JOSHUA 22:28 - KA BAIBL

²⁸ Namar kata, ngi la ïa-ong, ‘Kan long, haba kin ong kumta ha ngi lane ha ki khun ki ksiew jong ngi lashai lashisngi, ba ngi ruh ngin ong pat, “Ha khmih, ka dur ka duwan U Trai, kaba ki kpa jong ngi ki la thaw, ym ïa ka jingainguh thang, lymne ïa ka jingkñia; hynrei, ka long ka sakhi hapdeng jong ngi bad jong phi.” ’

Khasi CL Bible (BSI)

²⁸ Ka long ka jingpyrkhat jong ngi ba lada kane kan urlong, ki khun ki ksiew jong ngi ki lah ban ong, ‘Ha khmih! Ki kpa tymmen jong ngi ki la tei ka duwan kaba kum ka duwan jong U Trai. Kam shym dei na ka bynta ki jingainguh thang lane ka jingkñia, hynrei kum ka dak na ka bynta ki briew jong ngi bad jong phi.’

JOSHUA 22:28 ပူးပေါင်းရင်းမြစ်များ

JENESIS 31:48

Bad u Laban u la ong, “Kane ka kynton ka long ka jingsakhi hapdeng jong nga bad me ha kane ka sngi.” Namar kata, la khot “ka Galeed” ïa ka;

2 SYIEM 16:10

Te u syiem Ahas u la leit sha Damaskos ban ïashem ïa u Tiglath-pilesar u syiem ka Assyria, bad u la ïohi ïa ka duwan kaba don ha Damaskos: te u syiem Ahas u la phah ha u Urijah lyngdoh ïa ka dur jong kata ka duwan, bad ïa ka nuksa jong ka, kumba la thaw ïa ka baroh.

EKSODOS 25:40

Te men sumar ba men thaw ïa ki keiñ ha la ka dur ka dur, ïa kaba la pyni ha me ha uta u lum.

ISAÏAH 19:19

Ha kata ka sngi, yn long ka duwan ha U Trai hapdeng ka ri Ijipt, bad u mawbynna harud jong ka ha U Trai.

HEBRU 8:5

kiba shakri niam ïa ka dur bad ka syrngiew kita kiei kiei bakynja bneng, kumba la maham ïa u Moses da U Blei, haba un sa thaw ïa kata Ka Tabernakl: namar, “To sumar”, U ong, “ba men thaw ïa kiei kiei baroh katba kum kata ka nuksa ïa kaba la pyni ha me ha uta u lum.”

JOSHUA 22:27

hynrei, ba kan long ka sakhi hapdeng jong ngi bad jong phi, bad ki khun ki ksiew jong ngi hadien jong ngi, ba ngi lah ban shakri ïa U Trai ha khmat jong u da la ki jingainguh thang, bad da la ki jingkñia, bad da la ki jingainguh pynïasuk; ba ki khun jong phi kin ym ong ha ki khun jong ngi lashai lashisngi, “Phim don ka bynta ha U Trai.” ’

JOSHUA 22:29

Kaba jngai ïa ngi ban ïaleh pyrshah ïa U Trai, bad ban phai noh ha kane ka sngi na kaba bud ïa U Trai, ban tei ïa ka duwan ïa ka jingainguh thang, lane ïa ka jingainguh bam, lane ïa ka jingkñia, nalor kata ka duwan ka jong U Trai U Blei jong ngi kaba ha khmat Ka Tabernakl jong u.”

JOSHUA 24:27

Bad u Joshua u la ong ha uta u paidbah baroh, “Ha khmih, une u maw u long sakhi ïa ngi; namar u la ïohsngew ïa ki ktien U Trai baroh ïa kiba u la kren ha ngi: namar kata, un long u sakhi ïa phi, ïoh ba phin len ïa la U Blei.”