JOSHUA 22:8 - KA BAIBL

⁸ bad u la kren ha ki, u da ong, “To phai noh sha la ki ïingjaiñ bad bun ki spah, bad ki jingri shibun eh, bad ka rupa bad ka ksiar, bad ka rnong bad ka nar, bad ki jaiñ shibun eh: to ïasam ïa ka jinglute ki nongshun jong phi bad la ki para.”

JOSHUA 22:8 ပူးပေါင်းရင်းမြစ်များ

1 KHRONIKL 5:9

Bad shaphang mihngi u la shong haduh kaba rung sha ri khlaw na ka wah Ïuphratis: naba ki masi jong ki, ki la nang roi ha ka ri Gilead.

2 KHRONIKL 17:5

Namar kata, U Trai u la pynskhem ïa ka hima ha ka kti jong u: bad ka Judah baroh ka la wallam ki jingai sngewbha ha u Jehoshaphat; bad u la don spah bad ka burom kyrhai.

2 KHRONIKL 32:27

Te u Hesekaïah u la don ka spah bad ka burom shibun eh: bad u la pynkhreh ïa u ki ïing jingkynshew ïa ka rupa, bad ïa ka ksiar, bad ïa ki mawkordor, bad ïa ki masla, bad ïa ki stieh, bad ïa ki jaid baroh ki khiew ki pliang babha;

SALM 68:12

Ki syiem jong ki paidïapom ki ïaphet ïap, ki ïaphet ïap: te kata kaba sah ha la ïing ka ïasam ïa ka jinglute.

PROBERB 3:16

Ka jingslem ki sngi ka don ha ka kti kamon jong ka; ha ka kti kadiang jong ka ki don ki spah bad ka burom.

JINGKHEIÑ 31:27

te phin ïasam marshiteng ïa ka jinglute: hapdeng kita ki nongïapom, kiba la leit ha kata ka thma, bad hapdeng u paidlang baroh:

1 KORINTH 15:58

Naba kumta, ko parabangeit ba-ieit jong nga, to long phi kiba ïaineh skhem, bad ki bymkynriah noh, bad kiba man kyrhai man la ka sngi ha ka kam U Trai, haba phi tip skhem ba kata ka jingtrei minot jong phi kam ju long kaba lehnohei ha U Trai.

HEBRU 11:26

u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong.

1 SAMUEL 30:16

Te haba u la ïalam arsut ïa u, ha khmih, ki la phriang ïa lade ha kata ka jaka baroh, ki da bam, bad ki da dih, bad ki da khawai de, namar kata ka jinglute kaba khraw baroh ïa kaba ki la shim na ri ki Philistia, bad na ka ri Judah.

1 SAMUEL 30:24

Bad uei u ban shahshkor ïa phi ha kane ka kam? naba kumba long ka bynta jong uta uba leit hiar ha ka thma, kumta hi keiñ kan long ka bynta jong uta uba sah bad ki jingbuh jingsat; kin ïasam mar kumjuh keiñ.”