JOSHUA 22:29 - KA BAIBL

²⁹ Kaba jngai ïa ngi ban ïaleh pyrshah ïa U Trai, bad ban phai noh ha kane ka sngi na kaba bud ïa U Trai, ban tei ïa ka duwan ïa ka jingainguh thang, lane ïa ka jingainguh bam, lane ïa ka jingkñia, nalor kata ka duwan ka jong U Trai U Blei jong ngi kaba ha khmat Ka Tabernakl jong u.”

Khasi CL Bible (BSI)

²⁹ Da lei lei ruh ngin ym ïaleh pyrshah ïa U Trai lane sangeh noh na kaba bud ïa u mynta da kaba tei ka duwan ban thang ki jingainguh halor jong ka lane na ka bynta ki jingainguh bam lane ki jingkñia. Ngin ym tei kano kano kawei pat ka duwan nalor ka duwan U Trai U Blei jong ngi uba ïeng ha khmat ka Ïingjaiñ ka Jingdon Ryngkat jong u!”

JOSHUA 22:29 ပူးပေါင်းရင်းမြစ်များ

JENESIS 44:17

U te u la ong, “Wat ai ba ngan leh ïa kata haba da lei lei ruh: uta u briew ha uba la shem ïa uta u luta, uta un long keiñ u mraw jong nga; hynrei, shaphang jong phi, to phin leit kiew ha ka jingsuk sha u kpa jong phi.”

JENESIS 44:7

Bad ki la ïa-ong ha u, “Na ka balei ba u trai kynrad jong ngi u kren kum ïa kine ki ktien? Ban leh kum ïa kane ka kam, to ai ba kan long jngai na ki shakri jong me haba da lei lei ruh:

1 SYIEM 21:3

U Naboth te u la ong ha u Ahab, “Ka long kaba eh ïa nga ban ai ïa ka ri kynti ki kpa jong nga ha me.”

2 SYIEM 18:22

Hynrei, lada phi ong ha nga, “Ngi shaniah ha U Trai U Blei jong ngi”: uta um long uba ki jaka bajrong jong u bad ki duwan jong u, u Hesekaïah u la pynduh noh, bad u la ong ha ka Judah bad ha ka Jerusalem, “Phin mane ha khmat kane ka duwan ha Jerusalem?”

2 KHRONIKL 32:12

Uta hi u Hesekaïah um shym la pynduh noh ïa ki jaka bajrong jong u bad ïa ki duwan jong u, bad u la hukum ïa ka Judah bad ïa ka Jerusalem, u da ong, “Phin mane ha khmat kawei ka duwan, bad halor jong ka phin thang ka jingiwbih?”

Ka Shithi U Paul Sha Ki Nong Rom 3:6

Ym kumta, em! namar haba kumta, kumno U Blei un bishar ïa ka pyrthei?

Ka Shithi U Paul Sha Ki Nong Rom 6:2

Ym kumta, em! Ma ngi kiba la ïap ïa ka pop, kumno ngin dang ïai-im shuh ha ka?

Ka Shithi U Paul Sha Ki Nong Rom 9:14

Kumno te ngin ïa-ong? Don ka bymhok bad U Blei? Em, ym kumta!

DEUTERONOMI 12:11

ynda kumta, kan long ka jaka ïa kaba U Trai uba U Blei jong phi un jied ïa ka ban pynshong ïa la ka kyrteng hangta, shata keiñ, phin wallam ïa baroh ba nga hukum ïa phi: ïa ki jingainguh thang jong phi, bad ïa ki jingkñia jong phi, ïa kiba shiphew jong phi, bad ïa ka jingainguh kyntiew jong ka kti jong phi, bad ïa ki jingkular skhem ba jied bha baroh jong phi ïa kiba phi kular ha U Trai:

JOSHUA 22:23

ba ngi la tei ka duwan ha ngi ban phai noh na kaba bud ïa U Trai; lane lada ïa ka ban ainguh halor jong ka, ka jingainguh thang lane ka jingainguh bam, lane lada ban kñia halor jong ka ki jingkñia pynïasuk, to U Trai hi un pan;

JOSHUA 22:26

Namar kata, ngi la ong, ‘Ïa ngin ïakhreh mynta ban tei ka duwan ha ngi, ym ïa ka jingainguh thang, lymne ïa ka jingkñia:

JOSHUA 22:28

Namar kata, ngi la ïa-ong, ‘Kan long, haba kin ong kumta ha ngi lane ha ki khun ki ksiew jong ngi lashai lashisngi, ba ngi ruh ngin ong pat, “Ha khmih, ka dur ka duwan U Trai, kaba ki kpa jong ngi ki la thaw, ym ïa ka jingainguh thang, lymne ïa ka jingkñia; hynrei, ka long ka sakhi hapdeng jong ngi bad jong phi.” ’

JOSHUA 22:30

Te haba u Phinehas lyngdoh, bad ki rangbah u paidbah, kata, ki rangbah ki hajar ki Israel kiba la don ryngkat bad u, ki la ïohsngew ïa kita ki ktien kiba ki khun u Reuben bad ki khun u Gad bad ki khun u Manasseh ki la ïakren, ki la sngewbha shibun.

JOSHUA 24:16

Te u paidbah u la ïathuh u la ong ruh, “Kaba eh ïa ngi ba ngin iehnoh noh ïa U Trai, ïa ka ban shakri ïa kiwei pat ki blei;

1 SAMUEL 12:23

Ma nga ruh, ngan nai ba ngan leh pop pyrshah ïa U Trai da kaba wai noh ban duwai na ka bynta jong phi: hynrei, ngan hikai ha phi ïa kata ka lynti ka babha bad kaba dei.