JOSHUA 22:23 - KA BAIBL

²³ ba ngi la tei ka duwan ha ngi ban phai noh na kaba bud ïa U Trai; lane lada ïa ka ban ainguh halor jong ka, ka jingainguh thang lane ka jingainguh bam, lane lada ban kñia halor jong ka ki jingkñia pynïasuk, to U Trai hi un pan;

Khasi CL Bible (BSI)

²³ Lada ngim shym kohnguh ïa U Trai bad tei ïa la ka jong ka duwan ban thang jingainguh halor jong ka lane ban pyndonkam na ka bynta ka jingainguh bam lane ki jingainguh ïasyllok, ai ba U Trai da lade hi un pynshitom ïa ngi.

JOSHUA 22:23 ပူးပေါင်းရင်းမြစ်များ

JENESIS 9:4

Hynrei, tang ïa ka doh kaba dang sah ka snam ka jingim ha ka, phin ym bam.

2 KHRONIKL 24:22

Kumne u Joash uba u syiem um shym la kynmaw ïa ka jinglehbha kaba u Jehoïada u kpa jong u, u la leh ha u, hynrei, u la pynïap ïa u khun jong u. Te haba u la ïap, u la ong, “U Trai un khmih ïa kane, bad un pan ïa ka.”

ESEKIEL 3:18

Haba nga ong ha u bymman, ‘Men ïap shisha’; bad mem ai jingmaham ïa u, lane mem kren ban maham ïa u bymman na ka lynti bymman jong u, ban pynim ïa ka mynsiem jong u, uta hi u riewbymman un ïap ha la ka jingleh bymhok; hynrei, ïa ka snam jong u, ngan pan na ka kti jong me.

ESEKIEL 33:6

Hynrei, lada uta u nongsharai u ïohi ïa ka waitlam ba ka wan, bad um put satia ïa ka turoi, bad kumta ïa ki briew ym shym la maham, te lada kata ka waitlam ka wan, bad ka rong noh ïa uno uno napdeng jong ki; la rong noh ïa u ha ka jingleh bymhok jong u, hynrei, ïa ka snam jong u ngan pan na ka kti u nongsharai.’

ESEKIEL 33:8

Haba nga ong ha u bymman, ‘A me u bymman, men ïap shisha,’ hynrei, me mem shym kren ban maham ïa u bymman na ka lynti jong u; uta u bymman un ïap noh ha ka jingleh bymhok jong u, hynrei, ïa ka snam jong u ngan pan keiñ na ka kti jong me.

DEUTERONOMI 12:11

ynda kumta, kan long ka jaka ïa kaba U Trai uba U Blei jong phi un jied ïa ka ban pynshong ïa la ka kyrteng hangta, shata keiñ, phin wallam ïa baroh ba nga hukum ïa phi: ïa ki jingainguh thang jong phi, bad ïa ki jingkñia jong phi, ïa kiba shiphew jong phi, bad ïa ka jingainguh kyntiew jong ka kti jong phi, bad ïa ki jingkular skhem ba jied bha baroh jong phi ïa kiba phi kular ha U Trai:

DEUTERONOMI 18:19

Te kan jia, ba uno uno ruh u bym shahshkor ïa ki ktien jong nga ïa kiba un kren ha ka kyrteng jong nga, ngan dawa ïa kata na u.

JOSHUA 22:24

bad lada ngim shym leh ïa kane da kaba leh sumar khnang, ngi da ong, ‘Lashai lashisngi ki khun jong phi ki lah ban kren ha ki khun jong ngi, da kaba ong, “Phi donkam aïu bad U Trai U Blei ki Israel?” ’

1 SAMUEL 20:16

Kumta, u Jonathan u la pynlong ka jutang bad ka ïing u Dabid, da kaba ong, “To U Trai un dawa ïa kane na ka kti ki nongshun u Dabid.”