumta ki paidbah jong ki jait Reuben, Gad, bad Manasseh ba sha Mihngi ki la leit phai pat sha ïing. Ki la iehnoh ïa kiba sah jong u paid Israel ha Shiloh ha ka ri Kanaan bad ki la mihnoh sha la ka jong ka ri, ka ri Gilead, ha kaba ki la lah shim kumba U Trai u la hukum ïa ki lyngba u Moses.

JOSHUA 22:9 ပူးပေါင်းရင်းမြစ်များ

2 SAMUEL 2:9

bad u la pynlong syiem ïa u halor ka Gilead, bad halor ki Ashur, bad halor ka Jesril, bad halor ki Ephraim, bad halor ki Benjamin, bad halor ki Israel baroh.

1 KHRONIKL 5:9

Bad shaphang mihngi u la shong haduh kaba rung sha ri khlaw na ka wah Ïuphratis: naba ki masi jong ki, ki la nang roi ha ka ri Gilead.

SALM 60:7

Ka Gilead ka jong nga, bad u Manasseh u jong nga; u Ephraim ruh u long ka jingïada ka khlieh jong nga; u Judah u long u dieng synshar jong nga.

JINGKHEIÑ 32:1

Te ki khun u Reuben, bad ki khun u Gad, ki la don shikatdei eh ki jingri: bad haba ki la ïohi ïa ka ri Jaser, bad ïa ka ri Gilead, te ha khmih, kata ka jaka ka la long ka jaka ïa ki jingri;

JINGKHEIÑ 32:20

Te u Moses u la ong ha ki, “Lada phin leh ïa kane; lada phin leit ba la kieng atiar ïa ka ban ïaleh thma ha khmat U Trai,

JINGKHEIÑ 32:22

bad ba la jop thiaw ïa kata ka ri ha khmat U Trai: te hadien kata, phin ïoh wan phai pat, bad phin long ruh kiba khlem pop ha khmat U Trai, bad ha khmat ki Israel; bad kane ka ri kan long ka bynta trai jong phi ha khmat U Trai.

JINGKHEIÑ 32:26

Ki khun khynnah jong ngi, ki tnga jong ngi, ki kynhun jong ngi, bad ki jingri jong ngi baroh, kin ïashongneh hangne ha ki nongbah Gilead:

JINGKHEIÑ 32:29

Te u Moses u la ong ha ki, “Lada ki khun u Gad, bad ki khun u Reuben, kin ïaleit sha shiliang ka Jordan lem bad phi, uwei uwei baroh ba la kieng atiar sha ka thma, ha khmat U Trai, bad ba yn jop thiaw ïa ka ri ha khmat jong phi; te kumta, phin ai ïa ka ri Gilead ha ki, ban long ka bynta trai jong ki:

DEUTERONOMI 3:18

“Te nga la hukum ïa phi ha kata ka por, da kaba ong, ‘U Trai uba U Blei jong phi u la ai ha phi, ïa kane ka ri ban ïoh ïa ka: ka dei ïa phi ban leit sha shiliang, kiba la kieng atiar ha khmat ki para jong phi ki khun Israel, baroh keiñ kiba don bor ban ïaleh thma.

DEUTERONOMI 3:20

tad ynda U Trai u la pynshong thait ïa ki para jong phi, kumba ïa phi ruh, bad ba ki ruh ki la ïoh ïa kata ka ri ïa kaba U Trai uba U Blei jong phi u la ai ha ki, sha shiliang ka Jordan: ynda kumta keiñ, phin sa wan phai pat, uwei uwei baroh sha la ka bynta trai, ïa kaba nga la ai ha phi.’

DEUTERONOMI 34:1

Te u Moses u la leit kiew na ki madan Moab sha u lum Nebo, sha kliar Piskah keiñ, kaba marpyrshah ka Jerikho. Bad U Trai u la kdew ha u, ïa ka ri Gilead baroh, haduh Dan;

JOSHUA 13:11

bad ka Gilead, bad ka pud ki Geshur bad ki Maakath, bad u lum Hermon baroh, bad ka Bashan baroh haduh Salekah;

JOSHUA 13:25

Bad ka pud jong ki ka la long ka Jaser, bad ki shnong ka Gilead baroh, bad shiteng ka ri ki khun u Ammon, haduh Aroer kaba ha shuwa Rabbah;

JOSHUA 13:31

bad shiteng ka Gilead, bad ka Ashtaroth, bad ka Edrei, ki shnong ka hima u Og ha Bashan, ki la dei ïa ki khun u Makhir u khun u Manasseh, ha ki shiteng ki khun u Makhir keiñ kat kum ki ïing jong ki.

JOSHUA 22:10

Te haba ki la wan sha ki rud ka Jordan, kiba ha ka ri Kanaan, ki khun u Reuben bad ki khun u Gad bad ka shiteng jaid u Manasseh ki la tei hangta ka duwan harud ka Jordan, ka duwan kaba khraw kaba paw bha.

NONGBISHAR 20:1

Ynda kumta, ki khun Israel baroh ki la mih noh, bad u paidlang u la ïalum lang kum kawei, naduh Dan haduh Beer-sheba, lem bad ka ri Gilead, sha U Trai ha Mispah.

NONGBISHAR 5:17

Ka Gilead ka la shong sha lyndet ka Jordan: bad u Dan, balei ba u la sah ha ki lieng? u Asher u la shong khop harud ka duriaw, bad u la shong ha ki kdong um jong u.