JOSHUA 22:5 - KA BAIBL

⁵ Hynrei, sumar bniah ban leh ïa ka hukum bad ka aiñ, kiba u Moses u shakri U Trai u la hukum ïa phi, ban ieit ïa U Trai U Blei jong phi, bad ban ïaid ha ki lynti jong u baroh, bad ban sumar ïa ki hukum jong u, bad ban snoh ha u, bad ban shakri ïa u da la ka dohnud baroh bad da la ka mynsiem baroh.”

Khasi CL Bible (BSI)

⁵ Pynthikna ba phi kohnguh ïa ka aiñ kaba u Moses u la hukum ïa phi: ieit ïa U Trai U Blei jong phi, leh ïa ka mon jong u, kohnguh ïa ki hukum jong u, ïaineh ha u, bad shakri ïa u da ka dohnud bad ka mynsiem jong phi baroh.”

JOSHUA 22:5 ပူးပေါင်းရင်းမြစ်များ

SALM 106:3

Suk kita kiba sumar ïa ka jingbishar, bad uba leh ïa ka hok ha la ka sngi.

SALM 78:7

khnang ba kin buh ïa la ka jingkyrmen ha U Blei; bad ba kin ym klet ïa ki kam ki jong U Blei, hynrei, kin sumar ïa ki hukum jong u:

EKSODOS 15:26

bad u la ong, “Lada men sngap biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U Trai uba pynim ïa me.”

EKSODOS 20:6

bad uba leh isynei ïa ki hajar, kiba ieit ïa nga bad kiba sumar ruh ïa ki hukum jong nga.

EKSODOS 23:13

Bad ha kiei kiei baroh ba nga la ong ha phi phin sumar biang: wat kynmaw ïa ka kyrteng kiwei ki blei, lymne wat ai ban ïohsngew ïa ka na ka shyntur jong me.

EKSODOS 23:25

Phin shakri te ïa U Trai U Blei jong phi, te un kyrkhu ïa u kpu jong me, bad ïa ka um jong me; bad ngan shim noh ïa ka jingpang napdeng jong me.

PROBERB 4:23

To ri khop ïa la ka dohnud da kaba sumar eh; naba na ka ki wan ki jingmih ka jingim.

ISAÏAH 55:2

Balei phi pynlut sbai ïa ka bymlong kpu? Bad ka jingtrei jong phi ïa ka bym pynkdang? To shahshkor biang biang ïa nga, bad bam ïa kata ka babha, to ka mynsiem jong phi kan pynsngewbha ïa lade ruh ha kaba khleiñ.

JEREMAÏAH 12:16

Te lada kin hikai minot ïa ki lynti ki briew jong nga, ïa ka ban smai ha ka kyrteng jong nga, ‘Katba u im U Trai;’ kumjuh kumba ki la hikai ïa ki briew jong nga ban smai da u Baal; kumta yn sa tei ïa ki hapdeng ki briew jong nga.

MATHAÏOS 22:37

U Jisu te u la ïathuh ha u, “ ‘Men ieit ïa U Trai uba U Blei jong me da ka dohnud jong me baroh, bad da ka mynsiem jong me baroh, bad da ka jingmut jong me baroh.’

MATHAÏOS 4:10

Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

MATHAÏOS 6:24

“Ym don uba lah ban shakri ar ngut ki kynrad; naba un isih ïa uwei, bad un ieit ïa uwei; lane un bat ïa uwei, bad un lyndet ïa uwei. Phim lah ban shakri ïa U Blei bad ïa ka spah.”

LOUKAS 1:74

ïa ka ban ai ha ngi, ïa kiba la knieh kynthet na ka kti kiba shun ïa ngi, ba ngin shakri ïa U khlem da sheptieng,

ÏOANNIS 12:26

Lada uno uno ruh un shakri ïa nga, to ai ba un bud ïa nga; bad sha kaba nga don ma nga, hangta ruh u shakri jong nga un long: lada uno uno ruh u shakri te ïa nga, U Kpa jong nga un pyndonnam ïa u.

ÏOANNIS 14:15

“Lada phi ieit ïa nga, to sumar ïa ki hukum jong nga.

KI KAM 11:23

uba haba u la poi, bad ba u la ïohi ïa ka jingaiei ka jong U Blei, u la sngewkmen, bad u la kyntu ïa ki baroh, ba da ka jingthmu skhem ka dohnud kin snoh ha U Trai:

KI KAM 27:23

Namar la ïeng hajan jong nga ha kane ka miet u angel U Blei, u jong uba nga long, bad ïa uba nga shakri ruh,

Ka Shithi U Paul Sha Ki Nong Rom 1:9

Namar U Blei u long u sakhi jong nga, ïa uba nga shakri ha ka mynsiem jong nga ha ka gospel ka jong U Khun jong u, ba khlem da pud nga pynlong ka jingkynmaw shaphang jong phi,

Ka Shithi U Paul Sha Ki Nong Rom 12:9

To ka jingieit kan long kaba khlem arsap. To kiar noh sngewtriem na kata ka basniew, to snoh ha kata ka babha.

Ka Shithi U Paul Sha Ki Nong Rom 8:28

Bad ngi ïatip ruh ba kiei kiei baroh ki ïatrei lem ïa ka ban pynbha ïa kita kiba ieit ïa U Blei, ïa kita keiñ ïa kiba la khot katba kum ka jingthmu jong u.

DEUTERONOMI 10:20

Men sheptieng ïa U Trai uba U Blei jong me; ïa u hi men shakri; bad ha u men snoh, bad ha ka kyrteng jong u ruh men smai.

DEUTERONOMI 11:1

“To men ieit, namar kata, ïa U Trai uba U Blei jong me, bad to sumar ïa ka kam jong u, bad ïa ki aiñ jong u, bad ïa ki jingbishar jong u, bad ïa ki hukum jong u, ha la ka sngi.

DEUTERONOMI 11:13

“Bad kan jia, lada phin shahshkor biang biang ruh ïa ki hukum jong nga, ïa kiba nga hukum ïa phi ha kane ka sngi, ban ieit ïa U Trai uba U Blei jong phi, bad ban shakri ruh ïa u da la ka dohnud baroh, bad da la ka mynsiem baroh,

DEUTERONOMI 11:22

Namar lada phin sumar biang biang ruh ïa kine ki hukum baroh ïa kiba nga hukum ïa phi, ban leh ïa ki; ban ieit ïa U Trai uba U Blei jong phi, ban ïaid ha ki lynti jong u baroh, bad ban ïaineh skhem ha u;

DEUTERONOMI 13:4

To phin ïabud ïa U Trai uba U Blei jong phi, bad phin sheptieng ïa u, bad phin sumar ïa ki hukum jong u, bad phin kohnguh ruh ïa ka ktien jong u, bad phin ïashakri ïa u, bad phin ïaineh ruh ha u.

DEUTERONOMI 4:29

Hynrei, lada nangta, men da wad ïa U Trai uba U Blei jong me, men sa shem ïa u, lada men da wad ïa u da la ka dohnud baroh, bad da la ka mynsiem baroh.

DEUTERONOMI 4:4

Hynrei, ma phi kiba la ïasoh ha U Trai uba U Blei jong phi, phi ïa-im baroh ha kane ka sngi keiñ.

DEUTERONOMI 4:6

To sumar, namar kata, bad to leh ruh ïa ki; naba kane ka long ka jingstad, bad ka jingshemphang jong phi ha khmat kita ki jaid bynriew, ki ban ïohsngew ïa kine ki hukum baroh, bad kin ïa-ong, ‘Shisha kane ka jaid bynriew kaba khraw ka long u paidlang u bastad, bad u bashemphang.’

DEUTERONOMI 4:9

“Tang ba men sumar ïa lade, bad sharai minot bha ïa la ka mynsiem, ïoh ba men klet ïa kine kiei kiei kiba ki khmat jong me ki la ïohi, bad ïoh ba kin kynriah noh ruh na ka dohnud jong me, baroh ki sngi ka rta jong me; hynrei, to hikai ïa ki ha la ki khun shynrang, bad ha ki khun shynrang ki khun shynrang jong me keiñ;

DEUTERONOMI 5:10

uba leh isynei ruh ïa ki hajar jong kiba ieit ïa nga, bad ba sumar ïa ki hukum jong nga.

DEUTERONOMI 6:17

To phin sumar biang biang ruh ïa ki hukum U Trai uba U Blei jong phi, bad ïa ki jingphla jong u, bad ïa ki aiñ jong u, ïa kiba u la hukum ïa me.

HEBRU 12:15

da kaba khmih bniah ïoh don uno uno u briew u ban ym kot sha ka jingaiei U Blei; ïoh ba uno uno ruh u thied ka jingkthang uba da mih shluiñ un pynkhuslai ïa phi, bad da uta, yn ïoh pyntngit ïa kiba bun:

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

JOSHUA 23:8

hynrei, to snoh ha U Trai U Blei jong phi, kumba phi la leh haduh kane ka sngi.

JINGPYNPAW 15:3

Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

1 SAMUEL 12:20

U Samuel te u la ong ha u paidbah, “Wat sheptieng: phi la leh shisha ïa kane ka jingbymman baroh: pynban, wat kiar noh na kaba bud ïa U Trai, hynrei, to shakri ïa U Trai da ka dohnud jong phi baroh;

1 SAMUEL 12:24

Tang ba phin sheptieng ïa U Trai, bad shakri ïa u ha kaba shisha da ka dohnud jong phi baroh: naba to pyrkhat ïa kaba katno kiba khraw u la leh na ka bynta jong phi.

1 SAMUEL 7:3

Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”