JOSHUA 22:6 - KA BAIBL

⁶ Kumta, u Joshua u la kyrkhu ïa ki, bad u la phah noh ïa ki: te ki la leit sha la ki ïingjaiñ.

Khasi CL Bible (BSI)

^6-8 U Joshua u la phah ïa ki sha ïing ryngkat bad ki jingkyrkhu jong u, bad kine ki ktien: “Phi leit phai pat sha ïing kiba la riewspah bha, lem bad shibun ki jingri, ka rupa, ka ksiar, ka rnong, ka nar, bad shibun ki jaiñphong. Ïasam bynta lem bad la ki para jait ïa kaei kaba phi la shim na ki nongshun jong phi.” Nangta, ki leit phai noh sha ïing. U Moses u la ai jaka ha ka phang mihngi jong ka Jordan ha kaba shiteng na ka jait Manasseh, hynrei ïa kawei pat kaba shiteng, u Joshua u la ai ka jaka ha ka phang sepngi jong ka Jordan, lem bad kiwei pat ki jait.

JOSHUA 22:6 ပူးပေါင်းရင်းမြစ်များ

JENESIS 14:19

Te u la kyrkhu ïa u, bad u da ong, “To long ba la kyrkhu ïa u Abram na U Blei U Bahalor Tam Eh, U Trai ka bneng bad ka khyndew:

JENESIS 47:10

Bad u Jakob u la kyrkhu ïa u Pharaoh, bad u la mih noh na khmat u Pharaoh.

JENESIS 47:7

Bad u Joseph u la ïalam hapoh sa ïa u Jakob u kpa jong u, bad u la buh ïa u ha khmat u Pharaoh: bad u Jakob u la kyrkhu ïa u Pharaoh.

2 SAMUEL 6:18

Bad ynda u Dabid u la pyndep ban kñia ainguh ïa kita ki jingainguh thang bad ïa kita ki jingainguh bapynïasuk, u la kyrkhu keiñ ïa uta u paidbah ha ka kyrteng U Trai ki paid.

2 SAMUEL 6:19

Bad u la sam ha kita ki briew baroh, kata ha u paidlang ki Israel baroh, ha ki shynrang bad ha ki kynthei ruh, ha uwei pa uwei baroh, uwei u kpu, bad shi tukra ka doh, bad iwei i kpu da u soh Khajur. Kumta uta u paidbah baroh ki la leit wan noh uwei pa uwei baroh ha la ka jong ka ïing.

2 SAMUEL 6:20

Ynda kumta, u Dabid u la leit phai noh ïa ka ban kyrkhu ïa la ki ba-ha-ïing. Te ka Mikhal ka khun u Saul ka la leit tan ïa u Dabid, bad ka la ong, “A katno uba donburom mo u syiem ki Israel u la long ha kane ka sngi, uba ha kane ka sngi u la pynlyngkhuit ïa lade ha khmat ki shakri kynthei jong ki shakri jong u, kumjuh kumba u 'riewthala u pynlyngkhuit khlem rain ïa lade!”

1 SYIEM 8:66

Ha ka sngi ka baphra u la phah noh ïa u paidbah, ki te ki la kyrkhu ïa u syiem, bad ki la leit sha la ki ïingjaiñ da ka dohnud bakmen bad basngewbha namar kata ka babha baroh kaba U Trai u la pyni ha u Dabid u shakri jong u, bad ha ki Israel ki briew jong u.

2 KHRONIKL 30:18

Naba u paidbah babun, bun na Ephraim keiñ bad Manasseh, Issakhar bad Sabulon, kim shym pat la pynkhuid ïa lade, pynban, ki la bam ïa Ka Jinglait da kumwei pat na kaba la thoh. Naba u Hesekaïah u la lah duwai na ka bynta jong ki, u da ong,

EKSODOS 39:43

Bad u Moses u la khmih ïa kata ka kam baroh, te, ha khmih, ki la lah leh ïa ka kumba U Trai u la lah hukum, kumta hi keiñ, ki la leh ïa ka: bad u Moses u la kyrkhu ïa ki.

LOUKAS 2:34

U Simeon u la kyrkhu ïa ki ruh, bad u la ong ha ka Mari ka kmie jong U, “Ha khmih, la buh ïa une ïa ka ban long ka jingkyllon bad ka jingïeng ïa ki shibun ha Israel, bad ïa ka dak ruh ïa ka ban kren pyrshah;

LOUKAS 24:50

Ynda kumta, u la ïalam noh habar ïa ki haduh Bethania; haba u la rah ïa la ki kti ruh, u la kyrkhu ïa ki.

JOSHUA 14:13

Te u Joshua u la kyrkhu ïa u; bad u la ai ïa ka Hebron ha u Kaleb u khun u Jephunneh ban long ka ri kynti.

JOSHUA 24:28

Kumta, u Joshua u la pyllait ïa u paidbah uwei uwei baroh sha la ka ri kynti.

1 SAMUEL 10:25

Ynda kumta, u Samuel u la ïathuh ïa ka rukom jong ka hima ha kita ki briew, bad u la thoh ïa ka ha ka kitab, bad u la buh ïa ka ha khmat U Trai. Bad u Samuel u la pyllait noh ïa ki briew baroh, uwei pa uwei sha la ïing la ïing.

1 SAMUEL 13:2

u Saul u la jied ha u, lai hajar ngut na ki Israel: ar hajar ki la don bad u Saul ha Mikhmash bad ha u lum Bethel, bad shi hajar bad u Jonathan ha Gibeah u Benjamin: te kita kiwei na u paidbah u la phah uwei uwei sha la ka jong ka jong ka ïingjaiñ.

1 SAMUEL 2:20

Te u Eli u la kyrkhu ïa u Elkanah bad ïa ka tnga jong u, bad u la ong, “To U Trai un ai symbai ha me na kane ka briew namar kata ka jingai kylliang kaba la ai kylliang ha U Trai.” Te ki la leit wan noh sha la ïing.